ព័ត៌មានជាតិ

អាជ្ញាធរសង្កាត់ច្បារអំពៅ២សំណូមពរប្រជាពលរដ្ឋចូលរួមថែរក្សាបរិស្ថាន

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

Sokhom Khon

សំរាមនៅតាមដងផ្លូវមិនទាន់សំអាតបានល្អផង បែរមកមើលសំរាមនៅតាមច្រាំងទន្លេវិញនៅពាស ពេញថែមទាំងជះក្លឹនស្អុយទៀតផង។

យោងតាមប្រភពពីលោក យ៉ិន វុធ ចៅសង្កាត់ច្បារអំពៅទី២បានឲ្យកម្ពុជាថ្មីដឹងថា រាល់ថ្ងៃនេះកម្លាំងប្រជាការពារសង្កាត់បានចុះធ្វើអនាម័យបោសសំអាតតាមដងផ្លូវឲ្យបានល្អស្អាត តែបែរមកមើលសំរាមនៅតាមមាត់ច្រាំងទន្លេវិញពោពេញទៅដោយគំនរសំរាមច្រើនជាងតាមដងផ្លូវទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅសង្កាត់បន្តថា សំរាមដែលស្ថិតនៅតាមមាត់ច្រាំងទន្លេនេះ គឺពុំមានអ្នកណាឆ្ងាយពីក្រៅមកបោះចោលនេះឡើយ។ ដូច្នេះសុំឲ្យបងប្អូនប្រជាពលរដ្ឋសូមចូលរួមថែរក្សាអនាម័យដោយនាំគ្នាបោះបង់ចោលនូវទម្លាប់មិនល្អដែលនិយមនាំគ្នាយកមកចោលសំរាមតាមមាត់ច្រាំងទន្លេបែបនេះបន្តទៅទៀត។ ក្នុងនោះដែរលោកចៅសង្កាត់ក៏បានដឹកនាំកម្លាំងចុះប្រមូលសំរាមចេញពីមាត់ច្រាំងទន្លេនិងមានវិធានការណ៍ឃ្លាំចាំចាប់អ្នកយកសំរាមមកបោះចោលតាមមាត់ច្រាំងនិងផាកពិន័យតាមការកំណត់ដើម្បីឲ្យរាងចាល។

លោក យ៉ិន វុធ បញ្ជាក់ថា លោកនឹងខិតខំថែរក្សាច្រាំងទន្លេមិនឲ្យមានសំរាមតទៅទៀត។ តែក្នុងនោះសុំឲ្យមានការចូលរួមពីប្រជាពលរដ្ឋដែលមានទីលំនៅក្បែរច្រាំងទន្លេនេះផងដែរ៕

អត្ថបទ ៖ នរា