ព័ត៌មានជាតិ
រដ្ឋបាលខេត្តកោះកុង កំពុងពិចារណាកាត់ឆ្វៀលដីទំហំជាង ១២ ហិតា ជូនពលរដ្ឋភូមិជ្រោយស្វាយខាងលិច
អភិបាលរងខេត្តកោះកុង មន្ទីរជំនាញ និងអាជ្ញាធរមូលដ្ឋាន កំពុងពិចារណាលម្អិតលើការស្រាវជ្រាវពីប្រវត្តិអាស្រ័យផលដីជាង ១២ ហិតា របស់ប្រជាពលរដ្ឋ ២២ គ្រួសារ រស់នៅភូមិជ្រោយស្វាយខាងលិច មុននឹងសម្រេចកាត់ឆ្វៀលជូនឱ្យប្រើប្រាស់។
ការពិចារណានេះ ក្រោយចុះត្រួតពិនិត្យលើទីតាំងដីជាក់ស្ដែងដែលពលរដ្ឋអះអាងថា បានដាំដុះផលកសិកម្មអស់ពេលច្រើនឆ្នាំមកហើយនៅចំណុចថ្នល់អំបិល ស្ថិតក្នុងភូមិជ្រោយស្វាយខាងលិច ឃុំជ្រោយស្វាយ ស្រុកស្រែអំបិល។
លោក សុខ សុទ្ធី អភិបាលរងខេត្តកោះកុង បានលើកឡើងនៅរសៀលថ្ងៃទី ២៣ ខែកុម្ភៈ ឆ្នាំ ២០២៤ នេះថា អ្វីដែលជាការចង់បានរបស់ពលរដ្ឋ រដ្ឋបាលខេត្ត ពិតជាយល់ពីតម្រូវការ ក៏ប៉ុន្តែចាំបាច់ពិនិត្យស្រាវជ្រាវលម្អិតជាមុនសិន មុនសម្រេចចិត្តបែងចែកកាត់ឆ្វៀលដីសរុបជាង ១២ ហិតា ជូនពលរដ្ឋទាំង ២២ គ្រួសារ។
លោក សុខ សុទ្ធី យល់ថា កន្លងទៅដីតំបន់នេះធ្លាប់ជាដីព្រៃលិចទឹកដែលត្រូវការពារអភិរក្សប្រកបដោយចីរភាព និងមានការវិនិយោគពីក្រុមហ៊ុន ច័ន្ទរ័ត្ន ប៉ុន្តែនៅចន្លោះឆ្នាំ ២០២១ ត្រូវបានរាជរដ្ឋាភិបាលកាត់ឆ្វៀលដីនេះចេញឱ្យរដ្ឋបាលខេត្តគ្រប់គ្រង ហើយដកសិទ្ធិវិនិយោគក្រុមហ៊ុនឯកជន ដោយសារតែមានតវ៉ាទាមទារសុំដោះស្រាយច្រើនពីពលរដ្ឋ។
កន្លងទៅ លោក ប៊ុន រ៉េ មេឃុំជ្រោយស្វាយ ចង់យកដី ១២ ហិតា ធ្វើទីលានចាក់សំរាម ប៉ុន្តែនៅពេលនេះត្រូវបានលោកអភិបាលរងខេត្ត មិនអនុញ្ញាតទេ ព្រោះដីតំបន់នេះមានសភាពលិចទឹកប្រៃ ប្រសិនជាចាក់សំរាមកាន់តែធ្វើឱ្យខូចសោភណភាពបរិស្ថាន និងមិនត្រូវស្តង់ដារទីលានចាក់សំរាម ដោយលោកតម្រូវឱ្យរដ្ឋបាលឃុំស្វែងរកទីទួលដីទំនេរជំនួសវិញ។
លោកអភិបាលរងខេត្តកោះកុង ក៏ផ្ញើសារទៅកាន់ពលរដ្ឋរស់នៅក្នុងមូលដ្ឋានឃុំជ្រោយស្វាយ មិនត្រូវបន្តរំលោភបំពានតាមរយៈការកាប់ទន្ទ្រានដីរដ្ឋធ្វើកម្មសិទ្ធិផ្ទាល់ខ្លួនបន្តទៀតនោះទេ បើពុំដូច្នេះទេ នឹងឃាត់ខ្លួនបញ្ជូនទៅតុលាការអនុវត្តនីតិវិធី។
លោក ចាន់ សុខ និងលោក ហម ជឿន ជាពលរដ្ឋរស់នៅភូមិជ្រោយស្វាយខាងលិច បានឱ្យដឹងដែរថា ពួកគាត់បានរស់នៅអាស្រ័យផលកសិកម្មតាំងពីដូនតាឆ្នាំ ១៩៧៩ មកម្ល៉េះ ក្រោយមកដីរបស់គាត់ត្រូវបានមន្ត្រីបរិស្ថានហាមឃាត់មិនឱ្យដាំដុះកសិកម្ម ដោយសារជាដីតំបន់អភិរក្សការពារប្រើប្រាស់ច្រើនយ៉ាងដងពែង។ ចាប់តាំងពីពេលនោះមក ក៏មិនធ្វើសកម្មភាពអ្វីដែរ ប៉ុន្តែដល់ពេលដឹងថា រាជរដ្ឋាភិបាលកាត់ឆ្វៀលដីជូន ពួកគាត់មានការស្នើសុំឡើងវិញ។
តំណាងពលរដ្ឋដដែល ក៏សំណូមពរដល់អាជ្ញាធរខេត្ត និងមន្ទីរពាក់ព័ន្ធជុំវិញខេត្តកោះកុង ជួយធ្វើយ៉ាងណាកាត់ឆ្វៀលដីខាងលើជូនពួកគាត់បានប្រើប្រាស់ធ្វើកសិកម្មដោយក្តីអនុគ្រោះ ព្រោះគ្មានដីណាក្រៅពីដីនេះទេ។ ពួកគាត់សន្យាមិនរំលោភបំពានរុករានដីព្រៃលិចទឹកបន្តឡើយ ករណីឃើញជនខិលខូចកាប់ទន្ទ្រាន នឹងផ្តល់ព័ត៌មានទៅកាន់អាជ្ញាធរសមត្ថកិច្ចពាក់ព័ន្ធមានវិធានការច្បាប់៕
អត្ថបទ ៖ សិរីវឌ្ឍនៈ
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
-
សន្តិសុខសង្គម១៨ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៨ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច