ព័ត៌មានអន្ដរជាតិ
អ៊ីស្រាអែល ថា មេក្រុមហាម៉ាសកំពុងដេកភ័យបុកពោះ ក្រោយឮសំឡេងទម្លាក់គ្រាប់បែកពីលើខ្លួន
រដ្ឋមន្ត្រីការពារជាតិអ៊ីស្រាអែលលោក Yoav Gallant បាននិយាយថា “ឥឡូវនេះមេដឹកនាំជាន់ខ្ពស់ក្រុមហាម៉ាសលោក Yahya Sinwar កំពុងដេកឮសំឡេងយានថ្មើរជើងរបស់កងកម្លាំងអ៊ីស្រាអែលបើកនៅពីលើខ្លួន ក៏ដូចជាការទម្លាក់គ្រាប់បែកដោយកងកម្លាំងដែនអាកាសរបស់អ៊ីស្រាអែលនៅលើផ្លូវរូងក្រោមដីដែលគាត់កំពុងលលាក់ខ្លួន” ។
លោករដ្ឋមន្ត្រីការពារជាតិរូបនេះបានព្រមានថា “លោក Sinwar កំពុងភ័យបុកពោះ ហើយគាត់នឹងជួបជាមួយខ្មាន់កាំភ្លើងអ៊ីស្រាអែលក្នុងពេលឆាប់ៗនេះ បន្ទាប់ពីកងកម្លាំងរបស់យើងបង្កើនការវាយលុកនៅតំបន់ហ្គាហ្សាភាគខាងត្បូងក្នុងគោលដៅកម្ចាត់ក្រុមប្រដាប់អាវុធហាម៉ាសទាំងស្រុង” ។
លោក Gallant បាននិយាយកាលពីថ្ងៃសុក្រថា ប្រតិបត្តិការនៅតំបន់ហ្គាហ្សាភាគខាងជើងកំពុងកម្ទេចកងវរសេនាតូចហាម៉ាសជាបណ្ដើរៗហើយ ជាពិសេសគឺបណ្ដាញផ្លូវរូងក្រោមដីរបស់ក្រុមប្រដាប់អាវុធមួយនេះតែម្ដង ខណៈកងកម្លាំងអ៊ីស្រាអែលក៏កំពុងប្រតិបត្តិការនៅក្នុងតំបន់ Khan Younis ផងដែរ ដែលជាកន្លែងលោក Sinwar ត្រូវបានគេជឿថាកំពុងលាក់ខ្លួន ។
ពាក់ព័ន្ធនឹងបញ្ហានេះដែរ អ្នកនាំពាក្យយោធាអ៊ីស្រាអែល លោក Daniel Hagari បានប្រាប់អ្នកសារព័ត៌មានថា “ទាហានបានរកឃើញហេដ្ឋារចនាសម្ព័ន្ធផ្លូវរូងក្រោមដីសំខាន់ៗរបស់ក្រុមប្រដាប់អាវុធហាម៉ាសនៅទីក្រុងហ្គាហ្សា ហើយក៏បានសម្រេចកម្ទេចបណ្ដាញផ្លូវមួយនេះទាំងស្រុងតែម្ដង” ។
លោកបញ្ជាក់ថា កងកម្លាំងអ៊ីស្រាអែលនឹងបន្តប្រតិបត្តិការរបស់ពួកគេប្រឆាំងនឹងផ្លូវរូងក្រោមដីរបស់ក្រុមហាម៉ាសតទៅទៀត ហើយនៅទីបំផុតក្រុមចលនាមួយនេះនឹងមិនអាចប្រើប្រាស់បណ្ដាញផ្លូវរូងក្រោមដីក្នុងការចល័ត ក៏ដូចជាបើកការវាយប្រហារប្រឆាំងនឹងអ៊ីស្រាអែលបាននោះឡើយ ។
គួរបញ្ជាក់ថា អ៊ីស្រាអែលបានបើកការវាយប្រហារតាមផ្លូវអាកាស និងដីគោកលើតំបន់ហ្គាហ្សាស្ទ្រីប ជាការសងសឹកចំពោះការវាយឆ្មក់របស់ក្រុមហាម៉ាស ដោយបានសម្លាប់ជនជាតិប៉ាឡេស្ទីនជាង ២ ម៉ឺននាក់ហើយ ដែលភាគច្រើនជាកុមារ និងស្ត្រី និង ៥២,៦០០ នាក់ផ្សេងទៀតរងរបួស ។ ចំណែកខាងអ៊ីស្រាអែលវិញមានមនុស្សជិត ១,២០០ បានបាត់បង់ជិវិត ខណៈចំណាប់ខ្មាំងជាង ១៣០ នាក់នៅតែស្ថិតក្នុងកណ្ដាប់ដៃក្រុមហាម៉ាស ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ