ព័ត៌មានអន្ដរជាតិ

ចាប់ខ្លួនបុរសថៃ-អាល្លឺម៉ង់ម្នាក់ ពីបទរំលោភកូនស្រីបង្កើត និងថតឃ្លិបលក់លើបណ្តាញសង្គមងងឹត

បានផុស

១ year មុន

នៅ

ថ្ងៃសុក្រ ១៩ មករា ២០២៤

ដោយ

កាលថ្ងៃទី ១៧ មករា ឆ្នាំ២០២៤ DSI ឬនាយកដ្ឋានស៊ើបអង្កេតពិសេស សហការជាមួយប៉ូលិសសហព័ន្ធអាល្លឺម៉ង់ (Bundeskriminalamt : BKA) បានចាប់ខ្លួនលោក Tony ជាកូនកាត់ថៃអាល្លឺម៉ង់ ពីបទរំលោភនិងលក់វីដេអូផ្លូវភេទ តាមគេហទំព័រងងឹត នៅខេត្តមួយក្នុងភូមិភាគឦសាននៃប្រទេសថៃ។ នេះបើយោងតាមការចុះផ្សាយរបស់កាសែត thethaiger នៅមុននេះបន្តិចប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មែនទែនទៅ រឿងរ៉ាវមួយនេះបានកើតឡើងតាំងពីថ្ងៃទី២០ ខែកក្កដា ឆ្នាំ២០២៣ ក្នុងពេលដែលអាជ្ញាធរថៃបានទទួលព័ត៌មានសម្របសម្រួលពីមន្ត្រីអង្គការប្រតិបត្តិការ ផ្លូវរថភ្លើងក្រោមដី (O.U.R) ដែលបានរកឃើញការរំលោភបំពានផ្លូវភេទលើកុមារ ហើយជនល្មើសមានទីលំនៅក្នុងប្រទេសថៃ ខណៈដែលជនរងគ្រោះគឺជាកូនស្រីបង្កើតរបស់ជនល្មើសថែមទៀត។

ប៉ូលិសសបានបើកការស៊ើបអង្កេតដោយប្រមូលនូវភស្តុតាងជាច្រើន ដោយនាំទៅតុលាការសុំដីកាចាប់ខ្លួនពីបទបៀតបៀនផ្លូវភេទលើកុមារអាយុក្រោមដប់បីឆ្នាំ។ បើទោះបីជាកុមារយល់ព្រមឬអត់ ប៉ុន្តែការប្រព្រឹត្តអំពើមិនសមរម្យលើកុមារអាយុក្រោម១៣ឆ្នាំ ត្រូវគេចាត់ទុកថាជាអំពើល្មើសច្បាប់យ៉ាងធ្ងន់ធ្ងរ។

យ៉ាងណាក៏ដោយ ប៉ូលិសបាននាំខ្លួនលោក Tony ទៅឃុំខ្លួននៅតុលាការព្រហ្មទណ្ឌ ហើយនៅថ្ងៃទី ១៦ ខែមករា ឆ្នាំ ២០២៤ តុលាការព្រហ្មទណ្ឌមិនបានអនុម័តការដោះលែងជនស្មើសជាបណ្តោះអាសន្ន តាមការស្នើសុំរបស់ក្រុមគ្រួសារនោះទេ។

លើសពីនេះទៀតសោត នាយកដ្ឋានស៊ើបអង្កេតពិសេសបញ្ជាក់ថា នឹងពង្រីកលទ្ធផលនៃការចាប់ខ្លួនជនល្មើសរំលោភផ្លូវភេទកុមារបន្ថែមទៀតក្នុងករណីនេះ។ គេជឿថា នឹងមានជនរងគ្រោះជាកុមារផ្សេងទៀត ហើយខាងនាយកដ្ឋាននឹងមានការអប់រំដល់កុមារ និងយុវជនអំពីសិទ្ធិរបស់ពួកគេដើម្បីការពារខ្លួនពីគ្រោះថ្នាក់ផ្លូវភេទ៕