ជីវិតកម្សាន្ដ

តារាសម្ដែងស្រីមួយរូបរំពឹងថា នឹងក្រសោបបានទីផ្សារសិល្បៈឡើងវិញក្រោយកូវីដស្ងប់ស្ងាត់

បានផុស

៤ years មុន

នៅ

ថ្ងៃពុធ ១៧ កុម្ភៈ ២០២១

ដោយ

តារាសម្តែងកញ្ញា សុខ ស្រីម៉ុច បានដាក់ក្តីសង្ឃឹមលើទីផ្សារសិល្បៈឡើងវិញបន្ទាប់ពីបញ្ហាជំងឺកូវីដ-១៩ស្ងប់ស្ងាត់ឬឆាប់ត្រូវបានផុតរលត់ទៅវិញនោះ។

ការប្រកាសរបស់តារាសម្តែងស្រីមានប្រជាប្រិយភាព សុខ ស្រីម៉ុច នេះបានធ្វើឡើងនាជំនួបតាមទូរស័ព្ទជាមួយកម្ពុជាថ្មីកាលពីរសៀលថ្ងៃទី១៦ខែកុម្ភៈ ឆ្នាំ២០២១ម្សិលមិញ។ ស្រីម៉ុច បានបន្តថាអាជីពសិល្បៈនាងសព្វថ្ងៃមានភាពរវល់ខ្លះៗតែមិនដូចមុនទេ ព្រោះតាំងពីផ្ទុះកូវីដ-១៩ ខ្លួនមិនទទួល ការងារចេញសម្តែងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា សុខ ស្រីម៉ុច និយាយទៀតថា ថ្វីត្បិតការងារសិល្បៈស្ងប់ស្ងាត់បន្តិចមែន តែសម្រាប់មុខរបរផ្ទាល់ខ្លួនខាងក្រៅ គឺនៅតែមមាញឹកជាធម្មតា។ នាងថាមិនមែនមានតែខ្លួនម្នាក់នោះទេដែលស្ងប់ស្ងាត់សិល្បៈ ពោលក៏មានតារាខ្មែរប្រុស-ស្រីជាច្រើនត្រូវបាត់បង់ចំណូលពីអាជីពមួយនេះផងដែរ។

បន្ថែមពីនេះកញ្ញា ស្រីម៉ុច បានលើកឡើងថា អំឡុងពេលនេះគឺមានផលិតករនិងអ្នកដឹកនាំរឿងមួយចំនួនបានទាក់ទងមកនាងជាបន្តបន្ទាប់ តែនៅត្រង់ថា ទទួលការងារឬអត់មិនទាន់ច្បាស់នៅឡើយទេព្រោះថាកំពុងរង់ចាំមើលស្ថានភាពកូវីដ-១៩សិន។ នាងក៏បានអំពាវនាវឲ្យប្រជាពលរដ្ឋខ្មែរប្រុងប្រយ័ត្នខ្ពស់និងអនុវត្តតាមការណែនាំរបស់ក្រសួងសុខាភិបាលផងដែរ៕

អត្ថបទ ៖ ចាន់រ៉ា