ព័ត៌មានជាតិ

កិច្ចប្រជុំពិនិត្យលើលទ្ធផល នៃការវាយតម្លៃអង្គភាព ផ្ដល់សេវាសាធារណៈគំរូ

បានផុស

១ year មុន

នៅ

ថ្ងៃអង្គារ ៣០ មករា ២០២៤

ដោយ

ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការវាយតម្លៃអង្គភាពផ្ដល់សេវាសាធារណៈថ្នាក់ជាតិ (គ.វ.ជ.) បានដឹកនាំកិច្ចប្រជុំគណៈកម្មការបន្តនីតិវិធីពិនិត្យលើលទ្ធផល នៃការវាយតម្លៃនៅទីតាំងជាក់ស្ដែងបេក្ខភាពសម្រាំង អនុវិទ្យាល័យ សាលាបឋមសិក្សា និងមណ្ឌលសុខភាពគំរូ របស់គណៈកម្មការបច្ចេកទេសអន្តរក្រសួង នៃ គ.វ.ជ កាលពីរសៀលថ្ងៃទី ២៩ ខែមករា ឆ្នាំ ២០២៤ នៅទីស្ដីការក្រសួងមុខងារសាធារណៈ ដោយមានការអញ្ជើញចូលរួមពីសំណាក់តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងអប់រំ យុវជន និងកីឡា តំណាងក្រសួងសុខាភិបាល ថ្នាក់ដឹកនាំ និងមន្ត្រីជំនាញក្រសួងមុខងារសាធារណៈ និងស្ថាប័នអង្គភាពពាក់ព័ន្ធជាច្រើនរូបទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះធ្វើឡើង បន្ទាប់ពីគណៈកម្មការបច្ចេកទេសអន្តរក្រសួង នៃ គ.វ.ជ បានចុះពិនិត្យ និងវាយតម្លៃទីតាំងផ្ទាល់ជាក់ស្ដែង សម្រាប់បេក្ខភាពសម្រាំងអនុវិទ្យាល័យ និងបឋមសិក្សា ព្រមទាំងមណ្ឌលសុខភាពគំរូ ក្នុងគោលបំណងជ្រើសរើសបេក្ខភាពគំរូឆ្នើមប្រចាំឆ្នាំ ដើម្បីឈានទៅដល់ការប្រកាសជ័យលាភីចុងក្រោយ។

ថ្លែងក្នុងកិច្ចប្រជុំនេះ ឯកឧត្ដមរដ្ឋមន្ត្រី បានគូសបញ្ជាក់ពីគុណតម្លៃ នៃដំណើរការការវាយតម្លៃ និងទទួលស្គាល់អង្គភាពផ្ដល់សេវាសាធារណៈគំរូ ហើយក៏បានលើកបន្ថែមផងទៀតថា កិច្ចការនេះគឺជាការបំផុសស្មារតីប្រកួតប្រជែងបន្ថែមទៀត ជាពិសេសនៅក្នុងកិច្ចការកែទម្រង់រដ្ឋបាលសាធារណៈ និងធ្វើទំនើបកម្មស្ថាប័ន ដើម្បីផ្ដល់សេវាសាធារណៈជូនទៅដល់ប្រជាពលរដ្ឋកាន់តែមានភាពល្អប្រសើរ៕