កីឡា
អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ
លោក ខូវ ឆាយ អនុប្រធានសហព័ន្ធកីឡាប្រដាល់គុនខ្មែរបានប្រកាសពីការធ្វើសន្និសីទសារព័ត៌មានឆាប់ៗខាងមុខនេះដើម្បីបកស្រាយពន្យល់ពីការប្រកួតមិត្តភាព-ដាក់ខ្សែក្រវាត់ម្នាក់១គ្រឿងរវាងអ្នកប្រដាល់គុនខ្មែរ ធន់ រិទ្ធី និងកីឡាករថៃ Saiyok Pumpanmuang កាលពីយប់ថ្ងៃអាទិត្យ ទី៤ ខែកុម្ភៈ ឆ្នាំ២០២៤ ដែលកំពុងក្លាយជាប្រធានបទក្តៅសម្រាប់អ្នកគាំទ្រ។
![](https://www.kampucheathmey.com/wp-content/uploads/2024/02/khov-chhay-1024x683.jpg)
លោក ខូវ ឆាយ អនុប្រធានសហព័ន្ធកីឡាប្រដាល់គុនខ្មែរបានលើកឡើងកាលពីយប់ថ្ងៃទី៥ ខែកុម្ភៈ ឆ្នាំ២០២៤ថា ៖«ក្នុងនាមខ្ញុំជាអនុប្រធានទី១ សហព័ន្ធកីឡាប្រដាល់គុនខ្មែរ ដែលបានចូលរួមជាគណៈអធិបតីក្នុងការប្រកួតយប់មិញនៅកម្មវិធី KRUD KUN KHMER: The Battle of Kings។ ខ្ញុំសូមទទួលខុសត្រូវលើលទ្ធផលនៃកាត់សេចក្តីរបស់ចៅក្រម និងគណៈវិនិច្ឆ័យនៃការប្រកួតរវាង ធន់ រិទ្ធី និង សៃយុគ យប់ម្សិលមិញនេះ។ បើបងប្អូនសារព័ត៌មានណាមិនពេញចិត្តនឹងលទ្ធផលនេះ ឬមានការងឿងឆ្ងល់អាចទាក់ទងសួរខ្ញុំបាន។ ខ្ញុំនឹងបកស្រាយជូន។ សហព័ន្ធកីឡាប្រដាល់គុនខ្មែរនឹងធ្វើសន្និសីទបកស្រាយជូនក្នុងពេលឆាប់ៗខាងមុខនេះ»។
ការប្រកួតនេះ ធន់ រិទ្ធី ជាអ្នកសុំសងសឹក បន្ទាប់ពីធ្លាប់ចាញ់លើកទី១នៅប្រទេសថៃកាលពីឆ្នាំ២០២២ ហើយ សៃយុគ ក៏យល់ព្រមមកប្រកួតនៅប្រទេសកម្ពុជាវិញម្តង។ វាជាការប្រកួតដើម្បីរឹតចំណងមិត្តភាពរវាងប្រទេសទាំងពីរ ប៉ុន្តែកីឡាករទាំងពីរបានយល់ព្រមដាក់ខ្សែក្រវាត់ម្នាក់១គ្រឿង អមដោយប្រាក់រង្វាន់២០លានរៀល។
![](https://www.kampucheathmey.com/wp-content/uploads/2024/02/thun-rithy-vs-saiyok-1024x683.jpg)
ការពិតនៅលើសង្វៀនបង្ហាញថា ធន់ រិទ្ធី បានថយក្រោយដើម្បីវ៉ៃសង ខណៈសៃយុគ បានព្យាយាមចូលវ៉ៃ។ នៅទឹកទី៣ កីឡាករម្ចាស់ស្រុកបានវាយកណ្តាប់ដៃឲ្យអាជ្ញាកណ្តាលរាប់កីឡាករថៃម្តង ប៉ុន្តែក្រោយមក សៃយុគ បានវាយសម្រុក ហើយទាត់ផ្កាប់ចានឲ្យអាជ្ញាកណ្តាលរាប់កីឡាករកម្ពុជាវិញម្តង។ ចប់ការប្រកួតទាំង៣ទឹក លទ្ធផលស្មើគ្នា ដូរខ្សែក្រវាត់ និងទទួលបានប្រាក់រង្វាន់២០លានរៀលដូចគ្នា។ លទ្ធផលនេះបានធ្វើឲ្យមហាជនមានការជជែកវែកញែកយ៉ាងខ្លាំងរហូតដល់ឥឡូវនេះ៕
អត្ថបទ៖ វីរបុត្រ
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២៤ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ