មុនប៉ះគ្នាល្ងាចនេះ ថៃធ្លាប់ឈ្នះអ៊ូសបេគីស្ថាន១លើកក្នុងប្រវត្តិ៤លើក

ក្រុម​បាល់ទាត់​ជម្រើសជាតិថៃត្រូវជួប​ក្រុមជម្រើសជាតិអ៊ូសបេគីស្ថាន វគ្គ១៦ក្រុមចុងក្រោយ ជើងឯក​អាស៊ី​ AFC Asian Cup វេលាម៉ោង៦:៣០​ល្ងាច​ ថ្ងៃទី៣០ ខែមករា នៅកីឡដ្ឋាន Al Janoub Stadium Park។

ថៃធ្វើបានល្អមែនទែនក្នុងកាប្រកួតសន្សំពិន្ទុក្នុងពូល​តាម​រយៈ​៣ប្រកួត ឈ្នះ១ និង​​ស្មើ២ ដែល​ពួក​គេ​មិនរបូតគ្រាប់សូម្បី១គ្រាប់។ ក្នុងនោះ ពួក​គេ​​បាន​ឈ្នះក្រុមកៀហ្ស៊ីស៊ីស្ថាន ២-០, ស្មើ​អូម៉ង់ ០-០​ និងចុងក្រោយស្មើ អារ៉ាប៊ីសាអ៊ូឌីត ០-០។

ចំពោះ អ៊ូសបេគីស្ថាន​ឆ្លង​កាត់​​៣លើក ឈ្នះ១ និង​ស្មើ២ ដួច​ថៃ​ដែរ​គឺ​​ស្មើ​សុីរី ០-០, ឈ្នះ​ឥណ្ឌា ៣-០ ហើយ​ចុងក្រោយស្មើអូស្រ្ដាលី ១-១។

ក្នុង​ប្រវត្តិ​ជួប​គ្នា​​ផ្លូវ​ការ​៤​លើក អ៊ូសបេគីស្ថាន ធ្លាប់ឈ្នះ​៣​លើក ហើយ​​ថៃ​ធ្លាប់​ឈ្នះ​១​លើក ប៉ុន្តែ​ក្រុម​ទាំង​ពីរ​នេះ​មិន​ធ្លាប់​ស្មើ​គ្នា​ឡើយ។ ល្ងាច​នេះ​ជា​ការ​ជួប​គ្នា​លើក​ទី​៥ ​ក្រុម​ដែល​ឈ្នះ​នឹង​ឡើង​វគ្គ​៨​ក្រុម​ចុង​ក្រោយ ហើយ​ក្រុម​ដែល​ចាញ់​ត្រូវ​ត្រឡប់​ទៅ​ផ្ទះ​វិញ។

ប្រវិត្តជួបគ្នា៤ រវាង​ថៃ និង អ៊ូសបេគីស្ថាន

• អ៊ូសបេគីស្ថាន ២-០​ ថៃ កាលថ្ងៃទី១៤ ខែមេសា ឆ្នាំ២០២២ ក្នុងពានរង្វាន់ Asian Cup
• ថៃ ១-៤ អ៊ូសបេគីស្ថាន កាលពីថ្ងៃទី៣០ ខែឧសភា ឆ្នាំ២០២១ ការប្រកួតមិត្តភាពអន្តរជាតិ
• អ៊ូសបេគីស្ថាន ២-០​ ថៃ កាលថ្ងៃទី៦ ខែមិថុនា ឆ្នាំ២០១៧ ការប្រកួតមិត្តភាពអន្តរជាតិ
• ថៃ ៣-២ អ៊ូសបេគីស្ថាន កាលពីថ្ងៃទី២២ ខែធ្នូ ឆ្នាំ២០០៧ ក្នុងពានរង្វាន់ King’s Cup

ថៃជាក្រុមក្នុងតំបន់អាស៊នតែមួយគត់ ដែលមាន​ឱកាស​ប្រកួតប្រជែងឡើងទៅវគ៨ក្រុមចុងក្រោយ ខណៈ​ឥណ្ឌូណេសុី​បាន​ធា្លក់ត្រឹមវគ្គ១៦​ក្រុមចុងក្រោយ បន្ទាប់ពីចាញ់​អូស្រ្ដាលី ៤-០ កាលពីថ្ងៃទី២៨ ខែមករា៕

អត្ថបទ៖ ផា រតនា​