Galaxy ទម្លាយថា ក្រៅពី G-Dragon មានក្រុម Big Bang ម្នាក់ទៀត

យោងតាមរបាយការណ៍របស់ប្រព័ន្ធផ្សព្វផ្សាយចាប់ពីថ្ងៃទី ២០ ខែធ្នូ ក្រុមហ៊ុន Galaxy Corporation ដែលទើបចុះហត្ថលេខាលើតារា K-Pop G-Dragon ប្រហែលជាកំពុងស្វែងរកការគាំទ្រសកម្មភាពក្រុមរបស់ Big Bang នៅឆ្នាំ ២០២៤ ។

បន្ទាប់ពីជ្រើសរើស G-Dragon ដោយជោគជ័យ Galaxy មានបំណងពង្រីកអាជីវកម្មរបស់ខ្លួនទៅក្នុងឧស្សាហកម្មតន្ត្រី។ ដោយឡែក បច្ចុប្បន្ននេះ Galaxy កំពុងស្វែងរកការបង្កើតសាខានៅប្រទេសជប៉ុន ដើម្បីគាំទ្រសកម្មភាពជប៉ុនរបស់ G-Dragon នៅឆ្នាំ ២០២៤។

លើសពីនេះ រាយការណ៍បញ្ចាក់ទៀតថា តំណាងរបស់ Galaxy បានជួបជាមួយ Daesung របស់ Big Bang សម្រាប់ការពិភាក្សាបឋមទាក់ទងនឹងឱកាសច្នៃប្រឌិតជាច្រើន រួមទាំងសកម្មភាពទោល ក៏ដូចជាការផ្សព្វផ្សាយជាក្រុមរបស់ Big Bang ផងដែរ។ ទន្ទឹមនឹងនេះ Daesung បច្ចុប្បន្នត្រូវបានតំណាងដោយ D-LABEL ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន RND ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ចាក់ដែរថា សាជីវកម្ម Galaxy ត្រូវបានគេស្គាល់ជាចម្បងសម្រាប់អាជីវកម្មនៅក្នុងវិស័យនៃការអភិវឌ្ឍន៍ AI/ metaverse និងទីផ្សារ។ សាជីវកម្មនេះ ក៏ធ្វើការលើការផលិតទូរទស្សន៍ និងជាក្រុមហ៊ុនផលិតនៅពីក្រោយកម្មវិធី Netflix ‘Physical: 100’ ៕

ប្រែសម្រួល៖ សាង​ ស្រីល័ក្ខ

ចុចអាន៖តើ​តារា​រូប​ណា​ខ្លះ​ដែល Dispatch នឹង​បង្ហាញ​ខ្លួន​ជា​គូស្នេហ៍​ថ្មី​នៅ​ថ្ងៃ​ទី ១ ខែ​មករា?