ព័ត៌មានអន្ដរជាតិ

រដ្ឋមន្ត្រីការពារជាតិអាមេរិក Austin កំពុងនៅមន្ទីរពេទ្យដ៏អាថ៌កំបាំងមួយសប្តាហ៍

បានផុស

១ year មុន

នៅ

ថ្ងៃអាទិត្យ ៧ មករា ២០២៤

ដោយ

រដ្ឋមន្ត្រីក្រសួងការពារជាតិសហរដ្ឋអាមេរិក លោក Lloyd Austin នៅថ្ងៃសៅរ៍ ទី៦ ខែមករា ឆ្នាំ២០២៤ បានចេញសេចក្តីថ្លែងការណ៍មួយពីការទទួលខុសត្រូវទាំងស្រុងសម្រាប់ការស្នាក់នៅមន្ទីរពេទ្យដ៏អាថ៌កំបាំងរយៈពេលពេញមួយសប្តាហ៍។

លោក Austin អាយុ៧០ឆ្នាំបានចូលមន្ទីរពេទ្យយោធាជាតិ Walter Reed កាលពីថ្ងៃចូលឆ្នាំថ្មីតាមអ្វីដែលមន្ទីរបញ្ចកោណបាននិយាយថា មានផលវិបាល បន្ទាប់ពីនីតិវិធីវេជ្ជសាស្ត្រត្រូវបានតាមដាន ខណៈក្រសួងការពារជាតិមិនបានចេញព័ត៌មានអ្វីក្នុងរយៈពេលមួយសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកកំពូលរបស់គណបក្សសាធារណៈនៅគណៈកម្មាធិការសេវាសព្វាវុធព្រឹទ្ធសភាពអាមេរិក លោក Senator Roger Wicker បានចោទប្រកាន់មន្ទីរបញ្ចកោណពីការមិនបានផ្តល់ដំណឹងដល់សភាភ្លាមៗពាក់ព័ន្ធនឹងករណីខាងលើឲ្យស្របតាមច្បាប់កំណត់។

ប៉ុន្តែគេមិនច្បាស់ថា ព័ត៌មាននេះត្រូវបានចែករំលែកទូលំទូលាយយ៉ាងណានៅក្នុងរដ្ឋបាលរបស់លោកប្រធានាធិបតី Joe Biden។ មន្ត្រីអាមេរិកនិយាយមិនបញ្ចេញឈ្មោះថា លោក Biden ទើបត្រូវបានជំរាបដំណឹងកាលពីយប់ថ្ងៃព្រហស្បតិ៍។ រហូតដល់ពេលនេះលោកប្រធានាធិបតីក៏នៅតែរក្សាអាថ៌កំបាំងអំពីលោក Austin ហើយអ្នកទាំងពីរត្រូវបានគេដឹងពីការនិយាយគ្នាកាលពីយប់ថ្ងៃសៅរ៍។

មន្ទីរបញ្ចកោណមិនបានលំអិតថាតើមានជំងឺអ្វីដែលលោក Austin កំពុងសម្រាកព្យាបាលនៅមន្ទីរពេទ្យពេញមួយសប្តាហ៍កន្លងទៅ។

លោក Austin បាននិយាយក្នុងសេចក្តីថ្លែងការណ៍មួយថា ៖«ខ្ញុំទទួលស្គាល់ថា ខ្ញុំអាចធ្វើការងារបានប្រសើរជាងនេះដើម្បីធានាថា សាធារណជននឹងត្រូវបានជូនដំណឹងសមរម្យ។ នេះគឺជានីតិវិធីវេជ្ជសាស្ត្ររបស់ខ្ញុំ ហើយខ្ញុំនឹងទទួលខុសត្រូវទាំងស្រុងចំពោះការសម្រេចចិត្តរបស់ខ្ញុំអំពីការលាតត្រដាង»។

កាលពីថ្ងៃសៅរ៍ អ្នកនាំពាក្យម្នាក់បាននិយាយថា លោក Austin នៅតែបំពេញការងារពេញម៉ោងកាលពីថ្ងៃសុក្រ បើទោះបីជាលោកកំពុងបន្តស្ថិតនៅមន្ទីរពេទ្យ៕

ប្រែសម្រួល៖ វីរបុត្រ
ប្រភព៖ Reuters