កម្ពុជា ជាប់លេខ៤នៅអាស៊ីអាគ្នេយ៍ ជាប្រទេសមានមនុស្សស្រីជក់បារី ច្រើនបំផុត

ទិន្នន័យរបស់អង្គការសុខភាពពិភពលោក (WHO) បានបង្ហាញថា កម្ពុជាស្ថិតនៅលំដាប់ទី៤ក្នុងតំបន់អាស៊ីអាគ្នេយ៍ ជាប្រទេសមានមនុស្សស្រីជក់បារីច្រើនបំផុត។

WHO បានដកស្រង់ទិន្នន័យនេះ ក្រោយសិក្សាលើមនុស្សស្រីអាយុចាប់ពី១៥ឆ្នាំឡើង ហើយគិតទាំងអ្នកជក់បារី ថ្នាំជក់ និងបារីអេឡិចត្រូនិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមទិន្នន័យផ្សាយដោយគេហទំព័រ SEASIA នៅចុងសប្តាហ៍, ប្រទេសឈរលេខ១ក្នុងតំបន់អាស៊ីអាគ្នេយ៍ដែលមានមនុស្សស្រីជក់បារីច្រើនបំផុតគឺមីយ៉ាន់ម៉ា មាន១៩,២%។

លេខ២បានទៅលើ ទីម័រឡេស្តេ មាន៩,៨%, លេខ៣ ឡាវមាន៨,៤% លេខ៤កម្ពុជា មាន៥,៥% និងលេខ៥ គឺហ្វីលីពីន មាន៤,៣%។

ចំណែកប្រទេសមានមនុស្សស្រីជក់បារីតិចបំផុតគឺ ម៉ាឡេស៊ី ០,៧% បន្ទាប់មកគឺ ថៃ មាន១,៨% និងវៀតណាម មាន២,២%៕

អត្ថបទ៖ សុខ សុវណ្ណ

ចុចអាន៖ អ្នកជំនាញផ្នែកសុខភាព ស្នើឱ្យទប់ស្កាត់ការផ្សព្វផ្សាយបារីអេឡិចត្រូនិក តាមបណ្ដាញសង្គមនានា