អាជីព

សម្ភាសន៍ការងារតាមអ៊ីនធឺណិត នឹងក្លាយជារឿងពេញនិយមទៅអនាគត តែបេក្ខជនអាចនឹងប៉ះពាល់

បានផុស

៤ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

សម្ភាសន៍ការងារអនឡាញ នឹងកាន់តែពេញនិយមនៅក្នុងវិបត្តិកូរ៉ូណានេះ ក៏ដូចជាតទៅនៅពេលអនាគត ដើម្បីបញ្ចៀសការខាតពេលទាំងសងខាង។ រឿងមួយចំនួនដែលអ្នកគួរដឹងពីភាពខុសគ្នារវាងសម្ភាសន៍ផ្ទាល់នឹងសម្ភាសតាមទូរសព្ទឬអ៊ីនធិណេតមានដូចជា៖

១. ប្រយ័ត្នសំឡេងរំខាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំឡេងរំខានគឺជាសត្រូវដ៏ធំបំផុត ត្រូវប្រយ័ត្ននឹងអ្វីដែលអាចទាក់ទាញចំណាប់អារម្មណ៍អ្នក មិនថាសំឡេងឬចក្ខុវិស័យណាមួយ។ ត្រូវយកចិត្តទុកដាក់ចំពោះសំឡេងស្រាល ៗ ដូចជាចរាចរណ៍ ឬសំឡេងពីម៉ាស៊ីនបោកគក់ ព្រោះស្មាតហ្វូនអាចនឹងចាប់យកវាបាន។

បិទការជូនដំណឹងតាមទូរស័ព្ទជាមុន ត្រូវប្រាកដថា បន្ទប់ឬទីតាំងដែលអ្នកនិយាយ ស្ងាត់ល្អមុនពេលចាប់ផ្ដើមទូរស័ព្ទ។

២. សម្រួលអារម្មណ៍

ទោះបីជាបទសម្ភាសន៍តាមទូរស័ព្ទមិនតម្រូវឲ្យអ្នកស្លៀកពាក់ក៏ដោយ តែជាគំនិតល្អក្នុងការស្លៀកពាក់ដូចជាអ្នកជំនាញ។ រូបរាង អាចជាគន្លឹះក្នុងការជួយអ្នកបង្ហាញពីទំនុកចិត្តដែលអ្នកត្រូវការ។

៣. រៀបចំទុកជាមុន

កត់ចំណាំរាល់អ្វីដែលអ្នកចង់និយាយ រួមទាំងចម្លើយចំពោះសំណួរដែលអ្នកបានស្រាវជ្រាវទុកមុន។ ត្រូវត្រៀមប្រវត្តិរូបសង្ខេប ឬព័ត៌មានក្រុមហ៊ុន និងការពិពណ៌នាការងារក្បែរខ្លួនជានិច្ច។ គួរមានក្រដាសស្នាមមួយ ទុកកត់ចំណាំ។

៤. ពិនិត្យបច្ចេកវិទ្យាឡើងវិញ

រឿងដែលគួរគិតដល់គឺជាងគេគឺ សញ្ញាទូរស័ព្ទ ឬអ៊ីនធឺណិតមានភាពយឺតយ៉ាវ។ ស្វែងរកកន្លែងដែលមានសញ្ញាខ្លាំង ហើយភ្ជាប់អ៊ីនធឺណិត ដែលអាចទុកចិត្តបាន។

៥. យល់ដឹងពីភាសារាងកាយ

ការញញឹមក៏ត្រូវបង្ហាញផងដែរ ដើម្បីធ្វើឱ្យអារម្មណ៍និងអាកប្បកិរិយាកាន់តែប្រសើរឡើង និងឈានទៅរកភាពជោគជ័យពីការសម្ភាសន៍។ មួយទៀត គឺត្រូវក្រោកឈរឡើងកំឡុងពេលហៅទូរស័ព្ទ វានឹងនាំឱ្យមានសំឡេងកាន់តែច្បាស់។ នេះក៏បង្ហាញពីទំនុកចិត្ត និងការប្ដេជ្ញាចិត្តដែរ។

៦. កុំរហ័សកាត់សំដី

បញ្ហាប្រឈមក្នុងការធ្វើបទសម្ភាសន៍តាមទូរស័ព្ទ គឺមិនដឹងថាត្រូវចាប់ផ្ដើមឬឈប់និយាយនៅពេលណា។ សូមផ្អាកប្រយោគរបស់អ្នកមួយសន្ទុះ ហើយទុកឲ្យអ្នកសម្ភាសន៍បញ្ចប់មុនពេលអ្នកឆ្លើយតប ដើម្បីធានាថា ការសន្ទនាគឺដោយរលូន។

៧. តាមដាន

ផ្ញើអ៊ីមែល “ អរគុណសម្រាប់ពេលវេលារបស់អ្នក ” បន្ទាប់ពីកាសម្ភាសន៍ចប់។ សរសេរខ្លីៗនិងសាមញ្ញ។ ការធ្វើបែបនេះអាចជួយឲ្យអ្នកលេចធ្លោជាងបេក្ខជនដែលនៅសល់ ហើយបង្ហាញថាអ្នកមានចំណាប់អារម្មណ៍ចង់ក្លាយជាបុគ្គលិករបស់ពួកគេ៕

ប្រែសម្រួល៖ សាង ស្រីល័ក្ខ

ចុចអាន៖ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

ចុចអាន៖អ្នកណាខ្លះនឹងត្រូវបាត់ចេញពីទីផ្សារការងារ ក្នុងពេលមានវិបត្តិកូវីដ១៩លើពិភពលោក