KPT+

ឧបសគ្គ ៥ យ៉ាងក្នុងជីវិត ត្រូវតែជម្នះដើម្បីក្លាយជាមនុស្សប្រសើរជាងមុន

បានផុស

៤ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

Sonya

ឧបសគ្គនៅក្នុងជីវិត ជាអ្វីមួយដែលគ្រប់គ្នារមែងពើបប្រទះ ហើយវាក៏អាចត្រូវបានប្រើដើម្បីជាប្រយោជន៍សម្រាប់តេស្តមនុស្សម្នាក់ៗ។
ទាំងនេះជាបញ្ហាប្រឈម ៥ យ៉ាងក្នុងជីវិត ដែលអ្នកត្រូវតែជម្នះលើផ្លូវជីវិតរបស់ខ្លួន ដើម្បីក្លាយជាមនុស្សប្រសើរជាងមុន៖

១. ការបាត់បង់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនថាអ្នកបាត់បង់ការងារ ស្នេហា ឬឱកាសទំនាក់ទំនង ការបាត់បង់គឺជាផ្នែកមួយជីវិតដែលមិនអាចចៀសរួចឡើយ។ ទោះវាកើតឡើងយ៉ាងម៉េច ការបាត់បង់ពិតជាបញ្ហាប្រឈមដ៏ធំបំផុតដែលយើងពិបាកទទួលយក។ ទោះយ៉ាងណា ការបាត់បង់ក៏ផ្ដល់ឱកាសដើម្បីឆ្លុះពីភាពរឹងមាំរបស់យើង ថាអាចបន្តដំណើរទៅមុខដោយរបៀបណា។

២. ការបរាជ័យ

គ្មានមនុស្សណាម្នាក់ ដែលមិនបានឆ្លងកាត់ការបរាជ័យដើម្បីរីកចម្រើនឡើយ គ្រប់គ្នាសុទ្ធតែធ្លាប់ចាញ់។ នៅពេលបរាជ័យ យើងនឹងមានឱកាសពិនិត្យមើលសកម្មភាពរបស់ខ្លួនម្ដងទៀត និងអាចសម្រេចចិត្តបានត្រូវជាងមុន។ បទពិសោធន៍នៃការបរាជ័យ អាចឱ្យយើងអភិវឌ្ឍចិត្ត គំនិត កាន់តែមាំ ក៏ដូចជាទទួលយកវាជាមេរៀនទៅថ្ងៃមុខ។

៣. ការយឺតយ៉ាវ

គ្រប់គ្នាអាចធ្លាប់ឆ្លងកាត់ការវិវត្តយឺតយ៉ាវ ឬមានអារម្មណ៍ដើរមិនទាន់គេ ខណៈអ្នកដទៃមានវ័យស្មើយើង គេហាក់មានអ្វីគ្រប់យ៉ាង។ កុំបារម្ភ! ក៏កុំស្មុគ!

ភាពយឺតយូរ គឺជាឱកាសរៀនសូត្រពីបញ្ហាប្រឈមដែលធ្វើឱ្យដំណើររបស់យើងប្រែជាលឿន ពេលយើងចាប់ផ្ដើមធ្វើវាម្ដងទៀត។

៤. គំនិតអវិជ្ជមាន

ចិត្តទុទិដ្ឋិនិយមជាគូប្រជែងដ៏ខ្លាំងក្លានៅក្នុងខ្លួន បើបណ្ដោយឱ្យវាគ្រប់គ្រង ជីវិតយើងនឹងដើរលើផ្លូវអវិជ្ជមាន។ រាល់ពេលយើងគិតអ្វីដែលមិនល្អ ប្រាកដជាណាស់ សកម្មភាពក៏ធ្វើទៅតាមការគិត ហើយក៏បង្អាក់យើងមិនឱ្យរីកចម្រើន។

វិធីសាស្ត្រសាមញ្ញដើម្បីជួយដោះស្រាយគំនិតនេះ យើងត្រូវទម្លាប់ខ្លួនធ្វើសមាធិ បួងសួងដោយភាពស្ងៀមស្ងាត់ សរសេរកំណត់ហេតុ និងចេញទៅក្រៅមើលធម្មជាតិ។

៥. រឿងអាក្រក់

រឿងមិនល្អអ្នកណាក៏ជួប គ្រាន់តែតិចឬច្រើន ហើយវាជាឧបសគ្គនៅក្នុងជីវិតដែលមិនអាចគេចវេសរួចទេ។ ត្រូវគិតថាជាវារឿងធម្មតា មិនថាអ្នកដទៃ ឬអ្នកខ្លួនឯង សុទ្ធតែត្រូវប្រឈម។ ប្រសិនបើយើងមានគោលដៅចង់ក្លាយជាមនុស្សប្រសើរ យើងមុខតែត្រូវឆ្លងកាត់ព្យុះភ្លៀងមិនខានទេ៕

ប្រែសម្រួល ៖ សាង ស្រីល័ក្ខ

ចុចអាន៖ ឈប់បារម្ភ! ទោះវ័យ ៣០ ឆ្នាំគ្មានលុយនិងឋានៈ ក៏មិនប្រាកដថាបរាជ័យដែរ

ចុចអាន៖ និយមបន្ទោសខ្លួនឯងក្រោយធ្វើខុស សាកបញ្ឈប់កង្វល់ដោយវិធីនេះ