ជីវិតកម្សាន្ដ
ដួង សុខគា ប្រកាសឆន្ទៈនៅបន្តខំប្រឹងដើម្បីវប្បធម៌ អក្សរសាស្ត្រ សីលធម៌ សុជីវធម៌ និងមនុស្សធម៌
តារាពហុជំនាញអាចលេងបានគ្រប់ទម្រង់ទាំងសម័យ និងបុរាណលោក ដួង សុខគា ជារឿយៗលោកតែងបង្ហាញពីឆន្ទៈបំផុសស្មារតីដល់យុវជនដែលជាកូនខ្មែរគ្រប់រូបត្រូវនាំគ្នាចូលរួមថែរក្សា តម្លៃវប្បធម៌ អរិយធម៌ និងភាសាជាតិ អក្សរជាតិ ដែលជាកេរ្តិ៍តំណែលមរតកដូនតាដ៏ល្អផូរផង់របស់ខ្មែរ។
![](https://www.kampucheathmey.com/wp-content/uploads/2024/02/FB_IMG_1699686219470.jpg)
យ៉ាងណាពេលនេះលោក ដួង សុខគា ក៏បានចេញមកបញ្ជាក់គោលជំហររបស់ខ្លួនដោយច្បាស់ៗទៅកាន់មហាជនថា លោកនៅតែបន្តខំប្រឹងដើម្បីវប្បធម៌ អក្សរសាស្ត្រ សីលធម៌ សុជីវធម៌ មនុស្សធម៌ និងការអប់រំទៅតាមសមត្ថភាព ឬទេពកោសល្យដែលខ្លួនមាន។ លោកថា បើស្រលាញ់លោកការកូន ឬការចៅហៅលោកទៅច្រៀងទៅបានហើយ។
លោក ដួង សុខគា លើកឡើងថា “ពូ សុខគា នៅតែបន្តខំប្រឹងដើម្បីវប្បធម៌ អក្សរសាស្ត្រ សីលធម៌ សុជីវធម៌ មនុស្សធម៌ និងការអប់រំ ទៅតាមសមត្ថភាពដដែលទេ អូ៎ នែ៎! ស្ងាត់ៗបានហើយ ពូមានកម្លាំងជាងកុំរុញពូឲ្យស្រាំងទិចណាម្យ៉ាងគេមិនដែលយកកង់អាគុយទៅអូសឡានជាប់ផុងនោះទេ ជឿពូទៅ”។ ក្នុងនោះលោក សុខគា ក៏បានប្រកាសស្វែងរកលោកគ្រូ អ្នកគ្រូ ដែលចេះភ្លេង ឬបទចម្រៀងបុរាណៗ ហើយកប់ទុកនោះដើម្បីធ្វើសម្ភាសន៍ ថតទុកជាឯកសារមេរៀនដើម្បីកុំឲ្យបាត់។
![](https://www.kampucheathmey.com/wp-content/uploads/2024/02/FB_IMG_1699685547416.jpg)
គួរបញ្ជាក់ដែរថា តារាប្រុសពហុជំនាញលោក ដួង សុខគា កាលពីថ្មីៗនេះក៏បានចេញមកបំផុសឲ្យមហាជនខ្មែរគួរចូលរួមគាំទ្រលើកស្ទួយនូវវិស័យសិល្បៈបុរាណខ្មែរផ្នែកចម្រៀងអាយ៉ៃដែលជាកេរ្តិ៍តំណែលរបស់ដូនតាខ្មែរបានបន្សល់ទុកឲ្យក្មេងៗជំនាន់ក្រោយកុំឲ្យមានការបាត់បង់។
ប្រាកដណាស់អ្នកសិល្បៈជើងចាស់គឺលោក ដួង សុខគា គេសង្កេតឃើញថា កន្លងមកលោកតែងចេញមុខព្រួយបារម្ភពាក់ព័ន្ធលើការបាត់បង់វិស័យសិល្បៈបុរាណមួយចំនួន។ ដួង សុខគា ក៏ជាអ្នកសិល្បៈដែលមានជំនាញលេងសិល្ប:បានស្ទើរតែគ្រប់ទម្រង់ទាំងបុរាណ សម័យ កំប្លែង និងបទចម្រៀងភ្លេងការជាដើម។ ចំណុចនេះ ត្រូវបានអ្នកគាំទ្រយល់ថា លោកជាបុគ្គលគំរូល្អសម្រាប់សង្គមពិសេសយុវជនខ្មែរផងដែរ៕
អត្ថបទ៖ ចាន់រ៉ា
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៨ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៨ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច