ព័ត៌មានជាតិ

ចេញរបាយការណ៍ផ្លូវការតួលេខទេសចរបរទេស ឆ្នាំ ២០២៣ ថៃឈរលើគេមកទស្សនាកម្ពុជាជិត ២ លាននាក់

បានផុស

១ year មុន

នៅ

ថ្ងៃសុក្រ ១៩ មករា ២០២៤

ដោយ

បើតាមរបាយការណ៍របស់ក្រសួងទេសចរណ៍ដែលទើបចេញផ្សាយថ្ងៃនេះ ឆ្នាំ២០២៣ កម្ពុជាទទួលបានទេសចរបរទេសសរុបចំនួនជាង ៥ លាន ៤ សែននាក់។ ក្នុងចំណោមទេសចរបរទេសជាង ៥ លាននាក់ដែលមកទស្សនាប្រទេសកម្ពុជានៅក្នុងឆ្នាំ ២០២៣ ទេសចរថៃឈរលើគេមានចំនួនជិត ២ លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីទេសចរថៃដែលឈរលំដាប់ទី ១ មានចំនួន ១,៨២០,៤៦០ នាក់ វៀតណាមឈរលំដាប់លេខពីរមានចំនួន ១,០១៩,៨១២ នាក់ ចិនលំដាប់ទី ៣ មានចំនួន ៥៤៧,៧៩៨នាក់ ឡាវទី ៤ មានចំនួន ៣៧២,២៨៥នាក់ អាមេរិកឈរលំដាប់ទី ៥ មានចំនួន ១៨៤,៨៧០ នាក់ កូរ៉េខាងត្បូងឈរលំដាប់ទី ៦ មានចំនួន ១៧០,១៧១នាក់ ឥណ្ឌូណេស៊ីឈរលំដាប់ទី ៧ មានចំនួន ១២៧,១៧៨នាក់ លេខ ៨ គឺ បារាំងមានចំនួន ១០៦,៦២៥ នាក់ លេខ ៩ ចក្រភពអង់គ្លេសចំនួន ៩៦,៩៧៣ នាក់ និងម៉ាឡេស៊ីឈរលំដាប់ទី ១០ មានចំនួន ៨៧,៨២៥ នាក់។

បើយោងតាមរបាយការណ៍ដដែល ទេសចរបរទេសដែលធ្វើដំណើរមកកម្សាន្តប្រទេសកម្ពុជាក្នុងនោះចូលមកតាមជើងហោះហើរមានចំនួន ១,៨៦៦,២៣១ នាក់ តាមផ្លូវគោកចំនួន ៣,៥២០,៧៣០ នាក់ និងតាមផ្លូវទឹកចំនួន ៦៦,២៧០ នាក់។

ដោយឡែករបាយការណ៍ក្រសួងទេសចរណ៍ក៏ឲ្យដឹងដែរថា មានពលរដ្ឋកម្ពុជាប្រមាណ ១ លាន ៨ សែននាក់ បានចេញទៅកម្សាន្តនៅក្រៅប្រទេសក្នុងឆ្នាំ ២០២៣៕

Related Topics:ក្រសួងទេសចរណ៍