ព័ត៌មានជាតិ

រដ្ឋមន្រ្តីក្រសួងសាធារណការ ចុះពិនិត្យទីតាំងស្ពានឆ្លងទន្លេនៅព្រែកប្រា មុនបើកការដ្ឋានសាងសង់នៅថ្ងៃស្អែក

បានផុស

៩ ខែ មុន

នៅ

ថ្ងៃអាទិត្យ ១៨ កុម្ភៈ ២០២៤

ដោយ

នៅព្រឹកមិញនេះ រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូក្រសួងចុះពិនិត្យទីតាំងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ ដែលនឹងត្រៀមបើកការដ្ឋានសាងសង់នៅថ្ងៃស្អែកនេះក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។

ស្ពានដែលប្រកាសសាងសង់នេះមានប្រវែង ៨៤៥,៧០ម៉ែត្រ រួមទាំងផ្លូវតភ្ជាប់ប្រវែងសរុប ៨០៤,៣០ ម៉ែត្រ តភ្ជាប់ពីសង្កាត់ចាក់អង្រែក្រោមនៃខណ្ឌមានជ័យ ទៅកាន់សង្កាត់ព្រែកប្រានៃខណ្ឌច្បារអំពៅ។ តាមរយៈសមិទ្ធផលស្ពានព្រែកប្រា-ចាក់អង្រែក្រោមដែលនឹងបើកការដ្ឋានសាងសង់នៅថ្ងៃស្អែកនេះ នឹងក្លាយជាស្ពានឆ្លងកាត់ទន្លេទី ៨ នៅក្នុងភូមិសាស្រ្តរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននៅក្នុងភូមិសាស្រ្តរាជធានីភ្នំពេញ មានស្ពានឆ្លងកាត់ទន្លេចំនួន ៧ ដែលបានដាក់ឲ្យដំណើរការប្រើប្រាស់រួមមាន៖

១. ស្ពានមិត្តភាពកម្ពុជា-ជប៉ុន ជ្រោយចង្វារ
២. ស្ពានមិត្តភាពកម្ពុជា-ចិន ជ្រោយចង្វារ
៣. ស្ពានព្រះមុនីវង្ស ច្បារអំពៅ (ទី១)
៤. ស្ពានព្រះមុនីវង្ស ច្បារអំពៅ (ទី២)
៥. ស្ពានព្រែកព្នៅ មហាវិថីឈ្នះ ឈ្នះ
៦. ស្ពានបេតុងខ្សែកាប ឆ្លងទន្លេសាប ប្ញស្សីកែវ
៧. ស្ពានបេតុងខ្សែកាប តភ្ជាប់តំបន់អភិវឌ្ឍន៍កោះនរា និងតំបន់អភិវឌ្ឍន៍កោះពេជ្រ។