ព័ត៌មានអន្ដរជាតិ
ឡាវ ពង្រីកជើងហោះហើរក្នុងតំបន់ ភ្ជាប់ទាំងបាងកក និងមកភ្នំពេញ
ដើម្បីបង្កើនការភ្ជាប់មកកាន់ទឹកដីឡាវ ក្រុមហ៊ុនអាកាសចរឡាវ Lao Airlines បានដាក់ដំណើរការជើងហោះហើរអន្តរជាតិថ្មីៗបន្ថែមទៀតរវាងខេត្តសុវណ្ណខេតទៅក្រុងបាងកកប្រទេសថៃ, រដ្ឋធានីវៀងចន្ទន៍ទៅទីក្រុងភ្នំពេញប្រទេសកម្ពុជា និងវៀងចន្ទន័ទៅដាណាងប្រទេសវៀតណាម ។ នេះបើយោងតាមសារព័ត៌មាន Laotian Times ។
ប្រតិបត្តិការហោះហើររវាងខេត្តសុវណ្ណខេត និងទីក្រុងបាងកកនឹងចាប់ផ្តើមនាថ្ងៃ១៥ ខែមីនា ឆ្នាំ២០២៤ ខាងមុខ បន្ទាប់មកការហោះហើររវាងរដ្ឋធានីវៀងចន្ទន៍ និងរាជធានីភ្នំពេញ នឹងចាប់ផ្តើមពីថ្ងៃទី១៩ ខែមីនា ២០២៤ ដែលមាន ៣ ថ្ងៃក្នុងមួយសប្តាហ៍ គឺថ្ងៃអង្គារ ថ្ងៃព្រហស្បតិ៍ និងថ្ងៃសៅរ៍ ខណៈជើងហោះហើរពីវៀងចន្ទន៍ទៅខេត្តដាណាង ប្រទេសវៀតណាម នឹងដំណើរការពីថ្ងៃទី០៤ ខែមេសា ឆ្នាំ២០២៤ ខាងមុខ ។
សម្រាប់ក្រុមហ៊ុនជើងហោះហើរឡាវខាងលើនេះ ក៏បានកិច្ចព្រមព្រៀងសហប្រតិបត្តិការ ជាមួយជើងហោះហើរក្រុមហ៊ុន Thai Airways និង Vietnam Airlines ក្នុងការពង្រីកគោលដៅហោះហើរទេសចរសំខាន់ៗបន្ទាប់ទៀតផងដែររួមមាន វៀងចន្ទន៍-បាងកក វៀងចន្ទន៍-ហាណូយ វៀងចន្ទន៍-ភ្នំពេញ ហ្លួងព្រះបាង-ហាណូយ និងហ្លួងព្រះបាង-សៀមរាប ។
ក្រៅពីកិច្ចសហប្រតិបត្តិការក្នុងតំបន់ ឡាវក៏កំពុងស្ថិតនៅក្នុងដំណាក់កាលកិច្ចប្រជុំពិភាក្សារវាងថ្នាក់ដឹកនាំ និងថ្នាក់ដឹកនាំ ជំរុញឲ្យមានដំណើរការហោះហើរផ្ទាល់ទៅកាន់ទឹកដីឥណ្ឌូណេស៊ី និងប្រទេសរុស្ស៊ីទៀតផង។ គោលដៅនេះ គឺដើម្បីពង្រីកសក្តានុពលនៃវិស័យទេសចររបស់ខ្លួន តាមរយៈការភ្ជាប់ជើងហោះហើរ ។
គួររំឭកថា ប្រទេសឡាវកំពុងអនុវត្តយុទ្ធនាការផ្សព្វផ្សាយទេសចរណ៍របស់ខ្លួន ដែលមានឈ្មោះផ្លូវការ “ទស្សនាប្រទេសឡាវឆ្នាំ២០២៤” ហើយទន្ទឹមនឹងការជំរុញនូវភាពងាយស្រួលសម្រាប់ភ្ញៀវទេសចរលើមធ្យោបាយធ្វើដំណើរផ្សេងៗគ្នានេះ ប្រទេសឡាវក៏មានរថភ្លើងល្បឿនលឿន និងជើងហោះហើរត្រង់ផ្ទាល់ទៅគោលដៅសំខាន់ៗទាំងនោះផងដែរ ៕
ដោយ៖ មាន រតនា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា