ព័ត៌មានអន្ដរជាតិ
លោក បៃដិន ធានាទៅប្រមុខអ៊ុយក្រែន ថា “កុំភ័យ! ជំនួយ៦០ពាន់លានដុល្លារ នឹងបានដល់ដៃអ្នក”
ត្បិតជំនួយតម្លៃ៦០ពាន់លានដុល្លារឲ្យអ៊ុយក្រែន ចាំបាច់ត្រូវឆ្លងកាត់ការបោះឆ្នោតសភាអាមេរិកក៏ដោយ ប៉ុន្តែលោក ចូ បៃដិន បានចេញមុខធានាដល់សមភាគី វ្ល៉ាឌីមៀរ ហ្សេលេនស្គី ថា “កុំភ័យជំនួយនេះនឹងអនុម័ត ហើយបានទៅដល់ដៃរបស់អ្នក”។ នេះបើតាមសេចក្តីរាយការណ៍របស់ Reuters។
លោក បៃដិន ប្រាប់អ្នកសារព័ត៌មាន បន្ទាប់ពីនិយាយទូរស័ព្ទជាមួយលោក ហ្សេលេនស្គី កាលពីថ្ងៃអាទិត្យទី១៨ខែកុម្ភៈថា “ប្រជាជនអ៊ុយក្រែន បានប្រយុទ្ធយ៉ាងក្លៀវក្លានិងវីរភាព។ ពួកគេគិតថា នៅពេលពួកគេអស់គ្រាប់ យើងនឹងដើរចេញ ការគិតបែបនេះមិនសមហេតុផលទេ។ ខ្ញុំនឹងប្រយុទ្ធរហូតដល់យើងទទួលបានគ្រាប់រំសេវដែលពួកគេត្រូវការ និងសមត្ថភាពដែលពួកគេត្រូវការដើម្បីការពារខ្លួន”។
ការធានាអះអាងនេះកើតឡើង បន្ទាប់ពីលោក ហ្សេលេនស្គី អំពាវនាវជាបន្ទាន់ សុំអាវុធបន្ថែម ដើម្បីបញ្ចៀសស្ថានភាពដ៏មហន្តរាយនៅអឺរ៉ុប ហើយរដ្ឋាភិបាលទីក្រុងវ៉ាស៊ីនតោន បានស្តីបន្ទោសការដកទ័ពរបស់អ៊ុយក្រែនចេញពីសមរភូមិនៅទីក្រុង Avdiivka ទៅលើកង្វះការគាំទ្រពីសភា។
ការដណ្តើមយកទីក្រុង Avdiivka ដែលជាច្រកចូលទៅកាន់តំបន់ Donetsk ដែលរុស្សីកាត់យកនៅភាគខាងកើត គឺជាជ័យជម្នះដ៏សំខាន់លើកដំបូងរបស់រុស្ស៊ី ចាប់តាំងពីពួកគេ ដណ្តើមយកបានតំបន់ Bakhmut នៅក្បែរនោះកាលពីខែឧសភាឆ្នាំ២០២៣។
តាមរបាយការណ៍របស់ក្រសួងការពារជាតិរុស្ស៊ី ផ្សាយដោយសារព័ត៌មាន Sputnik, ទីក្រុងដែលមានផ្ទៃក្រឡា៣១.៧៥គីឡូម៉ែត្រការ៉េមួយនេះ ត្រូវវាយយកបានក្នុងសមរភូមិ Tsentr ក្រោមការបញ្ជាដឹកនាំដោយលោកមេទ័ព Mordvichev ហើយក្នុងរយៈពេល២៤ម៉ោងចុងក្រោយ អ៊ុយក្រែនស្លាប់ទាហានជាង១៥០០នាក់សម្រាប់ការប្រយុទ្ធនៅទីនោះ។
ស្របពេលជាមួយគ្នានេះ តាមសេចក្តីថ្លែងការណ៍របស់សេតវិមានក៏បានឲ្យដឹងដែរថា “យោធាអ៊ុយក្រែន ត្រូវបង្ខំចិត្តដកខ្លួនចេញពីទីក្រុង Avdiivka ក្រោយទាហានទីក្រុងកៀវ ខ្វះខាតអាវុធយុទ្ធភ័ណ្ឌ ព្រោះតែភាពអសកម្មរបស់សភា”។
កាលពីដើមសប្តាហ៍មុន ព្រឹទ្ធសភាអាមេរិក បានអនុម័តកញ្ចប់ជំនួយបរទេសទំហំទឹកប្រាក់ ៩៥ពាន់លានដុល្លារ ដែលក្នុងនោះរួមមានទាំង ៦០ពាន់លានដុល្លារសម្រាប់អ៊ុយក្រែនផងដែរ ប៉ុន្តែការសម្រេចចុងក្រោយចំពោះជំនួយនេះ នៅតែប្រឈមមុខនឹងការជំទាស់យ៉ាងខ្លាំងក្លា ពីសំណាក់អ្នកសាធារណរដ្ឋនៅក្នុងរដ្ឋសភា៕
អត្ថបទ៖ សុខ សុវណ្ណ
កំណើនឱកាសការងារ និងការវិនិយោគ ក្នុងឆ្នាំ២០២៤ ឆ្លុះបញ្ចាំងពីស្ថេរភាពនយោបាយ និងសេដ្ឋកិច្ចរបស់កម្ពុជា
រាជធានីភ្នំពេញ៖ ជំងឺគ្រុនឈាមបានថយចុះប្រមាណជាង៤០% បើប្រៀបធៀបឆ្នាំ២០២៣ និងឆ្នាំ២០២៤
សហជីពនៅកម្ពុជា និងប្រជាពលរដ្ឋថា លិមគិមយ៉ា គ្មានតម្លៃនឹងឱ្យរដ្ឋាភិបាលសម្លាប់ទេ ព្រោះជាអ្នកនយោបាយគ្មានសំឡេង
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១២ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី