តេស្តជ្រូក​នាំចូលមកពីថៃ មាន​មេរោគប៉េស្តជ្រូកអាហ្រ្វិច សម្រេច​ដុត​បំផ្លាញចោល​

នៅថ្ងៃទី១២ខែកុម្ភៈ ឆ្នាំ២០២១ អគ្គនាយកដ្ឋានសុខភាពសត្វ និងផលិតកម្មសត្វ ក្រោមអធិបតីភាព ឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ ឯកឧត្តមព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ នគរបាលប្រឆាំងបទល្មើសសេដ្ឋកិច្ចនៃស្នងការដ្ឋានខេត្ត និងមន្ទីរកសិកម្ម រុក្ខាប្រមាញ់ និងនេសាទខេត្តខេត្តបន្ទាយមានជ័យ បានសម្រេចដុតបំផ្លាញចោលសត្វជ្រូកចំនួន៣០ក្បាល បន្ទាប់ពីធ្វើតេស្តរកឃើញវិជ្ជមានមេរោគប៉េស្តជ្រូកអាហ្រ្វិច ដែលនាំចូលមកពីប្រទេសថៃឡង់ដ៍ តាមច្រកអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយគ្មានលិខិតអនុញ្ញាតអ្វីទាំងអស់៕