ជីវិតកម្សាន្ដ

ឃ្លាតឆ្ងាយសិល្ប:ច្រើនឆ្នាំតារាកំប្លែងលោកតា សង់ ស៊ីស តើពេលនេះសុខទុក្ខយ៉ាងណាហើយ ?

បានផុស

១ year មុន

នៅ

ថ្ងៃសុក្រ ២ កុម្ភៈ ២០២៤

ដោយ

ទស្សនិកជនបានដឹងហើយថាលោកតា សង់ ស៊ីស គឺជាតារាកំប្លែងជើងចាស់របស់ខ្មែរមួយរូបដែល មានឈ្មោះបោះសំឡេងយ៉ាងខ្លាំងកាលដែលលោកនៅមានសមត្ថភាពកំប្លែង និងសម្តែងលើវិថីសិល្បៈបានគ្រប់ទម្រង់។ ប៉ុន្តែ ប៉ុន្មានឆ្នាំចុងក្រោយមកលោកតា សង់ស៊ីស ក៏បានធ្លាក់ខ្លួនឈឺរហូតបាត់បង់សមត្ថភាពលើវិស័យសិល្ប:។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់លោកតា សង់ស៊ីស ក៏ជាសិល្បករខ្មែរម្នាក់ដែលបានធ្វើឱ្យប្រជាជនរាប់លាននាក់មានស្នាមញញឹមតាមរយៈទេពកោសល្យកំប្លុកកំប្លែងរបស់គាត់នាពេលកន្លងមក។ ថ្វីត្បិតបច្ចុប្បន្នគាត់វ័យជរា និងកំពុងមានជំងឺប្រចាំកាយផងនោះតែលោកតាហាក់នៅនឹករលឹកដល់អាជីពសិល្បៈ។ ដោយសារបាត់បង់សមត្ថភាពសិល្ប:ទើបពេលនេះលោកតា សង់ ស៊ីស បានឃ្លាតឆ្ងាយពីអាជីពមួយនេះទាំងស្រុង។

ដោយឡែកបើចាប់អារម្មណ៍អំឡុងពេលមួយរយៈចុងក្រោយនេះឃើញថា បញ្ហាសុខភាពរបស់លោកតា សង់ ស៊ីស ហាក់មានភាពល្អប្រសើរឡើងវិញច្រើន គ្រាន់តែអាជីពសិល្ប:គឺមិនអាចវិលទៅរកការសម្តែងឡើងវិញទេ។ ដោយសារឃើញលោកតាសង់ ស៊ីស មានសុខភាពរឹងមាំទើបកូនៗបានបង្ហាញអារម្មណ៍សប្បាយចិត្តគ្រប់គ្នា។

តួយ៉ាងតារាពហុជំនាញអ្នកនាង សុន ស្រីពេជ្រ ដែលជាកូនស្រីបង្កើតរបស់លោកតា សង់ ស៊ីស ថ្មីៗមុននេះបានបញ្ចេញឃ្លិបវីដេអូខ្លីមួយបង្ហាញពីសកម្មភាពនៃការសប្បាយរីករាយរបស់លោកឪពុកដែលកំពុង នឹងបានប្រឡែងលេងជាមួយចៅៗប្រកបដោយស្នាមញញឹមយ៉ាងកក់ក្តៅ។ កញ្ញា សុន ស្រីពេជ្រ ក៏បានចេញសារខ្លីមួយដែរថា “ចូលថែរក្សាលោកឪពុក អ្នកម្តាយ យើងឲ្យបានល្អ អ្នកស្រលាញ់យើង ស្មោះត្រង់នឹងយើងគឺមានតែលោកទាំងពីរនេះទេ“។

ទោះបីជាយ៉ាងណាក្តីគេនៅតែឃើញអ្នកគាំទ្រ និងមហាជនមួយចំនួនធំបានបង្ហាញការនឹករលឹកចំពោះវីរ:សិល្បករដ៏ឆ្នើមលោកតា សង់ ស៊ីស ខណ:កន្លងមកគឺមានសប្បុរសជនខ្លះក៏បានបន្តការផ្តល់ជាថវិការ ឬជំនួយសម្រាប់តារាជើងចាស់លោកតា សង់ ស៊ីស ដើម្បីលើកទឹកចិត្ត និងជួយសម្រួលដល់ជីវភាព ឬថ្នាំពេទ្យជាដើម៕

អត្ថបទ៖ ចាន់រ៉ា