ជីវិតកម្សាន្ដ

នៅ សូនីតា ប្រាប់កុំឲ្យ Miss មួយចំនួនឈ្លើយ និងមានចរិតខ្មឺតពេក

បានផុស

១ year មុន

នៅ

ថ្ងៃសុក្រ ២៩ ធ្នូ ២០២៣

ដោយ

អតីតតារាសម្ដែង និងជាពិធីការិនីរូបស្រស់អ្នកនាង នៅ សូនីតា បានចេញមកសម្ដែងការហួសចិត្ត និងរិះគន់ទៅលើ Miss (បវរកញ្ញា) មួយចំនួនថា បានល្បីចរិតចេញមកឈ្លើយហើយថែមទាំងខ្មឺតទៀត ខណៈអ្នកគាំទ្រក៏យល់ឃើញដូច សូនីតា ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឃើញទង្វើបែបនេះអ្នកនាង នៅ សូនីតា បានលើកឡើងតាមរយៈបណ្ដាញសង្គមហ្វេសប៊ុករបស់ខ្លួនដោយបង្ហាញអារម្មណ៍ហួសចិត្ត និងបានផ្ដាំថាកុំឲ្យមានភាពអំនួតជ្រុលពេកក្រែងថ្ងៃណាមួយឈរជើងមិនបានយូរក្នុងវិស័យមួយនេះ។ ទោះបីយ៉ាងណា គេក៏មិនទាន់ដឹងដែរថាតើអ្នកនាង នៅ សូនីតា លើកឡើងចង់សំដៅលើបវរកញ្ញារូបណានោះទេ។

អតីតពិធីការិនីពោរពេញសំនួនវោហារសព្ទគឺអ្នកនាង នៅ សូនីតា បានបញ្ជាក់ខ្លឹមសារខ្លីដោយអត្ថន័យថា” Miss ឥឡូវឈ្លើយគួរសម ថែចរិតបែបនេះឲ្យបានយូរបន្តិចទៅនាង កុំខ្មឺតពេកក្រែងឈរជើងមិនបានយូរ ផ្ដាំតកូនចៅ អស់ស្លូតត្រឹមនេះហើយ” ។ បន្ទាប់ការលើកឡើងខាងលើរបស់ នៅ សូនីតា ក៏មានការបញ្ចេញមតិមួយចំនួនពីអ្នកគាំទ្រផងដែរ។

ចំណែកលោក អ៉ិន សុភិន ដែលជាអ្នកគ្រប់គ្រងកម្មវិធីបវរកញ្ញាមួយរូបផងនោះក៏បានបញ្ចេញទស្សនៈយល់ឃើញដូចអ្នកនាង នៅ សូនីតា ផងដែរ។ លោកបាននិយាយខ្លីថា“តិចទៀត Miss អស់ហ្នឹងគ្មានគេមើលមុខទេ បើចរិតគាត់អ៊ីចឹងខ្ញុំដឹងចរិតច្បាស់ណាស់“។ យ៉ាងណា គេមិនទាន់ដឹងទេថាបវរកញ្ញារូបណាឡើយដែលធ្វើឲ្យអ្នកនាង នៅ សូនីតា អន់ចិត្តដល់ថ្នាក់នេះទេ៕

អត្ថបទ៖ ចាន់រ៉ា