Connect with us

ព័ត៌មានជាតិ

ក្រសួងសុខាភិបាល ពង្រឹងការថែទាំសុខភាពផ្លូវចិត្ត និងសុខភាពមាតា និងទារក

បានផុស

នៅ

វេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល បានអញ្ជើញចូលជាគណៈអធិបតីភាព បើកវគ្គបណ្តុះបណ្តាលកសាងសមត្ថភាព ស្តីពី ការផ្សារភ្ជាប់សុខភាពផ្លូវចិត្ត និងសុខភាពមាតា និងកុមារ ដែលប្រព្រឹត្តទៅនៅសណ្ឋាគារ កំពតស្វីតប៊ូទិក ខេត្តកំពត នេះថ្ងៃទី០១ ខែកុម្ភៈ ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គបណ្តុះបណ្តាលនេះ នឹងធ្វើឱ្យមន្រ្តីសុខាភិបាលដែលបម្រើការដល់ការគាំពារសុខភាពមាតា និងទារក បានយល់ដឹងអំពី ការប្រែប្រួលសុខភាពផ្លូវចិត្តលើស្ត្រីមានផ្ទៃពោះ និងការលូតលាស់ផ្លូវចិត្តរបស់កុមារ និងបង្កើនចំណេះរបស់មន្រ្តីសុខាភិបាលក្នុងការវាយតម្លៃសុខភាពផ្លូវចិត្តលើស្ត្រីមានផ្ទៃពោះ សុខភាពផ្លូវចិត្តស្ត្រីក្រោយការសម្រាលកូន បញ្ហាសុខភាពផ្លូវចិត្តរបស់កុមារ ដែលមន្រ្តីសុខាភិបាលត្រូវមានសមត្ថភាពរកឃើញឱ្យបានឆាប់ ដើម្បីមានសមត្ថភាពធ្វើអន្តរាគមន៍ឱ្យបានសមស្រប។

វេជ្ជបណ្ឌិត ហុក គឹមចេង មានប្រសាសន៍ថា មនុស្សគ្រប់រូបត្រូវមានសុខភាពផ្លូវចិត្តល្អ ដូចសុខភាពផ្លូវកាយដែរ យ៉ាងណាមិញសុខភាពផ្លូវចិត្តល្អរបស់មាតា និងកុមារ មានសារៈសំខាន់ណាស់ ក្នុងការថែទាំផ្ទៃពោះឱ្យបានល្អ និងការលូតលាស់របស់ទារក និងកុមារ ផងដែរ។ សុខភាពផ្លូវចិត្តមាននៅគ្រប់ទីកន្លែង (Mental health is everywhere) ដូច្នេះកិច្ចអន្តរាគមន៍សុខភាពផ្លូវចិត្តត្រូវការកិច្ចសហការប្រទាក់ក្រឡា ហើយការដាក់បញ្ចូលការថែទាំសុខភាពផ្លូវចិត្តទៅក្នុងកម្មវិធីជាតិគាំពារមាតា និងទារក នឹងនាំមកនូវការផ្តល់សេវាគាំពារមាតា និងទារក មានលក្ខណៈគ្រប់ជ្រុងជ្រោយទាំងផ្លូវកាយ និងផ្លូវចិត្ត។

ទន្ទឹមនឹងនេះ អគ្គនាយកបច្ចេកទេសសុខាភិបាល ខាងលើ បានលើកឡើងថា កិច្ចសហការរួមគ្នា រវាងនាយកដ្ឋានសុខភាពផ្លូវចិត្ត និងការបំពានគ្រឿងញៀន និងមជ្ឈមណ្ឌលជាតិគាំពារមាតា និងទារក នឹងជួយលើកកម្ពស់សុខភាពមាតា ទារក និងកុមារ ឱ្យកាន់តែប្រសើរឡើងថែមទៀត និងធ្វើឱ្យការគ្របដណ្តប់សុខភាពជាសកលកាន់តែមានភាពទូលំទូលាយថែមទៀតផងដែរ។

គួរបញ្ជាក់ថា វគ្គបណ្តុះបណ្តាលកសាងសមត្ថភាពនេះ មានការអញ្ជើញចូលរួមដោយ លោកវេជ្ជបណ្ឌិត ឈិត សុផល ប្រធាននាយកដ្ឋានសុខភាពផ្លូវចិត្ត និងការបំពានគ្រឿងញៀន តំណាងមជ្ឈមណ្ឌលជាតិគាំពារមាតា និងទារក តំណាងមន្ទីរសុខាភិបាល នៃរដ្ឋបាលខេត្តកំពត និងសិក្ខាកាមជាវេជ្ជបណ្ឌិត គ្រូពេទ្យ គិលានុបដ្ឋាក និងឆ្មប ដែលអញ្ជើញមកពី ២៥ រាជធានី ខេត្ត សរុបចំនួន ១២០រូប៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

អង្គរសង្ក្រាន្តឆ្នាំនេះ នឹងរៀបចំទ្រង់ទ្រាយធំជាងឆ្នាំមុនៗ ដើម្បីទាក់ទាញទេសចរជាតិ-អន្តរជាតិ

ព័ត៌មានជាតិ១១ ម៉ោង មុន

សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក

ព័ត៌មានជាតិ១១ ម៉ោង មុន

កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់

ព័ត៌មានជាតិ១២ ម៉ោង មុន

ឃាត់ជនបរទេស២៥៨នាក់នៅខេត្តមណ្ឌលគិរី ពាក់ព័ន្ធទីតាំងអនឡាញខុសច្បាប់

ព័ត៌មានជាតិ១៣ ម៉ោង មុន

ព្រឹត្តិការណ៍អង្គរសង្ក្រាន្ត ឆ្នាំនេះ នឹងរៀបចំឡើងវិញក្រោមប្រធានបទ«ញញឹមសាទរសង្ក្រាន្តឆ្នាំថ្មី»

ព័ត៌មានជាតិ១១ ម៉ោង មុន

កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់

ព័ត៌មានជាតិ១៨ ម៉ោង មុន

កម្ពុជាអាចមានភ្លៀងធ្លាក់គ្របដណ្តប់លើផ្ទៃដី១០-២០% រយៈពេល៣ថ្ងៃ

ព័ត៌មានជាតិ១៤ ម៉ោង មុន

កម្លាំងវិស្វកម្ម កំពុងពន្លឿនការស្ថាបនាផ្លូវក្រវាត់ព្រំដែនក្នុងភូមិសាស្រ្តស្រុកអណ្តូងមាស

ព័ត៌មានជាតិ១១ ម៉ោង មុន

សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក

ព័ត៌មានជាតិ១៩ ម៉ោង មុន

ព្រះវិហារថ្មី និងសមិទ្ធផលនានា ក្នុងវត្តសុវណ្ណគិរីកេសរធ្លក ខេត្តសៀមរាប ត្រូវបានសម្ពោធដាក់ឱ្យប្រើប្រាស់ជាផ្លូវការ

Sokha Hotels

ព័ត៌មានពេញនិយម