ក្រោយដឹងខ្លួនពីដួលសន្លប់ តួថៃ Winai ប្រាប់ស្ថានភាពផ្ទាល់ខ្លួន

តារាសម្ដែងជើងចាស់ថៃ លោក Mek Winai Kraibutr​​ បានដួលសន្លប់ក្នុងបន្ទប់ទឹកកាលពីប៉ុន្មានថ្ងៃមុន ពេលនេះលោកបានដឹងខ្លួន ហើយពន្យល់មូលហេតុធ្វើឲ្យដួលថាមកពីខ្វះជាតិដែកនិង​ខ្វះ​ឈាម ក៏មិន​មាន​ពាក់​ព័ន្ធ​នឹង​ជំងឺសើស្បែករបស់លោកដែរ។

បន្ទាប់ពីបានទៅដល់ដៃពេទ្យនិងដឹងខ្លួន តារាសម្ដែងរូបនេះបានដឹងខ្លួន ហើយពន្យល់ប្រាប់អ្នកគាំទ្រកុំឲ្យមានការព្រួយបារម្ភចំពោះរូបលោក។ ក្នុងនោះលោកបានបញ្ចាក់ពីលទ្ធផល​ពិនិត្យ​រាងកាយ​បឋម​បាន​រក​ឃើញ​ថា លោកមានរោគសញ្ញានៃកង្វះជាតិដែក និងកង្វះឈាមថយចុះពី ៤០ ទៅ ១៦ ប៉ុន្តែរោគសញ្ញាបែបនេះ មិនទាក់ទងនឹងជំងឺសើស្បែករ៉ាំរ៉ៃនោះទេ។

ទោះយ៉ាងណាក៏ដោយ អ្នកមើលថែទាំជំងឺរបស់តួឯកប្រុសក្នុងរឿង “កូនពស់កេងកង” បានបញ្ចាក់ច្បាស់ៗដែរថា ចំពោះមូលហេតុដែលលោកបោកក្បាលក្នុងបន្ទប់ទឹកនោះ ដោយសារតែ Mek រមាស់ក្បាលច្រើនថ្ងៃ ហើយចង់កក់សក់ឲ្យស្រឡះក្បាលប៉ុណ្ណោះ។ ប៉ុន្តែមានមនុស្សជាច្រើនយល់​ខុស គិតថាមកពីជំងឺសើស្បែកឬពងបែកលើដងខ្លួនធ្វើទុក្ខទើបទៅជាដួលបែបនេះ។

យ៉ាងណាមិញ បន្ទាប់ពីអ្នកគាំទ្របានដឹងថាលោកបានធូរស្បើយជាងមុន ម្នាក់ៗបាន​ផ្តល់ការលើកទឹកចិត្តតាម​រយៈ​ការ​បញ្ចេញ​មតិ​ភាគច្រើន​បាន​ជូនពរ​ឲ្យ​លោកឆាប់​ជា​ពី​ជំងឺ ​និងត្រូវបន្តប្រយុទ្ធទៅមុខទៀត។ ក្នុងពេលដែលសព្វថ្ងៃនេះ លោកមានភរិយា​នៅ​ក្បែរ​មើលថែរយ៉ាងដិតដល់បំផុត៕

អត្ថបទ៖ សាង ស្រីល័ក្ខ

ចុចអាន៖កូនប្រុសអ្នកនយោបាយតៃវ៉ាន់ ចុះឃោសនាបោះឆ្នោតជាមួយឪពុក បែរក្លាយជាចំណាប់អារម្មណ៍