ព័ត៌មានជាតិ
ឧកញ៉ា ហួត អៀងតុង៖ កម្ពុជា នៅខ្វះធនធានមនុស្សក្នុងវិស័យធនាគារ និងហិរញ្ញវត្ថុ
ធនធានមនុស្សសម្រាប់វិស័យធនាគារ និងមីក្រូហិរញ្ញវត្ថុកម្ពុជា បច្ចុប្បន្ននេះ មិនទាន់គ្រប់គ្រាន់នោះទេ ខណៈដែលវិស័យនេះ បាននិងកំពុងរីកចម្រើន និងមានការកើនឡើងច្រើននៅកម្ពុជា។ នេះជាការបញ្ជាក់របស់ឧកញ៉ា ហួត អៀងតុង ប្រធានអគ្គនាយកធនាគារ ហត្ថា។
លោកឧកញ៉ាលើកឡើងដូច្នេះ ដោយសារមើលឃើញថា ធនធានដែលមានសមត្ថភាព នៅក្នុងវិស័យនេះ មានការទាញគ្នាទៅវិញទៅមកតាមស្ថាប័ននីមួយៗ។
លោកឧកញ៉ា ហួត អៀងតុង បានលើកឡើងជាក់ស្តែងដូច្នេះថា« ធនាគារហត្ថា បានបាត់បង់ធនធានមួយចំនួន ពោលគឺថ្នាក់គ្រប់គ្រងរបស់ធនាគារ ត្រូវបានធនាគារផ្សេងៗទិញយកទៅ ដោយទទួលបានតំណែងខ្ពស់ៗ, តែទោះយ៉ាងណា ក៏ជាមោទនភាពមួយដែរ ដែលថ្នាក់គ្រប់គ្រងឋិតនៅក្រោមការគ្រប់គ្រងរបស់ខ្ញុំ បានក្លាយទៅជាអគ្គនាយកនៅធនាគារផ្សេងៗទៀតជាច្រើន ហើយរហូតមកដល់ពេលនេះ នៅតែមានការទាញគ្នាទៅវិញទៅមក»។
បើតាមលោកឧកញ៉ា ហួត អៀងតុង មើលឃើញរឿងពីរ ដែលនាំឱ្យមានការខ្វះធនធានជំនាញនៅក្នុងវិស័យធនាគារ និងមីក្រូហិរញ្ញវត្ថុ។ រឿងទី១ ធនាគារដែលបង្កើតថ្មី មិនទាន់មានវគ្គបណ្តុះបណ្តាលបុគ្គលិកថ្មី ដូច្នេះត្រូវតែសម្លឹងរកមើលអ្នកដែលមានជំនាញហើយស្រេច, និងទី២ អ្នកដែលសិក្សាផ្នែកធនាគារ និងមីក្រូហិរញ្ញវត្ថុ ក្រោយរៀនចប់ មិនចាប់ជំនាញនេះ ខណៈដែលកម្ពុជា វិស័យហិរញ្ញវត្ថុ ត្រូវបានបែងចែកជាពីរប្រភេទ មានដូចជា វិស័យហិរញ្ញវត្ថុ មិនមែនធនាគារ និងវិស័យហិរញ្ញវត្ថុជាធនាគារ។
វិស័យធនាគារនៅកម្ពុជានៅតែបន្តមានវឌ្ឍនភាព ប្រកបដោយទំនុកចិត្ត និងបានរួមចំណែកយ៉ាងសកម្ម គាំទ្រសកម្មភាពសេដ្ឋកិច្ច ដែលធ្វើឱ្យមានកំណើនវិនិយោគក្នុងងការបង្កើតធនាគារ និងគ្រឹះស្ថានហិរញ្ញវត្ថុជាច្រើននៅក្នុងប្រទេស។
គិតត្រឹមឆ្នាំ២០២៣នេះ កម្ពុជា មានគ្រឹះស្ថានធនាគារចំនួន៦៩ និងមីក្រូហិរញ្ញវត្ថុចំនួន៨០ ត្រូវបានទទួលស្គាល់ដោយធនាគារជាតិនៃកម្ពុជា និងមានអាជ្ញាបណ្ណធ្វើប្រតិបត្តិហិរញ្ញវត្ថុផ្ដល់សេវាជូនអតិថិជនរបស់ខ្លួន។ ក្រៅពីនេះ ក៏មានការិយាល័យ តំណាងធនាគារបរទេសចំនួន ៦ ក្រុមហ៊ុនភតិសន្យាចំនួន ១២ និង គ្រឹះស្ថានឥណទានជនបទចំនួន២៥គ្រឹះស្ថាន ។ នេះបើតាមរបាយការណ៍របស់ធនាគារជាតិនៃកម្ពុជា៕
-
ព័ត៌មានអន្ដរជាតិ៦ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៣ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៣ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានអន្ដរជាតិ៣ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៦ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៣ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៥ ថ្ងៃ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ