ព័ត៌មានជាតិ
អ្នកសារព័ត៌មានទាំងអស់មានតួនាទីយ៉ាងសំខាន់ ក្នុងការទប់ស្កាត់ពួកឱកាសនិយម ដែលប៉ុនប៉ងបង្កភាពចលាចលក្នុងសង្គម
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា ស្ថាប័នវិទ្យុផ្សាយសម្លេង ក៏ដូចជាស្ថាប័នសារព័ត៌មានទាំងអស់បានចូលរួមប្រយុទ្ធប្រឆាំងព័ត៌មានក្លែងក្លាយ ដែលបង្កឡើងដោយពួកឱកាសនិយមប៉ុនប៉ងបង្កភាពចលាចលនៅក្នុងសង្គម ដើម្បីរំខានដល់ការរស់ឡើងវិញ និងសេចក្តីសុខសាន្តរបស់ប្រជាជនកម្ពុជា។
ប្រសាសន៍របស់សម្ដេចអគ្គមហាសេនាបតីតេជោ ហ៊ុន សែន បានធ្វើឡើងនៅក្នុងសារលិខិតចូលរួម “ទិវាវិទ្យុពិភពលោក” លើកទី១០ ថ្ងៃទី១៣ ខែកុម្ភៈ ឆ្នាំ២០២១។
បើតាមសម្តេចតេជោ ទិវាវិទ្យុពិភពលោកឆ្នាំ២០២១នេះ ធ្វើឡើងក្រោមប្រធានបទ “នវានុវត្តន៍នៃវិទ្យុផ្សាយសំឡេងស្របតាមការវិវត្តន៍នៃពិភពលោក” ដែលប្រធានបទនេះ បានឆ្លុះបញ្ចាំងពីការអភិវឌ្ឍន៍នៃបច្ចេកវិទ្យាប្រព័ន្ធផ្សព្វផ្សាយឌីជីថល នៅក្នុងយុគសម័យបដិវត្តឧស្សាហកម្មជំនាន់ទី៤ និងការបង្កើតឡើងនូវនវានុវត្តន៍ នៃវិទ្យុផ្សាយសំឡេង ដើម្បីផ្សារភ្ជាប់ខ្លួនទៅនឹងសង្គម ស្របពេលដែលពិភពលោកទាំងមូលកំពុងមានការវិវត្តន៍ ទាំងទិដ្ឋភាពនយោបាយ សេដ្ឋកិច្ច សង្គម និងការរីករាលដាលនៃជំងឺជាសកលកូវីដ-១៩ ដែលបាននឹងកំពុងគំរាមកំហែង និងបង្កគ្រោះមហន្តរាយយ៉ាងធំធេងដល់អាយុជីវិតរបស់មនុស្ស សេដ្ឋកិច្ចសាកល និងការកាត់ផ្ដាច់នូវចរន្តសកលភាវូបនីយកម្ម លើអន្តរវិស័យ ដែលតម្រូវឲ្យស្ថាប័នវិទ្យុផ្សាយសំឡេងត្រូវចេះបត់បែន និងសម្របសម្រួលខ្លួនដើម្បីដើរឲ្យទាន់ការវិវត្តន៍នៃសភាពការណ៍ពិភពលោក។
សម្ដេចតេជោ ហ៊ុន សែន បានមានប្រសាសន៍ទៀតថា ទោះបីស្ថិតនៅក្នុងស្ថានការណ៍ប្រឈមដ៏លំបាកបែបនេះក្តី វឌ្ឍនភាពនៃបច្ចេកវិទ្យាប្រព័ន្ធផ្សព្វផ្សាយឌីជីថល នៅក្នុងបរិបទនៃបដិវត្តន៍ឧស្សាហកម្មជំនាន់ទី៤ បានធ្វើឲ្យវិទ្យុផ្សាយសំឡេង ដែលជាឧបករណ៍សារគមនាគមន៍ដ៏មានឥទ្ធិពល នៅតែអាចឈរជើងយ៉ាងរឹងមាំក្នុងការប្រកួតប្រជែងទីផ្សារជាមួយប្រព័ន្ធផ្សព្វផ្សាយដទៃទៀត។
ជាមួយគ្នានោះសម្ដេចតេជោ ក៏បានវាយតម្លៃខ្ពស់ និងកោតសរសើរចំពោះអ្នកសារព័ត៌មានជាតិ និងអន្តរជាតិ ក្នុងនោះមានវិទ្យុផ្សាយសំឡេងផងដែរ ទាំងស្ថាប័នរដ្ឋ និងឯកជន នៅក្នុងប្រទេសកម្ពុជា ដែលបានពុះពាររាល់ឧបសគ្គ និងការលំបាកក្នុងការបំពេញការងាររបស់ខ្លួនផ្សារភ្ជាប់ទំនាក់ទំនងពីរាជរដ្ឋាភិបាលទៅកាន់ប្រជាពលរដ្ឋ និងពីប្រជាពលរដ្ឋមកកាន់រាជរដ្ឋាភិបាលវិញ ព្រមទាំងបានចូលរួមជាមួយរាជរដ្ឋាភិបាលនៅគ្រប់ដំណាក់កាលក្នុងការផ្សព្វផ្សាយព័ត៌មានជូនប្រជាពលរដ្ឋឲ្យបានដឹង និងស្វែងយល់អំពីសភាពការណ៍ពិតនៅកម្ពុជាសភាពការណ៍ប្រែប្រួលនៅលើសកលលោក ជាពិសេសការវិវត្ដន៍នៃជំងឺកូវីដ-១៩ ក៏ដូចជាវិធានការសុវត្ថិភាពរបស់ក្រសួងសុខាភិបាល ក្នុងការប្រយុទ្ធប្រឆាំងទប់ស្កាត់ជំងឺនេះ។
សម្តេចតេជោ បានអះអាងទៀតថា “ស្ថាប័នវិទ្យុផ្សាយសំឡេង ក៏ដូចជាស្ថាប័នសារព័ត៌មានទាំងអស់ បានចូលរួមប្រយុទ្ធប្រឆាំងដឹងព័ត៌មានក្លែងក្លាយ ដែលបង្កឡើងដោយពួកឱកាសនិយមប៉ុនប៉ងបង្កភាពចលាចលនៅក្នុងសង្គម ដើម្បីរំខានដល់ការរស់នៅវិញនឹងសេចក្តីសុខសាន្តរបស់ប្រជាជនកម្ពុជា ដោយបានធ្វើការបកស្រាយពន្យល់ប្រជាពលរដ្ឋ និងអន្តរជាតិឲ្យបានយល់ដឹងពីសភាពការណ៍ពិតនៅកម្ពុជា។ សម្ដេចបានបន្តថា បេសកម្មរបស់អ្នកសារព័ត៌មាន ពិតជាមានសារៈសំខាន់នៅក្នុងការចូលរួមចំណែកលើកស្ទួយលទ្ធិប្រជាធិបតេយ្យ និងការគោរពសិទ្ធិមនុស្ស ការថែរក្សាសុខសន្តិភាព ស្ថេរភាពនយោបាយ ការអភិវឌ្ឍប្រទេសជាតិប្រកបដោយចីរភាព។
ជាមួយនឹងការលើកឡើងខាងលើនេះ សម្ដេចអគ្គមហាសេនាបតីតេជោ ហ៊ុន សែន ក៏បានអំពាវនាវជាថ្មីម្តងទៀត ដល់អ្នកសារព័ត៌មានជាតិ និងអន្តរជាតិទាំងអស់ ក្នុងនោះមានស្ថាប័នវិទ្យុផ្សាយសម្លេងផងដែរ ត្រូវយកចិត្តទុកដាក់អនុវត្តឲ្យបានត្រឹមត្រូវ ទៅតាមក្រមសីលធម៌វិជ្ជាជីវៈ ក្នុងការបំពេញភារកិច្ចរបស់ខ្លួន ចៀសវាងការផ្សាយព័ត៌មានមិនពិត ឬព័ត៌មានដែលគ្មានប្រភពច្បាស់លាស់ ដែលអាចបង្កឱ្យមានការច្របូកច្របល់នៅក្នុងសង្គម និងប៉ះពាល់ដល់ទំនាក់ទំនងល្អជាមួយគ្នា និងត្រូវបន្តចូលរួមប្រយុទ្ធប្រឆាំងជំងឺកូវីដ-១៩ និងព័ត៌មានក្លែងក្លាយឲ្យបានសកម្មថែមទៀត ដើម្បីចូលរួមថែរក្សាសុខសន្តិភាព ស្ថេរភាពនយោបាយ និងការអភិវឌ្ឍ ដែលជាបំណងប្រាថ្នារបស់មនុស្សជាតិនៅទូទាំងពិភពលោក៕
ដោយ ៖ កោះកែវ
ផ្លូវកៅស៊ូ១ខ្សែដែលជាអំណោយរបស់រាជរដ្ឋាភិបាលជូនដល់ប្រជាពលរដ្ឋនៅឃុំបន្ទាយមាសខាងកើត ស្រុកបន្ទាយមាស បានចាប់ផ្តើមបើកការដ្ឋានសាងសង់
អ្នកវិភាគ និងអ្នកឃ្លាំមើល ៖ បើទោះបីជាសម រង្ស៊ី ព្យាយាមយកកោះគុត និងឃាតកម្មលឹម គឹមយ៉ា ជាលេសបាតុកម្ម ក៏នៅតែគ្មានអ្នកចូលរួមដែរ
មាននិស្សិតស្រី ៨៣,៣% បានចុះឈ្មោះរៀននៅសាកលវិទ្យាល័យពាណិជ្ជសាស្ត្រអេស៊ីលីដា
អ្នកនាំពាក្យរងក្រសួងមហាផ្ទៃឆ្លើយតបនឹងបុរសម៉ាឡេស៊ីមួយរូបថា បើពិតជាកើតនៅកម្ពុជា ហេតុអ្វីមិនប្រាប់សមត្ថកិច្ចកម្ពុជា? តើមានចេតនាអី?
វេទិកាការងាររបស់ NEA នៅវិទ្យាស្ថានពាណិជ្ជសាស្ត្រនឹងនាំយកឱកាសការងារជាង ២ពាន់កន្លែង សម្រាប់ផ្តល់ជូនយុវជន និងអ្នកស្វែងរកការងារ
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
អគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
សន្តិសុខសង្គម១៨ ម៉ោង ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៣ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍២០ ម៉ោង agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ៦ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១៩ ម៉ោង agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ
-
សន្តិសុខសង្គម២០ ម៉ោង agoអគ្គិភ័យឆេះកន្លែងផ្ញើម៉ូតូ ឡាន ខូចខាតម៉ូតូ និងរថយន្ត៨គ្រឿង