ព័ត៌មានអន្ដរជាតិ
២ប្រទេស ចេញមុខប្រឆាំងអ៊ុយក្រែនដាច់ខាត រឿងចង់ចូលណាតូ
តាមសេចក្តីរាយការណ៍ពី Reuters កាលពីថ្ងៃសៅរ៍ទី១៧ខែកុម្ភៈ, ពេលនេះប្រទេសចំនួន២ បានចេញមុខវាយប្រហារអ៊ុយក្រែន រឿងចង់ចូលរួមជាមួយអង្គការណាតូ នោះគឺមានអ៊ីតាលីនិងហូឡង់។
នាយករដ្ឋមន្ត្រីចាំផ្ទះហូឡង់ លោក Mark Rutte បាននិយាយក្នុងសន្និសីទសន្តិសុខទីក្រុង Munich ថា ការទទួលយកអ៊ុយក្រែនចូលណាតូ គឺមិនអាចទៅរួចទេ បើជម្លោះជាមួយរុស្ស៊ីនៅតែបន្ត។
ឆ្លើយតបទៅនឹងសំណួរថាតើបណ្តានាយករដ្ឋមន្ត្រីសហភាពអឺរ៉ុប នឹងគាំទ្រដោយផ្ទាល់ចំពោះសមាជិកភាពរបស់អ៊ុយក្រែន នៅឯកិច្ចប្រជុំកំពូលណាតូនាទីក្រុងវ៉ាស៊ីនតោន ក្នុងខែកក្កដាដែរឬអត់? លោកសង្កត់ធ្ងន់ថា ដរាបណាសង្រ្គាមកំពុងឆាបឆេះ អ៊ុយក្រែនច្បាស់ជាមិនអាចក្លាយជាសមាជិកណាតូបានឡើយ។ នេះគឺជារឿងដែលយើងត្រូវប្រុងប្រយ័ត្នឲ្យមែនទែន។
ដោយឡែក រដ្ឋមន្ត្រីការបរទេសអ៊ីតាលី លោក Antonio Tajani ក៏និយាយដែរថា ការផ្តល់សមាជិកភាពណាតូដល់អ៊ុយក្រែន ទាំងដែលពួកគេកំពុងជាប់គាំងក្នុងជម្លោះជាមួយរុស្ស៊ី គឺពិតជាគ្រោះថ្នាក់ណាស់សម្រាប់មនុស្សគ្រប់គ្នា ហើយអាចបង្កឲ្យផ្ទុះសង្គ្រាមលោកទៀត។
ថ្លែងក្នុងសន្និសីទដូចគ្នានោះ លោក Tajani បានរំលឹកឡើងវិញថា ណាតូ កំពុងធ្វើការលើសមាជិកភាពអ៊ុយក្រែន ប៉ុន្តែចាំបាច់ត្រូវធ្វើសកម្មភាពដោយប្រយ័ត្នប្រយែងជាជាងធ្វើការសម្រេចចិត្តដោយចេតនា ដើម្បីត្រួសត្រាយផ្លូវសម្រាប់ការសម្រេចបាននូវគោលដៅទាំងនេះ។
ស្របពេលជាមួយគ្នានោះ លោកព្រមានថា “និយាយដោយត្រង់ទៅ វាមានគ្រោះថ្នាក់ខ្លាំងណាស់សម្រាប់មនុស្សគ្រប់គ្នា ពីព្រោះអ្នកកំពុងប្រយុទ្ធជាមួយរុស្ស៊ី ហើយសម្រាប់សមាជិកពេញសិទ្ធិរបស់ណាតូ នេះមានន័យថា សង្គ្រាមលោកលើកទី៣ហើយ”។
សូមបញ្ជាក់ អ៊ុយក្រែនបានដាក់ពាក្យស្នើសុំធ្វើសមាហរណកម្ម ជាមួយផែនការសកម្មភាពសមាជិកណាតូក្នុងឆ្នាំ២០០៨ ហើយមួយទសវត្សរ៍ក្រោយមក ត្រូវបានដាក់បញ្ចូលក្នុងសមាជិកភាពរដ្ឋធម្មនុញ្ញរបស់ប្លុកដែលដឹកនាំដោយសហរដ្ឋអាមេរិក។
នៅឯកិច្ចប្រជុំកំពូលណាតូ ឆ្នាំមុនក្នុងទីក្រុង វីលនីញូស នៃប្រទេសលីទុយអានី, មេដឹកនាំប្លុកនេះលើកឡើងថា មានកន្លែងសមរម្យសម្រាប់អ៊ុយក្រែននៅក្នុងអង្គការណាតូ ប៉ុន្តែមិនបញ្ជាក់ពេលវេលាច្បាស់លាស់នោះទេ។
យ៉ាងណាមិញ រុស្ស៊ី ចាត់ទុកការពង្រីកណាតូឆ្ពោះទៅព្រំដែនរបស់ខ្លួន ថាជាការគំរាមកំហែងសន្តិសុខដ៏ធំ ខណៈប្រធានាធិបតី វ្ល៉ាឌីមៀរ ពូទីន អះអាងថា មហាអំណាចលោកខាងលិចកំពុងប្រើអ៊ុយក្រែន ដើម្បីប្រឆាំងរុស្ស៊ី បន្ទាប់ពីការដួលរលំនៃសហភាពសូវៀត៕
អត្ថបទ៖ សុខ សុវណ្ណ
ចុចអាន៖ ណាតូ ថា រុស្ស៊ី អាចវាយប្រហារគ្រប់គោលដៅនៅអឺរ៉ុប បើផ្ទុះសង្គ្រាម ជាមួយលោកខាងលិច
-
ព័ត៌មានជាតិ៥ ថ្ងៃ ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
សន្តិសុខសង្គម២ ថ្ងៃ ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានអន្ដរជាតិ៥ ថ្ងៃ ago
ភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍៦ ថ្ងៃ ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានអន្ដរជាតិ១៥ ម៉ោង ago
ព្រះអាទិត្យផ្ទុះអណ្តាតភ្លើង ជះព្យុះកម្តៅមកផែនដីនៅចុងសប្តាហ៍នេះ
-
សន្តិសុខសង្គម១ ថ្ងៃ ago
យុវជន៣នាក់ត្រូវទឹកគួចលង់ស្លាប់ សមត្ថកិច្ចប្រើពេលជិត២៤ម៉ោងទើបរកសពឃើញ
-
ចរាចរណ៍៧ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ព័ត៌មានជាតិ២ ថ្ងៃ ago
ឥទ្ធិពលព្យុះសង្ឃរា នឹងធ្វើឱ្យកម្ពុជា ធ្លាក់ភ្លៀង និងខ្យល់កន្ត្រាក់