ព័ត៌មានអន្ដរជាតិ
មកស្គាល់ បុរសជួយពិភពលោក បញ្ចៀសមិនឲ្យផ្ទុះសង្គ្រាមនុយក្លេអ៊ែរ តែគ្រប់គ្នាមិនសូវបានដឹង
លោក Stanislav Petrov ឋានៈជាវីរសេនីយ៍ទោ (សក្តិ៤កន្លះ) នៅក្នុងអតីតកងទ័ពការពារដែនអាកាសនៃអតីតសហភាពសូវៀត ត្រូវបានសារព័ត៌មានអង់គ្លេស BBC គាស់កកាយរំឭកពីហេតុការណ៍ពិសេសមួយដែលត្រូវបានគេចាត់ទុកថាជាការសម្រេចដ៏ត្រឹមត្រូវរបស់អតីតវីរសេនីយ៍រូបនេះ ហើយក៏ជាការជួយពិភពលោកទាំងមូលចៀសផុតពីភ្លើងសង្គ្រាមអាវុធនុយក្លេអ៊ែរផងដែរ ។
សារព័ត៌មានខាងលើបានរៀបរាប់ជាសង្ខេប ដោយត្រឡប់ទៅកាន់ព្រឹត្តិការណ៍ព្រឹកព្រលឹមថ្ងៃទី២៦ ខែកញ្ញា ឆ្នាំ១៩៨៣ លោកវីរសេនីយ៍ Petrov មានតួនាទីប្រចាំការពិនិត្យតាមដានព័ត៌មានពីប្រព័ន្ធកុំព្យូរទ័រ ដែលពេលនោះសញ្ញាប្រកាសអាសន្នបានលោតឡើង បង្ហាញថា សហរដ្ឋអាមេរិកបានបាញ់ចេញមីស៊ីលអាវុធនុយក្លេអ៊ែរអន្តរទ្វីបចំនួន ៥ គ្រាប់មកហើយ ។
“សំឡេងស៊ីរ៉ែនបានបន្លឺឡើង ប៉ុន្តែខ្ញុំនៅអង្គុយទីនោះប៉ុន្មានវិនាទី ហើយមើលទៅអេក្រង់លោតសញ្ញាក្រហមព្រមាន និងមានពាក្យ បាញ់ នៅលើនោះ” ។ នេះជាសម្តីរបស់លោក Petrov ប្រាប់ទៅសារព័ត៌មាន ។
លោកបន្ថែមថា វាជាខណៈពេលភាពតានតឹងនៃសង្គ្រាមត្រជាក់ លោកត្រូវតែធ្វើសកម្មភាពណាមួយជាបន្ទាន់ បើមិនដូច្នោះទេ មីស៊ីលរបស់អាមេរិកអាចមកដល់ទឹកដីសូវៀតត្រឹមតែពេល ២០ នាទីប៉ុណ្ណោះ ។
អតីតកងទ័ពអាកាសរូបនេះបានបន្ថែមថា “យើងគ្មានពេលគិតច្រើននោះទេ នៅពេលដែលយើងត្រូវរាយការណ៍អំពីការវាយប្រហារ ។ ប៉ុន្តែយើងដឹងថា រាល់វិនាទីនៃការពន្យារពេល ឬយឺតពេលណាមួយ ស្មើនឹងធ្វើឲ្យបាត់បង់ឱកាសការសម្រេចដ៏សំខាន់ៗ ព្រោះថាមន្ត្រីសូវៀត និងថ្នាក់ដឹកនាំត្រូវការការរាយការណ៍ជាចាំបាច់ ដោយគ្មានការយឺតយាវ។ អ្វីដែលខ្ញុំត្រូវធ្វើគឺហៅទូរសព្ទផ្ទាល់ទៅមេបញ្ជាការ តែពេលនោះ ខ្ញុំសឹងតែមិនអាចកម្រើកបាន ខ្ញុំមានអារម្មណ៍ថាដូចឈរលើខ្ទះក្តៅអីចឹង” ។
ប៉ុន្តែភ្លាមនោះ លោកទទួលអារម្មណ៍ថា មានអ្វីម្យ៉ាងមិនប្រក្រតី មិនគ្រប់គ្រាន់។ តាមធម្មតា លោកមានបទពិសោធ និងត្រូវបានបណ្តុះបណ្តាលដឹងរាល់តាកតិច នៃការបំពារបំពានសកម្មភាពអាវុធនុយក្លេអ៊ែរពីសហរដ្ឋអាមេរិក ប៉ុន្តែវាដូចជាប្លែក ដែលរ៉ាដាផ្កាយរណបចាប់ទិន្នន័យចាប់បានត្រឹមតែមីស៊ីលប៉ុន្មានគ្រាប់ លើសពីនោះ ប្រព័ន្ធរ៉ាដាចាប់នោះ ជាប្រព័ន្ធថ្មី ដែលស្ថិតនៅក្នុងភាពមិនទាន់ច្បាស់នៅឡើយ។
វិនាទីចុងក្រោយ លោកវីរសេនីយ៍ទោ សម្រេចមិនផ្ញើសញ្ញាអាសន្នភ្លាមទៅមេបញ្ជាការឡើយ ប៉ុន្តែលោកខំរកមើលព័ត៌មានបញ្ជាក់ពីអ្វីដែលប្រព័ន្ធថ្មីអាចនឹងមានបញ្ហា។
ជាភ័ព្វសំណាង លោកបានសម្រេចចិត្តពិតជាត្រឹមត្រូវ ។ ២៣ នាទីក្រោយមក គឺគ្មានអ្វីកើតឡើងនោះទេ គ្មានការបាញ់អាវុធណាមួយដូចដែលម៉ាស៊ីនរ៉ាដាបង្ហាញនោះទេ។
លោកបានបន្ថែមថា៖ “ប្រសិនបើហេតុការណ៍បាញ់ពិតមែន តាមបទពិសោធខ្ញុំប្រាកដជាដឹង។ តែពេលនោះគ្មានការបាញ់នោះទេ វាពិតជាដោះបន្ទុកធូរស្បើយពីក្នុងខួរក្បាលមែន”។
បើគិតមកវិញ វិនាទីដែលអតីតវេរសេនីយ៍រូបនេះបានសម្រេចចិត្តនោះ គឺបានជួយសង្គ្រោះដល់ពិភពលោកជាការពិត ដោយបានបញ្ចៀសនូវការតបតបំផ្ទុះឡើងជាសង្គ្រាមនុយក្លេអ៊ែររវាងអាមេរិក និងសហភាពសូវៀតពីពេលនោះមក។ ប៉ុន្តែយ៉ាងណាអតីតមន្រ្តីទ័ពអាកាសរូបនេះ នៅតែអះអាងថា ខ្លួនពុំមែនជាវីរបុរសឡើយ៖ “វាជាភារកិច្ចរបស់ខ្ញុំ ខ្ញុំគ្រាន់តែនៅកន្លែងត្រូវ និងចំពេលវេលាស្ថានភាពត្រូវប៉ុណ្ណោះ”។
ទោះយ៉ាងណា លោក Petrov បានស្លាប់បាត់បង់ជីវិតទៅហើយក្នុងឆ្នាំ ២០១៧ ក្នុងវ័យ ៧៧ ឆ្នាំ យ៉ាងណាមិញ រឿងរបស់លោកវរសេនីយ៍មិនត្រូវបានដឹងជាសាធារណឡើយ ពោលគឺក្រោយពេលដែលសហភាពសូវៀតដួលរលំ ទើបបានផ្ទុះឡើង ។
ទន្ទឹមនោះ មានការចាប់អារម្មណ៍ជាច្រើនទៅលើហេតុការណ៍ដែលលោកបានសម្រេចចិត្តមួយនេះ ដោយក្នុងនោះ លោកអតីតវរសេនីយ៍ក៏បានទទួលនូវពានរង្វាន់អន្តរជាតិជាច្រើនផងដែរ អំឡុងពេលចុងក្រោយនៃជីវិតរបស់លោក ដែលនៅឆ្នាំ២០១៥ គេក៏បានលើកឡើងពីរឿងរបស់លោកថតជាភាពយន្តឯកសារផងដែរដែលមានចំណងជើង “បុរសជួយសង្គ្រោះពិភពលោក ឬ The Man Who Saved The World” ។
គួររំឭកផងដែរថា លោក Stanislav Petrov ត្រូវបានចាត់ទុកជាមនុស្សទីពីរដែលបានជួយសង្រ្គោះផែនដីចៀសផុតពីភ្លើងសង្គ្រាមកម្រិតពិភពលោក ពោលគឺអាវុធនុយក្លេអ៊ែរ ក្នុងសម័យសង្គ្រាមត្រជាក់ ដែលលើកទីមួយក៏មានវរមន្ត្រីនៃអតីតសហភាពសូវៀតមួយរូបផងដែរ បានបញ្ចៀសពិភពលោកពីសង្គ្រាមលោកនុយក្លេអ៊ែរដោយការអត់ធ្មត់ និងសម្រេចចិត្តដ៏ត្រឹមត្រូវ កាលពីព្រឹត្តិការណ៍វិបត្តិមីស៊ីលនៅគុយបាក្នុងឆ្នាំ១៩៦២ ៕
ប្រែសម្រួល៖ មាន រតនា
៧មករា គឺជាថ្ងៃកំណើតទី២ របស់ប្រជាជនកម្ពុជា បើគ្មានថ្ងៃនោះទេ ក៏គ្មានថ្ងៃនេះដែរ នេះជាសច្ចធម៌ប្រវត្តិសាស្ត្រ គ្មានជនណាមកបំភ្លៃ និងបំផ្លាញបាន
លោក លី ធុជ អំពាវនាវឱ្យប្រជាជនបន្តរួបរួមគ្នា និងសម្លឹងមើលទៅរកអនាគតមួយកាន់តែល្អប្រសើរឡើងសម្រាប់ប្រទេសជាតិ ក្រោមការដឹកនាំរបស់គណបក្សប្រជាជនកម្ពុជា
លោក កែ គឹមយ៉ាន៖ ស្មារតីជ័យជម្នះ ៧ មករា គឺជាស្មារតីនៃសន្តិភាពនិងការបង្រួបបង្រួមជាតិ
ពលរដ្ឋ និងជនជាតិដើមភាគតិចនៅខេត្តមណ្ឌលគិរី ចាត់ទុក«ថ្ងៃ៧មករា» ជាថ្ងៃកំណើតទី២ មិនអាចបំភ្លេចបាន
កូរ៉េខាងជើង ប្រកាសជោគជ័យ ធ្វើតេស្តមីស៊ីល លឿនជាងសំឡេង១២ដង អាចទម្លុះខែលការពារគ្រប់ប្រភេទ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
រញ្ជួយដីកម្រិតធ្ងន់ វាយប្រហារតំបន់ទីបេ បណ្តាលឲ្យមានមនុស្សស្លាប់
លោក ប៊ុន ភក្ដី ចេញមកបកស្រាយ ក្រោយការចោទប្រកាន់ថា ខ្លួនជាជនជាតិវៀតណាម មានតំណែងជាមន្ត្រីនគរបាល
នារីម្នាក់បានស្លាប់និងម្នាក់ទៀតរងរបួសធ្ងន់បន្ទាប់ពីបើកម៉ូតូទៅកៀរទ្រូងផ្លូវ
អាមេរិក ចាប់ផ្តើមមានមនុស្សស្លាប់ ដោយសារព្យុះព្រឹលដ៏កាចសាហាវ
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ