ព័ត៌មានអន្ដរជាតិ

រុស្ស៊ីនឹងបាញ់បង្ហោះគ្រាប់រ៉ុកកែតច្រើនជាង ១០ គ្រឿងទៅគន្លងតារាវិថី នៅឆ្នាំនេះ

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

លោក Ruslan Mukhamedzhanov ប្រធានមជ្ឈមណ្ឌលប្រតិបត្តិការនៃមូលដ្ឋានហេដ្ឋារចនាសម្ព័ន្ធអវកាសបាននិយាយនៅថ្ងៃចន្ទនេះថា ប្រទេសរុស្ស៊ីនឹងអនុវត្តការបាញ់គ្រាប់រ៉ុកកែត Soyuz-2 ច្រើនជាង ១០ គ្រឿងចេញពីស្ថានីយបាញ់បង្ហោះយានអវកាស Baikonur នៅឆ្នាំនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mukhamedzhanov បាននិយាយថា “ការបាញ់បង្ហោះគ្រាប់រ៉ុកកែតចំនួន ១២ គ្រាប់នឹងត្រូវបានអនុវត្តចេញពីទីតាំងនេះក្នុងឆ្នាំ ២០២១” ។

ការបាញ់បង្ហោះលើកដំបូងត្រូវបានធ្វើឡើងនៅព្រឹកថ្ងៃចន្ទនេះ នៅពេលដែលគ្រាប់រ៉ុកកែត Soyuz-2.1 បានផ្ទុះចេញពីយានអវកាស Progress MS-16 ដោយដឹកស្បៀងអាហារ និងគ្រឿងផ្គត់ផ្គង់ទៅស្ថានីយអវកាសអន្តរជាតិ (ISS) ។ ទីតាំងទី ៣១ របស់ស្ថានីយបាញ់បង្ហោះយានអវកាស Baikonur ក៏ត្រូវបានបម្រុងទុកសម្រាប់រ៉ុក្កែត Soyuz-2 ផងដែរ ។

នៅក្នុងខែមករាប្រភពពីឧស្សាហកម្មអវកាស និងគ្រាប់រ៉ុកកែតបានប្រាប់គេហទំព័រ Sputnik ថា ការបាញ់គ្រាប់រ៉ុកកែតចន្លោះពី ១៥ ទៅ ១៧ គ្រឿងចេញពីស្ថានីយបាញ់បង្ហោះយានអវកាស Baikonur ត្រូវបានគ្រោងទុកសម្រាប់ឆ្នាំ ២០២១ ។ ទន្ទឹមនោះយានអវកាស Soyuz ចំនួន ៣ គ្រឿង យានអវកាសដឹកទំនិញ Progress ចំនួន ៣ គ្រឿង ផ្កាយរណបទូរគមនាគមន៍ Ekspress-AMU3 និង Ekspress-AMU7 ក្រុមយានអវកាស OneWeb ៣ គ្រឿង និងផ្កាយរណបឧតុនិយម Arktika-M ក៏ត្រូវបានដាក់ចូលក្នុងការបាញ់បង្ហោះទៅតារាវិថីផងដែរ ។

គួរបញ្ជាក់ថា ស្ថានីយបាញ់បង្ហោះយានអវកាស Baikonur គឺជាទីតាំងបង្ហោះអវកាសដំបូងបង្អស់លើពិភពលោកដែលត្រូវបានសាងសង់ដោយសហភាពសូវៀតនៅឆ្នាំ ១៩៥៥ ៕