ព័ត៌មានជាតិ

លទ្ធផលជំរឿនបង្ហាញថា មានសហគ្រាសកាន់កាប់ដោយជនជាតិចិនជាង ២ ០០០ កន្លែងបើករកស៊ីនៅកម្ពុជា

បានផុស

៦ ខែ មុន

នៅ

ថ្ងៃព្រហស្បតិ៍ ២៨ ធ្នូ ២០២៣

ដោយ

ជំរឿនសេដ្ឋកិច្ចនៅព្រះរាជាណាចក្រកម្ពុជាឆ្នាំ២០២២ បានបង្ហាញអង្គភាពសេដ្ឋកិច្ចដែលកំពុងបើកដំណើរការអាជីវកម្មនៅប្រទេសកម្ពុជាមានប្រមាណ ៧៥ ម៉ឺនអង្គភាពគិតត្រឹមថ្ងៃទី០១ ខែមីនា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើផ្អែកតាមរបាយការណ៍ជំរឿន អង្គភាពសេដ្ឋកិច្ចភាគច្រើនមានម្ចាស់ជាជនជាតិកម្ពុជាមានប្រមាណ ៩៩,១% ស្មើប្រមាណ ៧៤៧ ០១០ សហគ្រាស។

ដោយឡែកអង្គភាពសេដ្ឋកិច្ចដែលមានម្ចាស់ជាជនបរទេសក្នុងនោះជនជាតិចិនមានចំនួន ២ ៦០៨ សហគ្រាស (ស្មើ ០,៣%) ជនជាតិវៀតណាមមានចំនួន ១ ៥៨១ សហគ្រាស (ស្មើ ០,២%) ជនជាតិកូរ៉េខាងត្បូងមានចំនួន ៤៣៩ សហគ្រាស (ស្មើ០,១%) និងជនជាតិអាស៊ីផ្សេងៗទៀតមានចំនួន ១ ១៩៨ សហគ្រាស (ស្មើ០,២%)។

ចំណែកអង្គភាពសេដ្ឋកិច្ចដែលជាម្ចាស់បរទេសមានភាគហ៊ុនជាមួយកម្ពុជាមានតិចជាង ១%។

ការធ្វើជំរឿនសេដ្ឋកិច្ច ឆ្នាំ២០២២ គ្របដណ្ដប់លើអង្គភាពសេដ្ឋកិច្ចមានទីតាំងជាក់លាក់អចិន្ត្រៃយ៍ទាំងអស់ដែលស្ថិតក្នុងដែនដីនៃព្រះរាជាណាចក្រកម្ពុជា។

អង្គភាពសេដ្ឋកិច្ចគឺសំដៅលើអង្គភាពអាជីវកម្ម ឬសហគ្រាស ដែលកាន់កាប់អគារ បរិវេណឬកន្លែងជាក់លាក់ណាមួយសម្រាប់អនុវត្តសកម្មភាពសេដ្ឋកិច្ចរបស់ខ្លួន៕