ជីវិតកម្សាន្ដ

ប្រទេស១០ដំបូងគេ នឹងចូលរួមកម្មវិធី Miss Cosmo 2024 នៅវៀតណាម ក្នុងនោះក៏មានកម្ពុជា

បានផុស

១១ ខែ មុន

នៅ

ថ្ងៃព្រហស្បតិ៍ ៨ កុម្ភៈ ២០២៤

ដោយ

ការប្រលងសម្រស់អន្តរជាតិ Miss Cosmo 2024 នឹងចាប់ផ្តើមជាផ្លូវការលើទឹកដីនៃប្រទេសវៀតណាម ដែលធ្វើឲ្យទស្សនិកជនសម្រស់ជាច្រើនមានការរំភើបចិត្តជាខ្លាំង។ ជាពិសេស អ្វីដែលកាន់តែភ្ញាក់ផ្អើលបំផុតនោះគឺសូម្បីតែកម្ពុជា ក៏នឹងបញ្ចូនបវរកញ្ញាទៅប្រកួតផងដែរ។

តាមរយៈការចុះផ្សាយពីទំព័ររបស់ផ្លូវការរបស់កម្មវិធីប្រកួតសម្រស់នាប៉ុន្មានថ្ងៃមុន ក្នុងពេលដែលគណៈកម្មាធិការរៀបចំការប្រលង បានប្រកាសប្រទេសចំនួន ១០ ដែលនឹងត្រូវបញ្ជូនបេក្ខនារីតំណាងប្រទេសរបស់ខ្លួនទៅប្រកួតក្នុងកម្មវិធី Miss Cosmo រដូវកាលទី១ក្នុងប្រទេសវៀតណាម រួមមាន៖ មីយ៉ាន់ម៉ា, សាធារណរដ្ឋដូមីនីកែន(Dominican Republi), ហុងឌូរ៉ាស, កម្ពុជា, ឡាវ, សៀរ៉ាឡេអូន (Sierra Leone), ហៃទី, គុយបា, សិង្ហបុរី និង នេប៉ាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការប្រកាស បេសកកម្មរបស់ Miss Cosmo គឺជាការប្រលងសម្រស់ថ្មីទាំងស្រុង ជាមួយនឹងបេសកកម្មពង្រឹងឥទ្ធិពលរបស់ស្ត្រីជុំវិញពិភពលោក តាមរយៈសំឡេង សកម្មភាព និងការគិតទូលំទូលាយ។ ក្នុងនាមជាស្ថាប័នសម្រស់ពិភពលោក ការអប់រំ និងសហគមន៍ដែលផ្តោតលើស្ត្រី Miss Cosmo ផ្តោតយ៉ាងខ្លាំងលើការលើកកម្ពស់ឥទ្ធិពលរបស់ស្ត្រីជាមួយនឹងគោលដៅ និងផែនការជាក់ស្តែង។ ជាមួយគ្នានេះ លើកទឹកចិត្តស្ត្រីឲ្យនិយាយឡើង ធ្វើសកម្មភាព និងមានទំនុកចិត្តលើខ្លួនឯងជាមួយនឹងសមត្ថភាពរបស់ពួកគេ។

យ៉ាងណាក្ដី អ្វីដែលកាន់តែពញ្ញាក់អារម្មណ៍ទស្សនិកជន លោកស្រី អ៉ឹម សុគន្ធា ដែលជាថៅកែក្រុមហ៊ុន HK7 Beauty Care និងជាអ្នកគ្រប់គ្រង Miss Grand Cambodia អាចនឹងបញ្ជូនតំណាងឲ្យ Miss Cosmo ប្រចាំប្រទេសកម្ពុជាទៅប្រកួតនាពេលខាងមុខនេះ។

ក្នុងពេលជាមួយគ្នានោះ បវរកញ្ញាលំដាប់រង២ Miss Grand Cambodia 2023 អ៊ិន លក្ខណា កំពុងក្លាយជាបុគ្គលដែលមហាជនទស្សន៍ទាយថានាងជាតំណាងប្រទេសកម្ពុជា។ ក្នុងពេលដែលនាងមានបទពិសោធយ៉ាងទូលំទូលាយក្នុងការប្រយុទ្ធកម្មវិធីសម្រស់ ព្រមទាំងមានអ្នកគាំទ្រវៀតណាមយ៉ាងភ្លូកទឹកភ្លូកដីរង់ចាំទទួលនាងថែមទៀតផង។

យ៉ាងណាមិញ ប្រសិនបើ អ៊ិន លក្ខណា ត្រូវបានតែងតាំងទៅប្រទេសវៀតណាម ដើម្បីចូលរួមក្នុងកម្មវិធី Miss Cosmo 2024 នោះនាងនឹងក្លាយជាដៃគូប្រកួតប្រជែងជាមួយបវរកញ្ញា Xuan Hanh របស់វៀតណាម ដែលជាស្រីស្អាតមានកម្ពស់ ១.៧១សង់ទីម៉ែត្រ ទំហំទាំងបី ៨២-៦០-៨៧ និងជាសិស្សឯកទេសនៃវិទ្យាល័យ Luong Van Tuy ។ សម្រស់វៀតណាមរូបនេះបានបញ្ចប់ថ្នាក់បរិញ្ញាបត្រកិត្តិយសពីសកលវិទ្យាល័យសេដ្ឋកិច្ចជាតិ (សាលាដ៏មានកិត្យានុភាព និងល្អបំផុតមួយនៅវៀតណាម)។ លើសពីនេះ នាងក៏ទទួលបានចំណាត់ថ្នាក់លេខ២ក្នុងការស្រាវជ្រាវវិទ្យាសាស្ត្រផងដែរ៕