ជីវិតកម្សាន្ដ

លោក សុះ ម៉ាច ស្នើកូនខ្មែរ ចេះស្រលាញ់រួមគ្នា ធ្វើអ្វីដែលជាប្រយោជន៍ដល់សង្គមជាតិ

បានផុស

១២ ខែ មុន

នៅ

ថ្ងៃអង្គារ ៣០ មករា ២០២៤

ដោយ

តារាចម្រៀងជើងចាស់ល្បីឈ្មោះលោក សុះ ម៉ាច ថ្មីៗនេះបានចេញមុខបំផុសក៏ដូចជាស្នើដល់កូនខ្មែរទាំងអស់ត្រូវចេះស្រលាញ់គ្នា និងរួមគ្នាធ្វើអ្វីដែលជាប្រយោជន៍ដល់សង្គមជាតិពោល គឺកុំឈ្លោះ កុំស្អប់ កុំខឹងនឹងគ្នា កុំរើសអើងគ្នានាំឲ្យជាតិសាសន៍ដទៃគេមើលងាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់លោក សុះ ម៉ាច គេនៅចាំបានថាកាលពីកន្លងទៅលោកក៏ធ្លាប់បញ្ជាក់ថា ខ្លួនទទួលរងការជេរប្រមាថ ការលាប ពណ៌យ៉ាងធ្ងន់ធ្ងរពីសំណាក់បុគ្គលមួយចំនួន ព្រោះការពារសច្ចធម៌ យុត្តិធម៌ និងវប្បធម៌។ លោក សុះ ម៉ាច បានអះអាងដែរថា នៅកំឡុងឆ្នាំចាស់២០២៣ រូបលោកបានជួបឧបស័គ្គជីវិតមួយចំនួនត្រូវគេលាបពណ៌ ជេរប្រមាថ ទាំងជាតិសាសន៍ឯង និងជាតិសាសន៍ដទៃ។

ដោយឡែកស្រាប់តែពេលនេះលោក សុះ មាច បានបញ្ចេញខ្លឹមសារដោយចង់ឃើញកូនខ្មែរចេះស្រលាញ់រួមគ្នាធ្វើអ្វីដែលជាប្រយោជន៍ដល់សង្គមជាតិយើង។ លោក សុះ ម៉ាច លើកឡើងថា«បើសិនខ្ញុំអាចឡើងដល់ឋានសួគ៌ ខ្ញុំនឹងទៅជួបឥន្ទ្រព្រហ្មទេវតា រាយការណ៍ប្រាប់គ្រប់មនុស្សទាំងឡាយណាដែលបានសាងល្អជួយយកអាសាខ្ញុំកន្លងមករហូតឥឡូវឲ្យលោកជួយឃុំគ្រងថែរក្សាពួកគេ។ ចំណែកឯមនុស្សដែលបានប្រព្រឹត្តមិនគប្បីដោយចេតនាក្តី អចេតនាក្តីមកលើខ្ញុំក៏ឲក្យអភ័យដល់ពួកគេផងដែរ»។

តារាចម្រៀងលោក សុះ ម៉ាច បាននិយាយបន្តថា «ខ្មែរដូចគ្នាស្រឡាញ់រាប់អានគ្នា ជួយគ្នាទៅកុំឈ្លោះ កុំស្អប់ កុំខឹងនឹងគ្នា កុំរើសអើងគ្នាអី្វ កុំឲ្យជាតិសាសន៍ដទៃគេមើលងាយយើង។ រួមគ្នាធ្វើអ្វីដែលជាប្រយោជន៍ដល់សង្គមជាតិទោះតិចក្តីច្រើនក្តី គឺអ្វីដែលអាចធ្វើទៅបាន»។

គួរបញ្ជាក់ថា លោក សុះ ម៉ាច កន្លងមក គឺជាអតតីប្រធានសមាគមសិល្បករខ្មែរ ២អាណត្តិ និងជាតារាចម្រៀងជើងចាស់ដ៏មានប្រជាប្រិយភាពរហូតមកដល់ពេលបច្ចុប្បន្ន។ លោក សុះ ម៉ាច បានជាប់ឈាមជ័រជាអ្នកសិល្ប:ព្រោះលោក គឺត្រូវជាកូនប្រុសបង្កើតរបស់លោក តាសុះ ម៉ាត់ តារាចម្រៀងល្បី និងសម្បូរស្នេហ៍ក្នុងទសវត្សរ៍ឆ្នាំ៦០-៧០៕

អត្ថបទ៖ ចាន់រ៉ា