ព័ត៌មានជាតិ
រដ្ឋបាលខេត្តកោះកុង និងខេត្តមួយនៅវៀតណាម សន្យាលើកម្ពស់វិស័យទេសចរណ៍ កសិកម្ម និងពាណិជ្ជកម្ម រួមគ្នា
អាជ្ញាធរខេត្តកោះកុង និងខេត្តគៀងយ៉ាង ប្រទេសវៀតណាម បានសន្យារួមគ្នាលើកកម្ពស់វិស័យទេសចរណ៍ពាណិជ្ជកម្ម និងកសិកម្មឱ្យកាន់តែល្អប្រសើរថែមទៀត ខណៈការងារបានផ្តល់នូវប្រាក់ចំណូលខ្ពស់ដល់ប្រជាពលរដ្ឋទាំងពីរ។
ក្រៅពីការងាររុករកអដ្ឋិធាតុកងទ័ពស្ម័គ្រចិត្តវៀតណាមអំឡុងពេលកម្ពុជាមានសង្រ្គាម លោក សំ ឃិតវៀន អភិបាលរងខេត្តកោះកុង បានលើកឡើងពីវិស័យស្នូលសំខាន់ចំនួន៣ ដើម្បីលើកទិសដៅអនុវត្តបន្តសម្រាប់ឆ្នាំបន្ទាប់ទៀត។ លោកអភិបាលរងខេត្តកោះកុង ថ្លែងក្នុងកិច្ចប្រជុំបូកសរុបការងារលទ្ធផលកិច្ចសហប្រតិបត្តិការរវាងខេត្ត និងរដ្ឋបាលខេត្តគៀងយ៉ាងនៃសាធារណរដ្ឋសង្គមនិយមវៀតណាម នឹងប្តេជ្ញាចិត្តរួមគ្នាធ្វើយ៉ាងណាចូលរួមទំនាក់ទំនងផ្នែកពាណិជ្ជកម្ម កសិកម្ម និងវិស័យទេសចរណ៍កាន់តែខ្លាំងក្លា។
អាជ្ញាធរខេត្តកោះកុង រំលេចទៀតថា ការងារសហការគ្នា៥ឆ្នាំមកនេះ គឺទទួលបានជ័យគួរឲ្យកត់សំគាល់ តបតាមរយៈការការពារសន្តិសុខ សណ្ដាប់ធ្នាប់ បង្ការ ក៏ដូចជាទប់ស្កាត់សកម្មភាពបទល្មើសនានាតាមផ្លូវទឹក។
គួរជម្រាបថា កិច្ចប្រតិបត្តិការលើពាណិជ្ជកម្ម និងទេសចរណ៍ ត្រូវបានខេត្តទាំងពីរយកចិត្តទុកដាក់ជាច្រើន ដើម្បីរួមចំណែកជំរុញការនាំចេញនាំចូល និងកំណើនទេសចរណ៍រួមគ្នា។ ការទិញលក់ ផ្លាស់ប្តូរទំនិញ ត្រូវបានបង្កលក្ខណៈងាយស្រួល ហើយបរិយាកាសធុរកិច្ច ទេសចរណ៍ ត្រូវបានធានាសុវត្ថិភាពបានល្អ។
ដោយឡែកលោក ង្វៀង ថាញ់ញ៉ាន អនុប្រធានគណៈកម្មាធិការប្រជាជនខេត្តគៀងយ៉ាង ក៏ថ្លែងអំណអរគុណយ៉ាងខ្លាំងជូនចំពោះរដ្ឋបាលខេត្តកោះកុង កងកម្លាំងប្រដាប់អាវុធ និងមន្ទីរអង្គភាពពាក់ព័ន្ធជំុវិញខេត្តកោះកុងដែលបានប្រឹងប្រែងសម្រេចបាននូវលទ្ធផលការរវាងគ្នា និងគ្នាប្រកបដោយផ្លែផ្កា។ ទោះបីជាមានការបញ្ហារីករាលត្បាតនៃជំងឺកូវីដ១៩ក៏ដោយ។
លោកអនុប្រធានគណៈកម្មាធិការប្រជាជនខេត្តគៀងយ៉ាង រម្លឹកដែរថា ខេត្តកោះកុង និងខេត្តគៀងយ៉ាង ចាប់ដៃគ្នាសហការការងារតាមប្រព័ន្ធអនឡាញអំឡុងពេលជំងឺកូវីដ គ្រាដំណាក់កាលនោះពិបាកក្នុងការទំនាក់ទំនងផ្ទាល់។ ប៉ុន្តែចាប់ពីពេលនះតទៅ ខេត្តទាំងពីរនេះ នឹងពង្រីកការផ្តល់ព័ត៌មាន កិច្ចប្រជុំដោយផ្ទាល់ជាមួយក្រុមការងារជំនាញ និងសម្របសម្រួលដោះស្រាយបញ្ហាប្រឈមផ្សេងៗប្រកបដោយគុណភាពខ្ពស់ជាងមុន។ ជាពិសសការបង្រ្កាបបទល្មើសតាមព្រំដែនទឹកសមុទ្រ ជីកអដ្ឋិធាតុកងទ័ពស្ម័គ្រចិត្ត ព្រមទាំងការផ្សព្វផ្សាយអប់រំវប្បធម៌សិល្បៈ៕
អត្តបទ៖ សិរីវឌ្ឍនៈ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា