សង្ស័យភ្លើងប្រចណ្ឌ ប្ដីយកញញួរវាយសម្លាប់ប្រពន្ធ​ រួចលេបថ្នាំស្លាប់ខ្លួនតាមក្រោយ

បុរសម្នាក់បានយកញញួរវាយសម្លាប់ស្ត្រីជាប្រពន្ធយ៉ាងសាហាវព្រៃផ្សៃ រួចសម្រេចចិត្តធ្វើអត្តឃាតខ្លួនឯងដោយលេបថ្នាំសម្លាប់ខ្លួនតាមក្រោយតែមិនស្លាប់។

ករណីនេះបានកើតឡើងនាព្រឹកថ្ងៃទី១៦ ខែមករា ឆ្នាំ២០២៤ នៅក្នុងផ្ទះជនរងគ្រោះ ស្ថិតនៅភូមិទ្រុងមាន់ សង្កាត់អូបែកក្អម ខណ្ឌសែនសុខ រាជធានីភ្នំពេញ។

ប្រជាពលរដ្ឋនៅក្បែរកន្លែងកើតហេតុបានឲ្យដឹងថា ជនរងគ្រោះមានឈ្មោះ បរមី អាយុជាង៣០ឆ្នាំ មានកូនស្រីអាយុ៥ឆ្នាំម្នាក់។ នៅក្នុងកន្លែងកើតហេតុសមត្ថកិច្ចបានប្រទះឃើញក្រដាសមួយសន្លឹកដោយមានសរសេរអក្សរថា ៖ “ស្រីផិតប្តី”។សមត្ថកិច្ចបានឲ្យដឹងថា តាមការសន្និដ្ឋានបឋមករណីឃាតកម្មនេះ អាចបណ្តាលមកពីភ្លើងប្រចណ្ឌ៕

អត្ថបទ៖ សុខា