ជីវិតកម្សាន្ដ

នាង គន្ធា រម្លឹកអនុស្សាវរីយ៍សល់តែរូបភាព និងស្នាមញញឹម ក្រោយបងប្រុសចែកឋាន ២ ឆ្នាំ

បានផុស

១ year មុន

នៅ

ថ្ងៃអង្គារ ២៦ ធ្នូ ២០២៣

ដោយ

គិតមកទល់ពេលនេះតារាចម្រៀងវ័យក្មេងលោកនាង ប្រាក់ សុគន្ធ បានចែកឋានទៅមានរយ: ពេល ២ឆ្នាំមកហើយ ខណៈជារឿយៗគេតែងឃើញតារាចម្រៀងស្រីដែលជាប្អូនស្រីបង្កើតគឺ កញ្ញា នាង ប្រាក់គន្ធា បានបង្ហាញការនឹកស្រណោះដល់បងប្រុស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងបន្ទាប់ពីលោក ប្រាក់ សុគន្ធ ទទួលមរណភាពពេល ២ឆ្នាំកន្លងមកនេះ ក៏ស្រាប់ តែតារាចម្រៀងស្រីវ័យក្មេងកញ្ញានាង គន្ធា បានទម្លាយរូបភាព និងវីដេអូអនុស្សាវរីយ៍ជាច្រើនជាមួយបង ប្រុសរបស់ខ្លួនគ្រាដែលនៅមានជីវិត។ នាង គន្ធា បានរៀបរាប់ខ្លឹមសារថា“យើងខានជួបគ្នាអស់រយៈពេល២ឆ្នាំហើយ 25.12.2021&25.12.2023 I miss you នាង គន្ធា“។

តារាចម្រៀងកញ្ញា នាង គន្ធាបានបញ្ជាក់បន្ថែមថា រូប «នេះគឺជាថ្ងៃដែលគាត់នាំខ្ញុំមកភ្នំពេញដំបូង…..មានបងប្អូនណាចាំគាត់អត់ នឹកគាត់អត់»។ ជាមួយគ្នានៃការបង្ហោះសាររបស់តារាចម្រៀងនាង គន្ធា ខាងលើនេះដែរគេឃើញមានការលើកទឹកចិត្តជាច្រើនពីមហាជន និងអ្នកគាំទ្រ ខណៈមានខ្លះលើកឡើងថាចំពោះបង ឲ្យតែបានឃើញរូបថតប្អូនហេតុអ្វីបានបងស្រក់ទឹក ភ្នែកដោយមិនដឹងខ្លួនរហូតអញ្ចឹង ទាល់តែអ្នកធ្លាប់បាត់បង់មនុស្សជាទីស្រលាញ់ទើបយល់ច្បាស់។