សម្ដេចតេជោ គាំទ្របេក្ខភាពលោកស្រី ម៉ៅ ចំណាន ភរិយាលោក គិត ម៉េង ឈរឈ្មោះជាប្រធានសមាគមសិល្បៈ

ភ្លាមៗក្រោយការប្រកាសរបស់លោកជំទាវអ្នកឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង ប្រកាសឈរឈ្មោះជាបេក្ខភាពប្រធានសមាគមសិល្បៈករកម្ពុជា សម្ដេចតេជោ ហ៊ុន សែន បានប្រកាសគាំទ្របេក្ខភាពអ្នកឧកញ៉ា ម៉ៅ ចំណាន។

នៅព្រឹកថ្ងៃទី២១ ខែកុម្ភៈ ឆ្នាំ២០២៤នេះ លោកជំទាវអ្នកឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង ម្ចាស់ក្រុមហ៊ុន រ៉ូយ៉ាល់ គ្រុប បានប្រកាសឈរឈ្មោះជាបេក្ខភាពបោះឆ្នោតប្រធានសមាគមសិល្បៈករកម្ពុជា។ ភ្លាមៗបន្ទាប់ពីការប្រកាសនេះ សម្តេចតេជោ ហ៊ុន សែន តាមរយៈបណ្តាញសង្គម Facebook ផ្លូវការរបស់សម្តេច ក៏បានលើកឡើងយ៉ាងដូច្នេះថា៖ «ខ្ញុំសូមសំដែងនូវការគាំទ្រចំពោះបេក្ខភាពលោកជំទាវ ម៉ៅ ចំណាន ភរិយាអ្នកឧកញ៉ា គិត ម៉េង ជាប្រធានសមាគមសិល្បៈ។ ប្រសិនលោកជំទាវទទួលបានការគាំទ្រ តាមរយៈការបោះឆ្នោតសមាគមនេះ មិនមានការលំបាកផ្នែកថវិកាខ្លាំងពេកនោះទេ»៕