កីឡា
តំណាងទូរទស្សន៍បាយ័នថា ការប្រកួតគុនខ្មែរអន្តរជាតិស្អែកចំណាយច្រើន
ការប្រកួតគុនខ្មែរអន្តរជាតិ Idol Kun Khmer នៅថ្ងៃសុក្រ ទី១ ខែមីនា ឆ្នាំ២០២៤ រៀបចំឡើងដោយទូរទស្សន៍បាយ័ន និងសហព័ន្ធកីឡាប្រដាល់គុនខ្មែរចំណាយអស់ថវិកាច្រើន បើប្រៀបធៀបនឹងព្រឹត្តិការណ៍មុនៗ។
លោក គង់ វិសាល តំណាងស្ថានីយ៍ទូរទស្សន៍បាយ័នមានប្រសាសន៍ក្នុងសន្និសីទសារព័ត៌មាននៅព្រឹកថ្ងៃទី២៩ ខែកុម្ភៈ ឆ្នាំ២០២៤ថា ព្រឹត្តិការណ៍ប្រកួតគុនខ្មែរអន្តរជាតិលើកនេះសម្រិតសម្រាំងកីឡាករខ្លាំងៗមកពីតំបន់អឺរ៉ុប។ កីឡាករខ្លះមានម្ចាស់ខ្សែក្រវាត់ច្រើនគ្រឿងលំដាប់ពិភពលោកដែលត្រូវតទល់ជាមួយកីឡាករគុនខ្មែរលំដាប់ជួរមុខ។
លោក គង់ វិសាល បានរៀបរាប់ថា ៖«ការប្រកួតនេះអាចនិយាយបានថា គឺជាព្រឹត្តិការណ៍ចំណាយខ្ពស់របស់ស្ថានីយ៍ទូរទស្សន៍បាយ័ន ពីព្រោះកីឡាករដែលមកពីអឺរ៉ុបសុទ្ធតែជាកីឡាករល្បីៗ ជាពិសេសកីឡាករមកពីប្រទេសបារាំង និងមានកីឡាករ១រូបមកពីប្រទេសតួកគីផងដែរ»។
«លើកនេះគឺជាការចំណាយច្រើន អាចនិយាយបានជា ព្រឹត្តិការណ៍មួយដែលមានការចំណាយច្រើនលើតម្លៃខ្លួនកីឡាករ ការស្នាក់នៅ ដោយសារពួកគេមកកម្ពុជាច្រើនថ្ងៃ ស្នាក់នៅយូរ។ ខ្ញុំសង្ឃឹមថា ពុកម៉ែបងប្អូន ទស្សនិកជនដែលស្រឡាញ់វិស័យកីឡាប្រដាល់គុនខ្មែររបស់យើងចូលរួមគាំទ្រលើកទឹកចិត្តឲ្យបានច្រើនកុះករ»។ តំណាងស្ថានីយ៍ទូរទស្សន៍បាយ័នបានបញ្ជាក់។
ទោះបីជាយ៉ាងណា តំណាងទូរទស្សន៍បាយ័នរូបនេះមិនបានបញ្ជាក់ពីចំនួននៃការចំណាយ ក៏ដូចជាតម្លៃខ្លួនរបស់កីឡាករឡើយ ប៉ុន្តែកីឡាករបារាំងបានមកហ្វឹកហាត់ត្រៀមខ្លួននៅកម្ពុជាជាង១០ថ្ងៃហើយ។
ព្រឹត្តិការណ៍ប្រកួតគុនខ្មែរអន្តរជាតិនេះមានការប្រកួតដណ្តើមខ្សែក្រវាត់ម៉ារ៉ាតុងទម្ងន់៥៧គីឡូក្រាមដែលមានកីឡាករកម្ពុជា៤រូបគឺ ពេជ្រ ប៊ុនសិទ្ធ, ណង សាវ, ប៊ុន សុធា និង រិទ្ធី ចាន់ណា។ ការប្រកួតនៅជុំទី១ ពេជ្រ ប៊ុនសិទ្ធិ ប៉ះ រិទ្ធី ចាន់ណា ខណៈ ណង សាវ ប៉ះ ប៊ុន សុធា។ អ្នកដែលឈ្នះជុំទី១នឹងឡើងទៅវគ្គផ្តាច់ព្រ័ត្រ។
ជាមួយគ្នានេះមានការប្រកួតមិត្តភាពអន្តរជាតិ៣គូគឺកីឡាករកម្ពុជា ពេជ្រ សម្បត្តិ ប៉ះកីឡាករបារាំង Florent Lois Josep, ម្ចាស់មេដាយមាសស៊ីហ្គេម២សម័យកាល លន បញ្ញា ប៉ះកីឡាករបារាំង Oumar Batily និងកីឡាករបារាំងតំណាងគុនខ្មែរ Omar Samb ប៉ះកីឡាករតួកគី Adem Kabak។
គូប្រកួត
- ពេជ្រ ប៊ុនសិទ្ធិ ប៉ះ រិទ្ធី ចាន់ណា
- ណង សាវ ប៉ះ ប៊ុន សុធា
- ពេជ្រ សម្បត្តិ ប៉ះ Florent Lois Josep (បារាំង)
- លន បញ្ញា ប៉ះ Oumar Batily (បារាំង
- Omar Samb (បារាំងតំណាងគុនខ្មែរ) vs Adem Kabak (តួកគី)
- គូផ្តាច់ព្រ័ត្រម៉ារ៉ាតុងដណ្តើមខ្សែក្រវាត់
ការប្រកួតចាប់ពីម៉ោង៨យប់ ថ្ងៃសុក្រ ទី១ ខែមីនា ឆ្នាំ២០២៤ នៅខណ្ឌកំបូល រាជធានីភ្នំពេញ៕
អត្ថបទ៖ វីរបុត្រ
តើអ្វីជាលក្ខណៈពិសេសនៃនាវាចម្បាំង USS Savannah (LCS 28) ដែលនឹងចូលចតនៅខេត្តព្រះសីហនុចាប់ពីថ្ងៃចន្ទ?
មនុស្សប្រមាណ២ពាន់នាក់ ចូលគ្នារត់ប្រណាំងប្រមូលថវិកាជូនអង្គការគ្រួសារថ្មី គាំទ្រការអប់រំជនមានពិការភាព
អតីតសហការីទណ្ឌិត សម រង្ស៊ី៖ ជនក្បត់ជាតិបីជំនាន់ សម រង្ស៊ី មិនស័ក្តិសមជាធ្វើជាអ្នកដឹកនាំប្រទេសទេ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
លោកសុខ ពេញវុធ ត្រូវបានប្រកាសតែងតាំងជាប្រធានក្រុមការងារយុវជនគណបក្សរាជធានីភ្នំពេញជំនួសលោក នួន ផារ័ត្ន
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ