ជីវិតកម្សាន្ដ

តារាកូរ៉េ ៥ រូប បើកចិត្តនិយាយរឿងស្នេហាលើកដំបូង ធ្លាប់ធ្វើឲ្យឈឺចាប់ខ្លាំង

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

រឿងវ៉ាវស្នេហាអ្នកណាក៏ធ្លាប់ ជាពិសេសគឺស្នេហាដំបូងដែលបានចាប់ផ្តើមឡើងរីករាយ ប៉ុន្តែគ្រប់គ្នាមិនប្រាកដថានឹងអាចបន្តទៅមុខបានជាមួយគ្នារហូតនោះដែរ។

ជាចុងក្រោយគឺនៅសល់តែអនុស្សាវរីយ៍ឱបជាប់រហូតមកដល់ពេលបច្ចុប្បន្ន បើទោះជាលែងមានអារម្មណ៍ថាឈឺចាប់ ប៉ុន្តែគ្រប់គ្នាក៏នៅតែសោកសៅនៅពេលដែលរំលឹកពីរឿងអតីតទាំងអស់នោះ ត្រឡប់មកវិញ។ សូម្បីតែតារា K-Pop ទាំង ៥ដួងនេះ ក៏ធ្លាប់បានជួបស្នេហាដំបូងរបស់ពួកគេផងដែរ។ ព្រមទាំងបើកចិត្តនិយាយអំពីវាឡើងវិញដោយស្មោះត្រង់ចេញពីអារម្មណ៍ប្រាប់ដល់អ្នកគាំទ្ររបស់ពួកគេ ឱ្យដឹងថែមទៀតផង៕

ចង់ដឹងថា តារាកូរ៉េទាំង ៥ដួងនេះ គឺជាអ្នកណាខ្លះ ទៅតាមដានមើលនៅខាងក្រោមនេះទាំងអស់គ្នា៖

១. Jinyoung (GOT7)
នៅក្នុងបទសម្ភាសន៍ដំបូងដែលនិយាយពីស្នេហាដំបូងរបស់ Jinyoung ថា លោកពិតជាខ្មាស់អៀនបន្តិច ដែលនិយាយអំពីរឿងនេះកាលពីមុន លោកបានចូលចិត្តនារីម្នាក់ហើយបានឲ្យស្ករគ្រាប់ខ្លះទៅនាងថែមទៀត។ បន្ទាប់ពីឲ្យស្ករគ្រាប់ទៅនាងរួច លោកបានរត់គេចយ៉ាងលឿនដោយសារតែខ្លួនឯងអៀនពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. Henry Lau
ម្ដងនេះ Henry បាននិយាយអំពីរឿងស្នេហាដំបូងរបស់លោកវិញម្ដង តារាប្រុសរូបនេះ បានមានសង្សារដែលស្រលាញ់គ្នាអស់ ៧ឆ្នាំ ដែលមិត្តស្រីរបស់លោក បានទាក់ទងគ្នានៅពេលដែលលោករស់នៅប្រទេសកាណាដា។

ទំនាក់ទំនងរបស់លោកបានបញ្ចប់ដោយសារតែលោក បានដឹងថាមិត្តស្រីនឹងមិត្តសម្លាញ់របស់លោក បាននាំគ្នាបោកប្រាស់ចិត្តរបស់លោក។ ចាប់តាំងពីមានរឿងនេះកើតឡើង Henry មិនមានមិត្តស្រីទៀតនោះទេ។

៣. Suho (EXO)
ឥឡូវនេះគឺដល់វគ្គរបស់ Suho សមាជិក EXO វិញម្ដងបើកទម្លាយរឿងរ៉ាវស្នេហាដំបូងចេញពីចិត្ត។ តារាប្រុសរូបនេះ បាននិយាយថា លោកធ្លាប់មានមិត្តស្រីនៅវិទ្យាល័យ ដែលស្រលាញ់បាន ២ឆ្នាំ នាងគឺជាស្នេហាដំបូងរបស់លោក ប៉ុន្តែនាងមិនមែនជាអ្នកនៅក្នុងវិស័យសិល្បៈកម្សាន្តនោះទេ។

៤. Sandara Park
ជឿថា អ្នកគាំទ្រមួយចំនួនរបស់ Sandara ពិតជាធ្លាប់បានដឹងអំពីរឿងស្នេហារបស់នាង ដែលធ្លាប់បាននិយាយថានាងមិនអាចបំភ្លេចនូវស្នេហាដំបូងរបស់នាងបានឡើយ។ តារាស្រីរូបនេះ ធ្លាប់បាននិយាយថា នាងគិតថាជីវិតរបស់នាងដូចជាត្រូវបញ្ចប់ នៅពេលដែលនាង និងគេ បានបែកគ្នា។ Sandara នាងព្យាយាមធ្វើគ្រប់យ៉ាងដើម្បីបំភ្លេចស្នេហាដំបូងរបស់នាង ប៉ុន្តែនាងនៅតែមិនអាចធ្វើវាបាន។

រហូតដល់នាងបានសម្រេចចិត្តលក់វត្ថុអនុស្សាវរីយ៍របស់គេទាំងអស់ដែលនាងទទួលបានទៅប្រាក់ទៅធ្វើដំណើរកម្សាន្ត ជាមួយនឹងមិត្តភក្តិរបស់នាងថែមទៀត ដើម្បីទុកជាការសងសឹក។ តែលទ្ធផលចុងក្រោយ នាងនៅតែមិនអាចបំភ្លេចស្នេហាដំបូងរបស់ខ្លួនបានទេ។

៥. Woozi (SEVENTEEN)
ស្នេហាដំបូងរបស់ Woozi គឺនៅពេលដែលលោក រៀននៅបឋមសិក្សា។ តារាប្រុសរូបនេះបាននិយាយថា នៅពេលនោះ លោកគឺជាអ្នកដែលធ្វើឲ្យនាងចាប់អារម្មណ៍មកលើខ្លួន នៅពេលដែលកំពុងលេងបាល់បោះជាមួយមិត្តក្នុងសាលា។ ប៉ុន្តែ Woozi នៅតែមិនប្រាកដចិត្តថា នាង អាចនឹងមានចិត្តមកលើលោកឬក៏អត់ទេ ហើយលោកបានឈប់និយាយជាមួយនាង នៅពេលដែលលោកចូលហ្វឹតហាត់ក្នុងពិភពកម្សាន្ត៕