ព័ត៌មានអន្ដរជាតិ
អាមេរិក ខំបេះពីមាត់ពី.ក យកជំនួយយោធា ២៥០លានដុល្លារទៀត ផ្តល់ឲ្យអ៊ុយក្រែន
ទោះការអនុម័តជំនួយពីសភានៅជាប់គាំងក៏ដោយ ប៉ុន្តែកាលពីថ្ងៃពុធទី២៧ខែធ្នូ សហរដ្ឋអាមេរិក ខំបេះពីមាត់ពីក ផ្តល់កញ្ចប់ជំនួយយោធាថ្មីមួយទៀតដល់អ៊ុយក្រែន ដោយមានតម្លៃប្រហែល ២៥០ លានដុល្លារ។
សព្វាវុធទាំងនេះគឺយកចេញពីស្តុកមន្ទីរបញ្ចកោណដែលនៅសេសសល់ ហើយបើតាមការបញ្ជាក់ពីមន្ត្រីអាមេរិក, កញ្ចប់ជំនួយចុងក្រោយនេះរួមមាន ខែលការពារដែនអាកាស កាំភ្លើងធំ គ្រាប់កាំភ្លើងធុនតូច និងអាវុធប្រឆាំងរថក្រោះ។
ការអនុម័តជំនួយថ្មីនេះកើតឡើង បន្ទាប់ពីអ៊ុយក្រែន បង្ហាញក្តីកង្វល់ថា ខ្លួនកំពុងធ្លាក់ចូលក្នុងហានិភ័យនៃវិបត្តិហិរញ្ញវត្ថុនិងការប្រយុទ្ធក្នុងសង្គ្រាម បើប្រទេសលោកខាងលិច នៅតែបង្អង់មិនផ្តល់ជំនួយឲ្យខ្លួនលឿនតាមតម្រូវការ។
សហរដ្ឋអាមេរិក គឺជាម្ចាស់ជំនួយធំបំផុតរបស់ទីក្រុងកៀវ ប៉ុន្តែកិច្ចព្រមព្រៀងស្តីពីសព្វាវុធបន្ថែមទៀតផ្តល់ទៅឲ្យអ៊ុយក្រែន ត្រូវបានក្រុមអ្នកសាធារណរដ្ឋរារាំង ដោយផ្លែផ្កាឲ្យអ្នកប្រជាធិបតេយ្យថា អាមេរិក គួរតែទុកលុយយកទៅពង្រឹងសន្តិសុខនៅតាមព្រំដែនម៉ិកស៊ិកវិញទៅ ជាជាងយកលុយទៅបោះចោលនៅអ៊ុយក្រែន។
វិធានការចំណាយបន្ទាន់ ដែលនឹងផ្តល់ប្រាក់ ៥០ ពាន់លានដុល្លារឲ្យអ៊ុយក្រែន និង ១៤ ពាន់លានដុល្លារឲ្យអ៊ីស្រាអែល ត្រូវបរាជ័យនៅក្នុងព្រឹទ្ធសភាកាលពីដើមខែនេះ ដោយអ្នកមកពីគណបក្សសាធារណរដ្ឋ សុទ្ធតែបានបោះឆ្នោតប្រឆាំង ហើយដំណើរទស្សនកិច្ចជាបន្តបន្ទាប់របស់ប្រធានាធិបតីអ៊ុយក្រែនលោក Volodymyr Zelensky ទៅសហរដ្ឋអាមេរិក ក៏មិនអាចបញ្ចុះបញ្ចូលសមាជិកសភា ឲ្យទន់ចិត្តបានដែរ។
ពាក់ព័ន្ធការផ្តល់ជំនួយនេះ រដ្ឋមន្ត្រីការបរទេស Anthony Blinken បាននិយាយក្នុងសេចក្តីថ្លែងការណ៍មួយថា វាជារឿងចាំបាច់បំផុតដែលសភា ត្រូវធ្វើសកម្មភាពឲ្យបានឆាប់តាមដែលអាចធ្វើទៅបាន ដើម្បីផ្តល់ជាប្រយោជន៍ដល់សន្តិសុខជាតិរបស់យើង តាមរយៈការជួយអ៊ុយក្រែនការពារខ្លួន និងធានាអនាគតរបស់ប្រទេសនេះ។
លោកបន្ថែមថា “ជំនួយរបស់យើងមានសារៈសំខាន់ចំពោះការគាំទ្រដៃគូអ៊ុយក្រែន នៅពេលពួកគេការពារប្រទេស និងសេរីភាពរបស់ពួកគេ ប្រឆាំងនឹងការលុកលុយរបស់រុស្ស៊ី”។
សូមបញ្ជាក់ថា បូករួមទាំងជំនួយថ្មីខាងលើ គិតត្រឹមពេលនេះសហរដ្ឋអាមេរិក បានផ្តល់ជំនួយយោធាក្នុងទំហំទឹកប្រាក់៤៣ពាន់លានដុល្លារដល់ទីក្រុងកៀវ ចាប់តាំងពីរុស្ស៊ីបើកការវាយលុកអ៊ុយក្រែន នៅខែកុម្ភៈឆ្នាំ២០២២៕
ប្រែសម្រួល៖ Vann Vann
ប្រភព៖ BBC
តារាស្រីកូរ៉េប៉ុន្មានរូប ហ៊ានលះបង់កាត់សក់ខ្លីដើម្បីថតភាពយន្ត
កម្ពុជានាំចេញកសិផលប្រមាណ ១២ លានតោន រកចំណូលបានជាង ៥ ពាន់លានដុល្លារ នៅឆ្នាំ ២០២៤
រដ្ឋមន្ត្រីមហាផ្ទៃឱ្យអាជ្ញាធរភ្នំពេញរំដោះចិញ្ចើមផ្លូវ ខណៈនៅតែមានការរំលោភយកធ្វើឱ្យកកស្ទះ
បារាំង ចេញដីកាលើកទី២ ដើម្បីចាប់ខ្លួនអតីតមេដឹកនាំស៊ីរី
បើករថយន្ដបុកដើមឈើ ស្លាប់ម្នាក់ និងរបួស២នាក់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់