ព័ត៌មានអន្ដរជាតិ

រដ្ឋមន្រ្តីការបរទេស បារាំង ទើបតែងតាំងថ្មី ប្រកាសជំហរគាំទ្រ អ៊ុយក្រែន ទាំងស្មារតី និងហិរញ្ញវត្ថុ ជាអាទិភាព

បានផុស

១ year មុន

នៅ

ថ្ងៃអាទិត្យ ១៤ មករា ២០២៤

ដោយ

រដ្ឋមន្រ្តីការបរទេសបារាំងទើបតែងតាំងថ្មី គឺលោក Stephane Sejourne បានប្រកាសឲ្យដឹងថ្មីៗនេះថា ជំនួយរបស់បារាំងទៅកាន់ទីក្រុងកៀវដើម្បីប្រឆាំងនឹងរុស្ស៊ី នឹងនៅតែជាគោលការអាទិភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មាន AFP លោករដ្ឋមន្រ្តីបានប្រកាសក្នុងដំណើរទស្សនកិច្ចនៅទីក្រុងកៀវថា បារាំងមានគោលជំហរច្បាស់ ដោយមិនបញ្ឈប់ជំនួយទៅកាន់អ៊ុយក្រែន ក្នុងសកម្មភាពតបតនឹងការទន្ទ្រានរបស់រុស្ស៊ីនោះឡើយ។ ការប្រកាសថ្លែងការណ៍នោះដែរ គឺស្របទៅតាមគំនិតរបស់បណ្តាលោកខាងលិច ដែលសម្រេចស្រុះស្រួលគ្នាជាឯកច្ឆនដើម្បីបន្ថែមកម្លាំងទ័ព និងជំនួយហិរញ្ញវត្ថុសម្រាប់ជាជំនួយដល់អ៊ុយក្រែនក្នុងការតស៊ូនឹងរុស្ស៊ី។

“អ៊ុយក្រែន នឹងនៅតែជាអាទិភាពក្នុងទិសដៅរបស់បារាំង។ រុស្ស៊ីអាចនឹងយល់ខុសថា អ៊ុយក្រែន និងសម្ព័ន្ធមិត្តនឹងចុះចាញ់ ប៉ុន្តែមិនមែនទេ ពួកយើងមិនទន់ខ្សោយទេ”។ នេះបើតាមការលើកឡើងរបស់ លោករដ្ឋមន្រ្តីការបរទេសបារាំង ក្នុងជំនួបជាមួយរដ្ឋមន្រ្តីការបរទេសអ៊ុយក្រែន លោក Dmitry Kuleba។

***រដ្ឋមន្ត្រីការបរទេសបារាំងទើបតែងតាំងថ្មី លោក Stephane Sejourne***

គួររំឭកដែរថា លោករដ្ឋមន្ត្រីការបរទេសថ្មីរបស់បារាំង Sejourne បានទៅដល់អ៊ុយក្រែនក្នុងរយៈពេលពីរថ្ងៃក្រោយពេលដែលលោកត្រូវបានតែងតាំងទៅជាថ្នាក់ដឹកនាំការបរទេស ខណៈការតែងតាំងនេះគឺក្រោយពេលដែលមានការរុះរើគណរដ្ឋមន្រ្តីថ្មីរបស់បារាំង៕

អត្ថបទដោយ ៖ មាន រតនា