ចរាចរណ៍

សមត្ថកិច្ចបញ្ជូនខ្លួនជនបង្កបើករថយន្តទំនើបម៉ាក Jeep បុកបុរសម្នាក់ស្លាប់ នៅខណ្ឌទួលគោក ទៅតុលាការ

បានផុស

៩ ខែ មុន

នៅ

ថ្ងៃអាទិត្យ ២៤ ធ្នូ ២០២៣

ដោយ

ជនបង្កដែលជាអ្នកបើករថយន្តទំនើបម៉ាក Jeep បុកបុរសម្នាក់ស្លាប់ នៅខណ្ឌទួលគោក ត្រូវបានសមត្ថកិច្ចបញ្ជូនខ្លួនទៅកាន់សាលាដំបូងរាជធានីភ្នំពេញហើយ កាលពីវេលាម៉ោង ៩ និង ៣០ នាទីព្រឹក ថ្ងៃទី ២៤ ខែធ្នូ ឆ្នាំ ២០២៣ ដើម្បីចាត់ការតាមនីតិវិធីច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ជនបង្កបានចូលសារភាព និងទទួលស្គាល់កំហុសរបស់ខ្លួន នៅស្នងការដ្ឋាននគរបាលរាជធានីភ្នំពេញ កាលពីរសៀលថ្ងៃទី ២៣ ខែធ្នូ ឆ្នាំ ២០២៣ ដើម្បីទទួលខុសត្រូវចំពោះមុខច្បាប់។

សូមរំលឹកថា ករណីគ្រោះថ្នាក់ចរាចរណ៍នេះ បានកើតឡើងកាលពីថ្ងៃទី ១៤ ខែធ្នូ ឆ្នាំ ២០២៣ រវាងរថយន្ត Jeep ពណ៌ខ្មៅ ពាក់ផ្លាកលេខភ្នំពេញ 2CB-9963 និងម៉ូតូ ត្រង់ចំណុចផ្លូវប្រសព្វលើផ្លូវលេខ៣១៧ ប្រសព្វផ្លូវលេខ ៥៦៦ ភូមិ ៦ សង្កាត់បឹងកក់ ២ ខណ្ឌទួលគោក រាជធានីភ្នំពេញ។ ហេតុការណ៍នេះ បានបណ្ដាលឲ្យអ្នកបើកបរម៉ូតូស្លាប់ភ្លាមៗ នៅនឹងកន្លែង ខណៈអ្នកបើករថយន្តបង្កគេចខ្លួនបាត់ស្រមោលតែម្ដង។