សន្តិសុខសង្គម
បុរសម្នាក់ស្រវឹងធ្លាក់លូក្រោមដី ១យប់ បានអ្នកដើរព្រៃជួយទាន់់ ដោយដំបូងស្មានតែខ្មោចលង
បុរសកម្មករទូកនេសាទម្នាក់ ត្រូវបានប្រជាពលរដ្ឋជាអ្នកដើរព្រៃប្រទះឃើញជាប់នៅក្នុងលូក្រោមដី ដែលនៅមាត់រ៉េហ្គែរលូមានស្មៅ និងព្រៃដុះស៊ុបទ្រុបគ្របពីលើ។ ករណីបង្កការភ្ញាក់ផ្អើលដែលដំបូងឡើយគេសង្ស័យថា ជាសំលេងខ្មោចលងនេះ បានកើតមានឡើង នៅម៉ោង៨ និង ១០នាទី ថ្ងៃទី៣ ខែមករា ឆ្នាំ២០២៤ ស្ថិតនៅ ភូមិ០១ ឃុំអូរត្រេះ ស្រុកស្ទឹងហាវ ខេត្តព្រះសីហនុ។
![](https://www.kampucheathmey.com/wp-content/uploads/2024/01/១-5.jpg)
សមត្ថកិច្ចកងរាជអាវុធហត្ថមូលដ្ឋានស្រុកដែលបានចុះទៅដល់កន្លែងកើតហេតុ បានឱ្យដឹងថា តាមការសាកសួរព័ត៌មាន បុរសម្នាក់នេះពីយប់មិញបានជួបជុំគ្នាផឹកសុី ហើយស្រវឹងស្រា ដើរទៅកន្លែងដេក ក៏វង្វេងរកផ្លូវទៅផ្ទះមិនឃើញ ក៏ដើរចូលព្រៃរួចរអិលជើងធ្លាក់ចូលលូបាត់ទៅ។
![](https://www.kampucheathmey.com/wp-content/uploads/2024/01/photo_2024-01-03_10-17-42-768x1024.jpg)
សមត្ថកិច្ចបានឱ្យដឹងទៀតថា ពេលធ្លាក់ចូលលូហើយ ដោយយប់ងងឹតផងនោះ ជនរងគ្រោះមើលផ្លូវមិនឃើញ រួចចាប់ផ្តើមលូនតាមប្រហោងលូទៅមុខបន្តរហូតជាប់រកច្រកចេញមិនរួច។ សមត្ថកិច្ចបានឱ្យដឹងថា នេះចាត់ទុកសំណាងដែលមានប្រជាពលរដ្ឋអ្នកដើរព្រៃដើរមកដល់ចំណុចកើតហេតុ ហើយបានលឺសូរសំលេងជនរងគ្រោះស្រែកថ្ងូរចេញពីមាត់លូ ដោយដំបូងពួកគាត់នឹកស្មានថា ជាសំឡេងខ្មោចលង ប្រុងរត់ប្រាស់អាយុ តែដោយសារមានការសង្ស័យ ក៏ចូលមកអើតមើល និងផ្ទៀងត្រចៀកស្តាប់ឱ្យច្បាស់ ទើបដឹងថា នេះជាសំឡេងមនុស្សជាប់នៅក្នុងលូ មិនមែនខ្មោចលងទេ។
![](https://www.kampucheathmey.com/wp-content/uploads/2024/01/photo_2024-01-03_10-17-49-1024x768.jpg)
សមត្ថកិច្ចបានឱ្យដឹងថា ជនរងគ្រោះមាន ឈ្មោះ កែវ បាន ភេទប្រុស អាយុ ២៦ឆ្នាំ មុខរបរ កម្មករនេសាទ មានទីលំនៅភូមិស្លាបតាអោន ឃុំស្វាយទងខាងត្បូង ស្រុកកំពង់ត្រាច ខេត្តកំពត។ ជនរងគ្រោះត្រូវបានសាច់ញាតិជួយសង្គ្រោះយកចេញមកខាងក្រៅ។ ដោយសារសុខភាពជនរងគ្រោះមិនសូវល្អ ក៏បញ្ជូនទៅមន្ទីរពេទ្យបង្អែកខេត្តព្រះសីហនុ៕
អត្ថបទ៖ ស៊ុយ ចាន់ធា
![](https://www.kampucheathmey.com/wp-content/uploads/2024/01/photo_2024-01-03_10-17-51-1024x461.jpg)
![](https://www.kampucheathmey.com/wp-content/uploads/2024/01/២-1-1024x459.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ