កីឡា

បែករបស់ បឺត សង្ឃឹម មិនគួរបញ្ឈប់សម្រាប់ការប្រកួតខ្សែក្រវាត់

បានផុស

៧ ខែ មុន

នៅ

ថ្ងៃសៅរ៍ ១៧ កុម្ភៈ ២០២៤

ដោយ

កីឡាករកម្ពុជា បឺត សង្ឃឹម ត្រូវបានគ្រូពេទ្យបញ្ឈប់ក្នុងទឹកទី១ ដោយសាររបួសបែកចិញ្ចើមសម្រាប់ការប្រកួតដណ្តើមខ្សែក្រវាត់មួយថៃ WBC អន្តរជាតិ ជាមួយកីឡាករថៃ Yothin នាល្ងាចថ្ងៃទី១៧ ខែកុម្ភៈ ឆ្នាំ២០២៤ នៅប្រទេសអូស្ត្រាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវ៉ៃរបស់ បឺត សង្ឃឹម ពិតជាធ្វើបានល្អតាមរយៈការទាត់ជើងឆ្វេងដ៏មានប្រសិទ្ធភាព ប៉ុន្តែការវាយកែងរបស់កីឡាករថៃ Yothin បានធ្វើឲ្យនៅលើចិញ្ចើមដែលធ្វើឲ្យអាជ្ញាកណ្តាល និងគ្រូពេទ្យបញ្ឈប់ក្នុងទឹកទី១។ ទោះបីជាយ៉ាងណា ការបែកនេះមិនធំ ហើយក៏មិនហូរឈាមច្រើនដែរ។ វាគ្រាន់តែបើកនៅលើត្របកភ្នែក។

ការសម្រេចបញ្ឈប់របស់អាជ្ញាកណ្តាល និងគ្រូពេទ្យនេះបានធ្វើឲ្យអ្នកគាំទ្រទូទាំងប្រទេសខកចិត្តយ៉ាងខ្លាំង ពីព្រោះវាមិនសមសម្រាប់ការប្រកួតដណ្តើមខ្សែក្រវាត់។ នៅលើពិភពលោកមានការប្រកួតសំខាន់ៗ និងធំៗជាច្រើនដែលមានរបួសបែក ឬហើមប៉ោងធំធ្ងន់ធ្ងរទើបត្រូវបញ្ឈប់ ប៉ុន្តែប្រសិនបើរបួសតូច ស្ថានភាព និងស្មារតីរបស់កីឡាករនៅល្អគឺមិនងាយបញ្ឈប់ទេ ពីព្រោះជាការប្រកួតខ្សែក្រវាត់ ឬជើងឯក។

ផ្ទុយទៅវិញ ការបញ្ឈប់កីឡាករកម្ពុជា បឺត សង្ឃឹម ឲ្យចាញ់នៅពេលបែកតូច ហើយស្មារតីធម្មតាគឺជារឿងអាក្រក់មើលបំផុតក្នុងពិភពប្រដាល់។

បន្ទាប់ពីករណីនេះកើតឡើងបានធ្វើឲ្យអ្នកគាំទ្រមិនចិត្ត និងខកចិត្តយ៉ាងខ្លាំងចំពោះរបៀបនៃការរៀបចំប្រកួតរបស់គណៈកម្មការ 1774 Muaythai Promotions នៅប្រទេសអូស្ត្រាលី។ ជាមួយគ្នានេះ បឺត សង្ឃឹម បានចេញសារសុំទោសអ្នកគាំទ្រ ហើយក៏មានមហាជនជាច្រើនបានបញ្ចេញមតិពីការមិនពេញចិត្ត៕