ព័ត៌មានជាតិ
ចម្ការផ្លែមៀននៅស្រុកភ្នំព្រឹកប្រើប្រាស់កម្មករជាង ៣០០ នាក់ ម្នាក់ៗអាចរកកម្រៃបានពី ៥ ទៅ ៦ម៉ឺនរៀលក្នុង ១ថ្ងៃ
កម្មករប្រុសស្រីប្រមាណ ៣០០ នាក់ ម្នាក់ៗអាចរកចំណូលបានចន្លោះពី ៥ ទៅ ជាង ៦ម៉ឺនរៀលក្នុងមួយថ្ងៃតាមរយៈការស៊ីឈ្នួលបេះផ្លែមៀន។ នេះបើតាមការឲ្យដឹងពីលោក រិន ដា ម្ចាស់ចម្ការមៀនដែលបានជួលកម្មករដើម្បីប្រមូលទិន្នផលផ្លែមៀនក្នុងចម្ការមៀនរបស់លោក។
លោក រិន ដា ជាកសិករ នៅភូមិចំការស្រូវ ឃុំបារាំងធ្លាក់ ស្រុកភ្នំព្រឹកខេត្តបាត់ដំបងបានឲ្យ «កម្ពុជាថ្មី» ដឹងថា លោកបានដាំដុះផ្លែមៀនប៉ៃលិនប្រមាណជា ១៤០០ ដើមលើផ្ទៃដីជាង ៥ហិកតា។ ឆ្នាំនេះដោយសារកត្តាអំណោយផលពីអាកាសធាតុ ព្រមទាំងមិនសូវមានជំនន់ទឹកភ្លៀងជនជោរបានធ្វើទិន្នផលផ្លែមៀនប៉ៃលិនហុចផលបានល្អជាងឆ្នាំមុន ជាហេតុទាមទារការប្រើប្រាស់កម្លាំងពលកម្មពលករនៅក្នុងស្រុកភូមិប្រមាណជា ៣០០ នាក់។
ម្ចាស់ចម្ការរូបនេះបានគូសបញ្ជាក់ថា «ខ្ញុំបានជួលកម្មករប្រុសស្រី ក្នុងស្រុកភូមិប្រមាណ ៣០០ នាក់ដើម្បីមកប្រមូលទិន្នផលមៀនប៉ៃលិនដោយកម្មករម្នាក់ៗ អាចរកចំណូលបានចន្លោះពីជាង ៥ ម៉ឺនរៀលដល់ជាង ៦ ម៉ឺនរៀលក្នុង ១ ថ្ងៃ តាមរយៈថ្លៃឈ្នួលបេះមៀន គិតក្នុងតម្លៃ ៤៥០០ រៀលក្នុង ១ ខេង (កញ្ច្រែង) ហើយបើអ្នកពូកែបេះវិញអាចបានជាមធ្យម ១៥ ខេង បើជាស្ត្រីបានជាង ១០ ខេងក្នុង ១ថ្ងៃ ដូច្នេះពួកគាត់អាចរកកម្រៃបានគួរសមដើម្បីយកមកដោះស្រាយបន្ទុកជីវភាពគ្រួសារបានមួយគ្រាៗផងដែរ តាមរយៈពលកម្មក្នុងស្រុក»។
ស្ត្រីជាកម្មករម្នាក់បង្ហាញអារម្មណ៍សប្បាយចិត្តដែលមានការងារក្នុងភូមិ ដែលអាចទទួលបានប្រាក់ចំណូលតាមរដូវកាល ដើម្បីជួយដោះស្រាយការចំណាយនៅបន្ទុកជីវភាពគ្រួសារ ដោយមិនចាំបាច់ចំណាកស្រុកដោយប្រថុយប្រថាន។
ស្ត្រីជាកម្មកររូបនេះបន្តថា«រយៈពេល ៣ឆ្នាំហើយ ដែលពួកខ្ញុំស៊ីឈ្នួលបេះផ្លែមៀន ហើយមួយថ្ងៃបេះបានជាមធ្យមគឺបាន ១០ ខេង ដោយមិនបង្ខំពេកទេ។ តែបើគេកម្លាំងប្រុស បេះបានពីចន្លោះ ១០ ដល់ ១៥ ខេងក្នុងមួយថ្ងៃ តែទោះយ៉ាងណា ក៏ពួកខ្ញុំសប្បាយចិត្ត ព្រោះជាការងាររកកម្រៃនៅជិតផ្ទះ ហើយថ្ងៃនេះពួកខ្ញុំរកបានជិត ៥ ម៉ឺនដែរ»។
លោក រិន ដា បានបន្តដែរថា ក្រៅពីដំណាំមៀនប៉ៃលិន លោកបានពង្រីកមុខរបរកសិកម្មច្រើន មានផលដំណាំផ្សេងៗទៀតដែលត្រូវប្រើកម្លាំងពលករក្នុងស្រុកភូមិដោយអាចរកកម្រៃបាន ដូចជា បេះផ្លែមៀន សណ្ដែកសៀង កាច់ពោត ចិញ្ច្រាំមើមដំឡូងមី ជាដើម ហើយនេះក៏ជាការចែករំលែកជួយដល់សេដ្ឋកិច្ចគ្រួសារ អ្នកក្នុងភូមិគ្មានការងារធ្វើប្រចាំថ្ងៃ។
មន្ត្រីនៃមន្ទីរកសិកម្មខេត្តបាត់ដំបងបានឲ្យដឹងដែរថា ឆ្នាំនេះផលដំណាំរបស់ប្រជាកសិករមានលក្ខណៈអំណោយផលល្អ ដោយមិនរងការជន់លិចយូរទឹកឆាប់ស្រកលឿន ហើយក៏មិនសូវមានខ្យល់កន្ត្រាក់ច្រើននោះដែរ ទើបធ្វើឲ្យផលដំណាំកសិករមិនសូវរងគ្រោះ នឹងបានបង្កើនទិន្នផលបានល្អប្រសើរក្នុងឆ្នាំនេះ៕
អត្ថបទ៖ សៅ សារិទ្ធ
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់