ព័ត៌មានជាតិ
លោក ស៊ុន ចាន់ថុល អះអាង អំឡុងខែមិថុនានឹងបើកការដ្ឋានសាងសង់គម្រោងព្រែកជីកហ្វូណនតេជោ
បើតាមការបញ្ជាក់ជាថ្មីរបស់លោក ស៊ុន ចាន់ថុល គម្រោងដ៏សំខាន់នៃផ្លូវនាវាចរណ៍តភ្ជាប់ផ្លូវទឹកទៅសមុទ្រ «ព្រែកជីកហ្វូណនតេជោ» នឹងបើកការដ្ឋានសាងសង់នៅអំឡុងមិថុនា ឬកក្កដា ឆ្នាំ ២០២៤។
លោក ស៊ុន ចាន់ថុល បានបញ្ជាក់ថា ប្រមុខរដ្ឋាភិបាលបានជំរុញឲ្យគម្រោងតម្លៃរាប់ពាន់លានដុល្លារនេះសម្រេចឲ្យបាន។
ថ្លែងនៅក្នុងសន្និបាតបូកសរុបលទ្ធផលការងាររបស់ក្រសួងសាធារណការនិងដឹកជញ្ជូននៅរសៀលនេះ លោក ស៊ុន ចាន់ថុល បានគូសបញ្ជាក់ថា គម្រោងព្រែកជីកហ្វូនណនតេជោ ជាគម្រោងដែលទាញសមុទ្រឲ្យជាប់ទន្លេ បង្កើនលទ្ធភាពដឹកជញ្ជូនពីខេត្តជាប់ទន្លេសាប ទន្លេមេគង្គ ចុះទៅសមុទ្រកាន់តែលឿន នាំឲ្យសេដ្ឋកិច្ចតាមដងទន្លេកាន់តែរីក។
លោកបន្តថា ការសិក្សាគម្រោងព្រែកជីកនេះអាចបង្កើតបណ្តាញដឹកជញ្ជូនប្រទាក់ក្រឡាគ្នាទាំងទន្លេសាប ទន្លេមេគង្ក ទន្លេសេកុង ទន្លេសេសាន ទន្លេស្រែកពក ដែលអាចទាញគ្នាទៅវិញទៅមក ដើម្បីជំរុញការដឹកជញ្ជូនតាមផ្លូវទឹកឲ្យកាន់តែច្រើន កាត់បន្ថយសម្ពាធផ្លូវថ្នល់។
តាមការសិក្សា គម្រោង «ព្រែកជីកហ្វូណនតេជោ» មានប្រវែង ១៨០ គីឡូម៉ែត្រ ចាប់ពីព្រែកតាកែវនៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន ៤ រួមមាន៖ ខេត្តកណ្តាល ខេត្តតាកែវ ខេត្តកំពត និងខេត្តកែប។
ការសាងសង់គម្រោងផ្លូវទឹកថ្មីនេះ ត្រូវបានប៉ាន់ស្មានថានឹងចំណាយទុនវិនិយោគប្រមាណ ១,៧០០លានដុល្លារ និងរយៈពេលសាងសង់ប្រមាណ ៤ ឆ្នាំ។
ពាក់ព័ន្ធនឹងគម្រោងសាងសង់ «ព្រែកជីកហ្វូណនតេជោ» នេះ សម្តេចមហាបវរធិបតី ហ៊ុន ម៉ាណែត កាលពីថ្ងៃទី១៧ ខែតុលា ឆ្នាំ២០២៣ បានអញ្ជើញជាអធិបតីក្នុងពិធីចុះហត្ថលេខាលើកិច្ចព្រមព្រៀងក្របខណ្ឌរវាងលោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ជាមួយតំណាងក្រុមហ៊ុនសាជីវកម្មស្ពាន និងថ្នល់ចិន (CRBC) ដើម្បីបើកផ្លូវឱ្យក្រុមហ៊ុនសិក្សាលម្អិតលើគម្រោងក្នុងរយៈពេល ៨ ខែ។ បន្ទាប់ពីសិក្សាចប់រយៈពេល ៨ ខែ ឈានដល់ការចរចា ដើម្បីចុះកិច្ចព្រមព្រៀងសាងសង់តែម្តង។
សម្តេចធិបតី ហ៊ុន ម៉ាណែត ធ្លាប់បានគូសបញ្ជាក់ថា ការធ្វើព្រែកជីកហ្វូណន-តេជោ ដើម្បីពង្រីកសេដ្ឋកិច្ច និងពាណិជ្ជកម្មជាតិ ហើយការធ្វើព្រែកជីកដើម្បីភ្ជាប់ទន្លេជាមួយសមុទ្រនេះ ក៏ដូចជាការអភិវឌ្ឍកំពង់ផែក្រុងព្រះសីហនុ ពុំមានអ្វីជាអាថ៌កំបាំងនោះទេ គឺដើម្បីពង្រីកសក្តានុពលសេដ្ឋកិច្ចកម្ពុជា ជួយឱ្យសេដ្ឋកិច្ចកម្ពុជាកាន់តែរីកចម្រើន និងធ្វើឱ្យប្រជាជនកម្ពុជាកាន់តែរីកចម្រើនមានជីវភាពកាន់តែធូរធាផងដែរ៕
រដ្ឋមន្ត្រីក្រសួងព័ត៌មាន បើកវេទិកាជួបម្ចាស់ស្ថានីយ វិទ្យុ និង ទូរទស្សន៍ ដើម្បីរកដំណោះស្រាយនៃដំណើរការប្រព័ន្ធផ្សព្វផ្សាយបុរាណ និងប្រព័ន្ធផ្សព្វផ្សាយទំនើប
ផ្ទេរខ្សែកតំណែងប្រធាន JCI Mekong ជូនអ្នកឧកញ៉ា គីម សុខអេង ក្រោមវត្តមានឯកឧត្តមឧបនាយករដ្ឋមន្រ្តី ហ៊ុន ម៉ានី
អាជ្ញាធរសង្កាត់ភ្លេីងឆេះរទេះ ដាក់គ្រឿងចក្រឈូសឆាយផ្លូវ២ខ្សែនិងរៀបចំដាក់ប្រព័ន្ធលូចាក់បេតុងឆ្អឹងដែក
លោក ហេង សួរ ទទួលជួបពិភាក្សាការងារជាមួយគណៈប្រតិភូនៃសហព័ន្ធសភាពាណិជ្ជកម្ម និងឧស្សាហកម្មខេត្តក្យង់គី នៃសាធារណរដ្ឋកូរ៉េ
រដ្ឋមន្ត្រីទេសចរណ៍ថា នឹងធ្វើឱ្យបរទេសចងចាំ និងមកលេងកម្ពុជាយ៉ាងហោចបានម្ដងក្នុងមួយជីវិត
សម្ដេចធិបតី ឯកភាពឱ្យតារាចម្រៀង ព្រាប សុវត្ថិ លាលែងចេញពីក្របខ័ណ្ឌកងយោធពលខេមរភូមិន្ទ ឋានន្តរសក្ដិ «វរសេនីយន៍ឯក»
តើគ្រូ និងកីឡាករសិង្ហបុរី និយាយអ្វីខ្លះពីការប្រកួតឈ្នះ កម្ពុជា យប់មិញ?
មជ្ឈមណ្ឌលអេដស៍ ស្នើទំព័រហ្វេសប៊ុក ឬវេទិការផ្សាយព័ត៍មានករណីជំងឺអេដស៍នៅខេត្តតាកែវលុបចេញជាបន្ទាន់
កម្ពុជា កំពុងឈរលេខ១ មានអ្នកគាំទ្រមើលផ្ទាល់ច្រើនបំផុត ពាន AFF Cup
អ៊ុយក្រែន បាញ់ ATACMS ចូលដីរុស្ស៊ីទៀត ខណៈអាមេរិក ព្រមានឲ្យទីក្រុងកៀវ ត្រៀមទទួលការសងសឹកវិញ
-
វប្បធម៌ ជំនឿ១ សប្តាហ៍ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ១ សប្តាហ៍ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ១ សប្តាហ៍ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ព័ត៌មានអន្ដរជាតិ៣ ថ្ងៃ ago១១ខែ វៀតណាម រញ្ជួយដី ៤៥៨លើក
-
ព័ត៌មានអន្ដរជាតិ១ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ៤ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម៥ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍២ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ