កីឡា

ការប្រកួតជើងឯកស្វាយរៀងខាប់លើកទី៦ថ្ងៃសៅរ៍-អាទិត្យនេះមាន៦គូ

បានផុស

១១ ខែ មុន

នៅ

ថ្ងៃពុធ ៣ មករា ២០២៤

ដោយ

ការប្រកួតបាល់ទាត់ជើងឯកស្វាយរៀងខាប់ លើកទី៦ ឆ្នាំ២០២៣-២៤ ឈានដល់សប្តាហ៍ទី២ ដោយនៅថ្ងៃសៅរ៍ ទី៦ និងថ្ងៃទី៧ ខែមករា មានការប្រកួត៦គូនៅទីលានវិទ្យាល័យ ស្វាយ រំពារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលកាលពីសប្ដាហ៍ទី១

នៅថ្ងៃសៅរ៍ ទី២៣ ខែធ្នូ វេលាម៉ោង៨ព្រឹក ក្រុមភូមិយើងរកបាន៣ពិន្ទុតាមរយៈជ័យជម្នះ ៥-៣ លើក្រុម SPIDER FT។ ការប្រកួតនៅម៉ោង២រសៀល ក្រុមសសយក ក្រុងបាវិត ទទួល៣ពិន្ទុទាំងលំបាកលើក្រុម លីងគួយ បន្ទាប់ពីស៊ុតចូលបានតែ១គ្រាប់គត់ ខណៈវេលាម៉ោង៤រសៀល ក្រុមយុវជនច្រកលាវ រកមិនបានពិន្ទុទេ បន្ទាប់ពីចាញ់ យុវជនឃុំសម្បត្តិមានជ័យ ដោយលទ្ធផល ២-០។

ចំពោះការប្រកួត៣គូនៅថ្ងៃអាទិត្យ ទី២៤ ខែធ្នូ វេលាម៉ោង៨ព្រឹក ក្រុម ពពែតអេហ្វស៊ីបានចែកគ្នា១ពិន្ទុម្នាក់ជាមួយក្រុមយុវជនភូមិព្រៃធ្លកតាមរយៈលទ្ធផល ២-២។ ការប្រកួតវេលាម៉ោង២រសៀល ក្រុម CFED FC និង ភូមិហ៊ីង ក៏ចែកគ្នាបាន១ពិន្ទុម្នាក់ដែរ បន្ទាប់ពីស្មើគ្នា ១-១។ វេលាម៉ោង៤រសៀល ក្រុមសសយក ឃុំត្នោត បានស្មើ សេះស អេហ្វស៊ី ២-២ ដើម្បីទទួលបាន១ពិន្ទុម្នាក់ក្នុងសប្តាហ៍ទី១៕