យប់ថ្ងៃទី ៩ កុម្ភៈ សមត្ថកិច្ចឃាត់យានយន្តល្មើសចំនួន ៦៧គ្រឿង ក្នុងនោះល្មើសជាតិស្រវឹងចំនួន ៣៥គ្រឿង

នៅយប់ថ្ងៃទី ៩ ខែកុម្ភៈ ឆ្នាំ ២០២៤ នគរបាលរាជធានីភ្នំពេញ បានឃាត់យានយន្តល្មើសចំនួន ៦៧គ្រឿង ដោយក្នុងនោះឃាត់ល្មើសជាតិស្រវឹងចំនួន ៣៥គ្រឿង។

ស្នងការដ្ឋាននគរបាលរាជធានីភ្នំពេញ​ បានឲ្យដឹងនៅព្រឹកថ្ងៃទី ១០ ខែកុម្ភៈនេះថា លទ្ធផលការអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្រោមការអនុវត្តតាមបទបញ្ជាផ្ទាល់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពីលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី ៩ ខែកុម្ភៈ ឆ្នាំ ២០២៤ តាមបណ្តាអធិការដ្ឋាននគរបាលខណ្ឌ បានចុះអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖

ឃាត់យានយន្តល្មើស ចំនួន ៦៧គ្រឿង (រថយន្ត ១៧គ្រឿង, ម៉ូតូ ចំនួន ៥០គ្រឿង)

១.ល្មើសជាតិស្រវឹង ចំនួន ៣៥គ្រឿង

+កម្រិត ០.២៥ -០.៣៩ mg/L ចំនួន ៦គ្រឿង

-អ្នកបើកបរម៉ូតូ ចំនួន ៣នាក់

-អ្នកបើកបររថយន្ត ចំនួន ៣នាក់

+កម្រិត ០.៤០ mg/L ឡើង ចំនួន ២៩គ្រឿង

-អ្នកបើកបរម៉ូតូ ចំនួន១៦នាក់

-អ្នកបើកបររថយន្ត ចំនួន ១៣នាក់

២.បទល្មើសផ្សេងៗ ចំនួន ៣២គ្រឿង

-អត់មួកសុវត្ថិភាព ចំនួន ២៩គ្រឿង

-ម៉ូតូកែច្នៃស៊ីម៉ាំង ចំនួន ១គ្រឿង

-រថយន្តគ្មានប័ណ្ណបើកបរ ចំនួន ១គ្រឿង

-ម៉ូតូមានសារធាតុញៀន ចំនួន ១គ្រឿង៕