ជីវិតកម្សាន្ដ

កែវ ច័ន្ទដាលីន រំភើបខ្លាំង ខណៈបទចម្រៀងស្នាដៃនិពន្ធដំបូងទទួលបានការគាំទ្រ

បានផុស

១ year មុន

នៅ

ថ្ងៃពុធ ៣ មករា ២០២៤

ដោយ

តារាចម្រៀងវ័យក្មេង កញ្ញា កែវ ច័ន្ទដាលីន ថ្មីៗ នេះ បានបង្ហាញអារម្មណ៍រំភើបចិត្តខ្លាំង បន្ទាប់ពីមើលឃើញសន្ទុះ នៃការគាំទ្របទចម្រៀងនិពន្ធស្នាដៃដំបូងកើតឡើងរហូតដល់ជាង ១ លានដង ក្នុងរយៈពេលខ្លីបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចម្រៀងដែលជាស្នាដៃនិពន្ធលើកដំបូងពីសំណាក់តារាចម្រៀង កែវ ច័ន្ទដាលីន កំពុងទទួលបានការគាំទ្រខ្លាំងមានចំណងជើងថា“ភាសាស្នេហ៍” ខណៈបទត្រូវបានបង្ហោះផ្សព្វផ្សាយនៅលើបណ្ដាញសង្គមយូធូប និងហ្វេសប៊ុក កាលពីពេលថ្មីៗ កន្លងទៅនេះ។ កញ្ញា កែវ ច័ន្ទដាលីន បានលើកឡើងថា «សួស្ដីទាំងអស់គ្នា បទ“ភាសាស្នេហ៍” របស់ខ្ញុំ ទទួលបានការស្តាប់ជាង ១ លានដង ក្នុងរយៈពេលដ៏ខ្លី….»។

តារាចម្រៀងកញ្ញា កែវ ច័ន្ទដាលីន បានបញ្ជាក់ទៀតថា «ខ្ញុំគ្មានអ្វីក្រៅពីពាក្យថា អរគុណដែលបានទទួលយកស្នាដៃនិពន្ធចម្រៀងជាបទទី ១ របស់ខ្ញុំ ដែលខ្ញុំហ៊ានបញ្ចេញជាសាធារណៈ មិនដែលធ្លាប់ស្រមៃថា បទខ្លួនឯងសរសេរគឺទទួលបានការពេញនិយមបែបនេះសោះ»។

តារាចម្រៀងស្រីរូបនេះបាននិយាយបន្ថែមទៀតថា «ជាចុងក្រោយ…ខ្ញុំសូមនិយាយថា lyric គឺ “Show me your ភាសាស្នេហ៍,take me to somewhere ” មិនមែន ជេរគ្នា to somewhere ទេបង អរគុណ»។ តាមរយៈនេះ គេឃើញអ្នកគាំទ្រ និងទស្សនិកជនជាច្រើន បានសម្ដែងការចូលរួមអបអរសាទរ និងលើកទឹកចិត្តចំពោះតារាចម្រៀង កញ្ញា កែវ ច័ន្ទដាលីន ឲ្យបន្តខិតខំនិពន្ធស្នាដៃថ្មីៗ បន្ថែមទៀត ដើម្បីបម្រើអារម្មណ៍មហាជនអ្នកគាំទ្រ៕

អត្ថបទ ៖ ចាន់រ៉ា