ព័ត៌មានជាតិ
សម្តេចតេជោប្រាប់ទូតសិង្ហបុរីនូវយុទ្ធសាស្ត្របី ក្នុងការទប់ស្កាត់កូវីដ១៩ ដោយជោគជ័យ
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអនុញ្ញាតឲ្យលោក ម៉ៃឃែល តាន់ កេងស៊ុង (Michael Tan keng Siong ) ឯកអគ្គរដ្ឋទូតសិង្ហបុរី ប្រចាំកម្ពុជាចូលជួបសំដែងការគួរសមនិងជម្រាបលានៅទីស្តីការនាយករដ្ឋមន្ត្រី (វិមានសន្តិភាព)នាព្រឹកថ្ងៃទី៣ ខែវិច្ឆិកា ឆ្នាំ២០២០។
លោក អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានមានប្រសាសន៍ឲ្យដឹងបន្ទាប់ពីជំនួបនោះថា៖ លោក ម៉ៃឃែល តាន់ កេងស៊ុង បានជម្រាបជូនសម្តេចតេជោ ហ៊ុន សែន ថាក្នុងបេសកកម្មនៅកម្ពុជា លោកបានធ្វើការយ៉ាងជិតស្និទ្ធជាមួយមន្ត្រីរាជរដ្ឋាភិបាលកម្ពុជានៅតាមស្ថាប័ន និង ជាមួយប្រជាជនកម្ពុជាយ៉ាងល្អធ្វើឲ្យបេសកកម្មការ ទូតរបស់លោកនៅកម្ពុជាទទួលបានជោគជ័យយ៉ាងត្រចះត្រចង់នោះ គឺនាំមកនូវទំហំពាណិជ្ជកម្ម និងវិនិយោគរវាងប្រទេសទាំងពីរមានការកើនឡើងខ្ពស់មួយកម្រិតថែមទៀត ។
លោក ម៉ៃឃែល តាន់ បានបន្តក្នុងបេសកកម្មរបស់លោកនៅកម្ពុជាក៏ចំពេលកូវីដ១៩ បានរាតត្បាតពិភពលោកក៏ដូចជាកម្ពុជា។ លោកបានជម្រាបជូនសម្តេចតេជោ ហ៊ុន សែន កម្ពុជាគឺជាប្រទេស ដែលមានសុវត្ថិភាពបំផុតក្នុងការរស់នៅផុតពីការឆ្លងកូវីដ១៩ ។ លោកក៏បានជម្រាបជូនសម្តេចផងដែរថាលោកពិតជាមានមោទនភាពណាស់ ដែលរដ្ឋាភិបាលសឹង្ហបុរីបានអនុញ្ញាតឲ្យលោករៀបចំនូវពិធីអបអរខួបលើកទី ៥៥ នៃចំណងការទូតតាមរយៈការរៀបចំព្រឹត្តិការណ៍បង្ហាញគំនូរលើជញ្ជាំងសិល្បៈ ម្ហូបអាហារ តន្ត្រី និងវប្ប ធម៌របស់ប្រទេសទាំងពីរកាលពីចុងខែកុម្ភៈឆ្នាំ២០២០កន្លងទៅដោយបានបង្ហាញឲ្យឃើញពីទំនាក់ទំនងកាន់តែរឹងមាំនិងស៊ីជម្រៅរវាងប្រជាជននិងប្រទេសទាំងពីរ។ ដោយយល់ឃើញថា កម្ពុជាជាប្រទេសដែលមានសុវត្ថិភាពនិងមានការឆ្លងកាត់ ប៉ុន្តែទោះជាយ៉ាងណាក៏ដោយការរៀបចំនោះ គឺបានប្រព្រឹត្តទៅបានជោគជ័យដោយអនុវត្តតាមគោលការណ៍របស់រាជរដ្ឋាភិបាលកម្ពុជាយើងពាក់ព័ន្ធនឹងការទប់ស្កាត់ការរាលដាលជំងឺកូវីដ១៩។
លោក ម៉ៃឃែល តាន់ ក៏បានបន្ថែមទៀតដែរថា៖ លោកមានជំនឿជាក់ថាកម្ពុជានិងសិង្ហបុរីនឹងអាចមានទំនាក់ទំនងកាន់តែល្អប្រសើរឡើងថែមទៀតនិងលើកកម្ពស់ទំនាក់ទំនង និងកិច្ចសហប្រតិបត្តិការមួយកម្រិតថែមទៀតហើយទាំងនេះ អាចធ្វើទៅបាន គឺដោយមានការគាំទ្រក្នុងការសម្របសម្រួលនិងការកិច្ចសហការល្អប្រសើររវាងរាជរដ្ឋាភិបាលនិងរដ្ឋាភិបាលរវាងស្ថាប័ននិងស្ថាប័នជាពិសេសរវាងមន្ត្រីរាជការ និងមន្ត្រីរាជការ, ប្រជាជននិងប្រជាជននៃប្រទេសទាំងពីរ។
ជាការឆ្លើយតបសម្ដេចតេជោ បានថ្លែងអំណរគុណដល់រដ្ឋាភិបាលសិង្ហបុរី ដែលបានជួយគាំទ្រកម្ពុជារយៈពេលកន្លងមកហើយ ក៏បានយល់ស្របជាមួយនឹងការលើកឡើងការវាយតម្លៃអំពីទំនាក់ទំនងរវាងប្រទេសទាំងពីររបស់លោក ម៉ៃឃែល តាន់ ។ សម្ដេចបានអំណរគុណចំពោះលោក ម៉ៃឃែល តាន់ ដែលបានប្រឹងប្រែងអស់ពីសមត្ថភាពពង្រីកពង្រឹង និងលើកកម្ពស់ទំនាក់ទំនងនិងកិច្ចសហប្រតិបត្តិការរវាងប្រទេសទាំងពីរ នៅក្នុងបេសកកម្មកាទូតរយៈពេល៤ឆ្នាំកន្លះនៅព្រះរាជាណាចក្រកម្ពុជានេះ។ ពាក់ព័ន្ធនឹងជំងឺកូវីដ១៩ សម្ដេចបានជម្រាបជូន លោក ម៉ៃឃែល តាន់ នូវយុទ្ធសាស្ត្ររបស់រាជរដ្ឋាភិបាល ដែលក្នុងនោះរាជរដ្ឋាភិបាលកម្ពុជាបានមានយុទ្ធសាស្ត្រប្រយុទ្ធនឹងជំងឺកូវីដ១៩តាមរយៈ សមរភូមិបីទី១ គឺធ្វើយ៉ាងណាប្រយុទ្ធទប់ស្កាត់កុំឲ្យការនាំចូលជំងឺនេះមកពីប្រទេសក្រៅរបស់កម្ពុជា , សមរភូមិទី២ គឺធ្វើយ៉ាងណាគ្រប់គ្រងការរីករាលដាលជំងឺកូវី១៩នេះទៅ កាន់សហគមន៍ និងសមរភូមិទី៣ ព្យាបាលអ្នកជំងឺបានឆ្លងជំងឺនេះហើយអាចជាសះស្បើយបាន ដោយមិនមានអ្នកស្លាប់៕
អត្ថបទ៖ ណារី
ពិធីចុះហត្ថលេខាលើអនុស្សរណៈនៃការយោគយល់គ្នារវាង BKD Academy នឹង Manulife Cambodia
នគរបាលឃាត់ខ្លួនជនសង្ស័យម្នាក់ ហ៊ានបង្ហោះលក់កាំភ្លើងជាសាធារណៈនិង ដកហូតកាំភ្លើងបាន៧ដើម
មន្ត្រីជាន់ខ្ពស់នៃក្រសួងសាធារណការ និងដឹកជញ្ជូនបន្តចុះពិនិត្យវឌ្ឍនភាពការស្ថាបនាផ្លូវជាតិលេខ៧
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
សម្តេចធិបតី ជំរុញឱ្យពន្លឿនការរៀបចំនូវច្បាប់សន្តិសុខសាយប័រ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
តារាចិន វ័យ២៧ឆ្នាំ ស្លាប់ដោយសារជំងឺដូចគ្នាជាមួយ Barbie Hsu
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
យន្តហោះ២គ្រឿងទៀត បុកគ្នានៅ អាមេរិក
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?