ជីវិតកម្សាន្ដ

សុះ ម៉ាច ទម្លាយរឿងឈឺចាប់ធ្លាប់រងការប្រមាថ លាបពណ៌ ព្រោះការពារសច្ចធម៌ យុត្តិធម៌ និងវប្បធម៌

បានផុស

៦ ខែ មុន

នៅ

ថ្ងៃសុក្រ ៥ មករា ២០២៤

ដោយ

តារាចម្រៀងជើងចាស់លោក សុះ ម៉ាច បានបញ្ជាក់ប្រាប់ឲ្យដឹងនាពេលថ្មីៗនេះថា លោកធ្លាប់ទទួលរងការជេរប្រមាថ ការលាបពណ៌យ៉ាងធ្ងន់ធ្ងរពីសំណាក់បុគ្គលមួយចំនួនព្រោះការពារសច្ចធម៌ យុត្តិធម៌ និងវប្បធម៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅតែរឿងរ៉ាវសង្គមខាងលើតារាចម្រៀងលោក សុះ ម៉ាច បានអះអាងដែរថា នៅកំឡុងឆ្នាំចាស់២០២៣ កន្លងទៅ លោកបានជួបឧបស័គ្គជីវិតមួយចំនួនផងដែរទាំងបញ្ហាសេដ្ឋកិច្ចគ្រួសារ និងសុខភាពផ្ទាល់ខ្លួនផងដែរ ខណៈថ្មីៗមុននេះលោកក៏ចូលសម្រាកនៅមន្ទីពេទ្យដោយសារជំងឺចាស់ធ្វើទុក្ខ។

លោក សុះ ម៉ាច និយាយថា “ឆ្នាំចាស់នេះខ្ញុំជួបប្រទះបញ្ហាច្រើនព្រោះតែការពារសច្ចធម៌ និងយុត្តិធម៌ និងវប្បធម៌ ត្រូវគេលាបពណ៌ជេរប្រមាថទាំងជាតិសាសន៍ឯង និងជាតិសាសន៍សៀម រីឯជំងឺក៏មិនសូវស្រាកស្រាន្តមិនតែប៉ុណ្ណោះសេដ្ឋកិច្ចគ្រួសារក៏ជួបបញ្ហាផងដែរ“ ។

តារាចម្រៀងរូបនេះនិយាយទៀតថា រាល់បញ្ហាដែលកើតមានក្នុងឆ្នាំចាស់កន្លងមកចាត់ទុកជាមេរៀនវាធ្វើឲ្យលោកបានស្គាល់ច្បាស់សន្តានមនុស្សខ្លះដែលជាន់ពន្លិច និងមនុស្សល្អដែលជួយការពារផ្តល់កម្លាំងចិត្ត។ លោកក៏សង្ឃឹមថា ឆ្នាំថ្មី២០២៤ អ្វីៗនឹងប្រសើរឡើងវិញសម្រាប់លោកផងចុះ។

ជាមួយគ្នានេះលោក សុះ ម៉ាចបានបន្ថែមថា “សម្រាប់ឆ្នាំថ្មីឆ្នាំសកលនេះ ខ្ញុំសូមជូនពរប្រិយមិត្ត មិត្តភក្តិ បងប្អូនទាំងអស់ជួបតែសំណាងល្អគិតត្រូវធ្វើត្រូវសុខសុវត្ថិភាពជៀសផុតរោគាពាធគ្រប់ៗគ្នា“៕

អត្ថបទ៖ ចាន់រ៉ា