ចរាចរណ៍

ករណីគ្រោះថ្នាក់ចរាចរណ៍ ហើយដោះស្លាកលេខចេញពីឡាន ឬ ម៉ូតូ នៅកន្លែងកើតហេតុ មានភាគរយតិចតួចបំផុត

បានផុស

១ year មុន

នៅ

ថ្ងៃព្រហស្បតិ៍ ១១ មករា ២០២៤

ដោយ

លោកវរសេនីយ៍ឯក ដេ ម៉ៅ នាយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានគូសបញ្ជាក់ថា ចំពោះករណីគ្រោះថ្នាក់ចរាចរណ៍បើកបុករត់ ហើយដោះស្លាកលេខចេញពីឡាន ឬ ម៉ូតូ នៅកន្លែងកើតហេតុ មានភាគរយតិចតួចបំផុត ក្នុងចំណោម ៩៤៦ ករណីគ្រោះថ្នាក់ចរាចរណ៍ ដែលមន្ត្រីជំនាញអនុវត្តច្បាប់បានជួបកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ដេ ម៉ៅ នាយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានគូសបញ្ជាក់ឲ្យ កម្ពុជាថ្មី ដឹង កាលពីថ្ងៃទី ០៤ ខែមករា ឆ្នាំ ២០២៤ កន្លងទៅថា ភាគច្រើនដែលសមត្ថកិច្ចអនុវត្តច្បាប់នោះ គឺមិនសូវមានករណីគ្រោះថ្នាក់ចរាចរណ៍បើកបុករត់ ហើយដោះស្លាកលេខចេញពីឡាន ឬ ម៉ូតូ នៅកន្លែងកើតហេតុកើតឡើងនោះទេ។

លោកវរសេនីយ៍ឯក ដេ ម៉ៅ បញ្ជាក់ថា «អញ្ចឹង ក្រោយពីគ្រោះថ្នាក់ បានន័យថាគាត់ជាអ្នកបង្ក ហើយគាត់ភ័យ ជួនកាលគាត់រត់តែខ្លួនគាត់ ហើយទុកវត្ថុតាងនៅកន្លែងកើតហេតុ។ អត់ដែលទាន់មានរត់ហើយទៅទាញស្លាកលេខដាច់ មិនទាន់មានទេ។ អញ្ចឹងបានន័យថា ក្នុង ៩៤៦ ករណី មិនទាន់ជួបឧបសគ្គហ្នឹង»។